Jemisi 3:17 - BAṈARA KO VAIRU AMA LEVELEVEO

¹⁷ Melai vo aukale ala Baṉara kasi azo ko kuevako raura kama nianiio ko qulepo ama ta kota remedemede pide ama ni kota bule ama, ni baise ama, ni lolopareo sama. Kota matuma roquano sama ni kota ko puratika ko uri ama kalo poso; ni kota pui ko pitopitotako ni pui ko lipalipatako.

Jemisi 3:17 교차 참조

Matiu 23:28

So jari pado inio me, meko kupekupe ta memai lipaeka meko uri ama kalo ko ereko kiadama maba poso, melai meko omele ta lipalipa kama kerukeru, ni Baṉara ko Bazu ko pazoko,” ma kiolake vo Jisu.

Matiu 5:8

“Keta zoleiva tisoiko se bulebule ama bulo kale ama zario samu, ako seta ke velou sole vo Baṉara.

Matiu 5:9

“Keta zoleiva tisoiko se bulezato ko maba madu, ako vo Baṉara ta o ṉaviko meqora poso ma kiovou se sole.

Luke 21:15

ako aṉata a qatimelou me ko pesio ni uri ama kerukeru sole ko puliala kala pado mevo kana opa roveovo ama lipato tamela iko ni tamela tizaeko.

Luke 6:36

So sole meta roquanomo omadeuvo mevo Mama o roquana jari,” kiolake.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 1:47

Ni so keru Jisu o vea keru vo Nataniala obeta kueva keru vokasi, inio vota eri kiolake vokale avo, “Nei nio vo ṉisa Izireli ala maba, puliama vai vailizato sala!” kiolake.

Iruruputo 11:24

Banabasi ta kala uri ala maba, vota piza kama oqu sala ni ovai sukatani vo Tabu ala Auvana ni so inio o lilimake kubo madu vo Lekasa kasi.

Iruruputo 9:36

Ni Jopa peuru kale ta kobeta evake ka pado rekoreko koko tuvevo putako koko ṉi ta Tabita. Koko ṉi Quriki pesio kale ta Dokasi kio, ni koko kio ni kalo ta “Dia” ka kikelako matu ileile ama ariku kiti ama biaṉa kio. Kota ko ṉamuke kiadama koko taku koko uri ama iruruputo ko ereko kale ni tauvemo kale se ozaoza kamu.

Romu 12:18

Meta matu madoekomo tu meta bule kale me elou kiadamu kasi.

Romu 12:9

Ko roquano ta maba tuvetuve ama ko elou. Kai kideipomo ko ruqe ama quli, ni noqoekomo ko uri ama quli.

Romu 15:14

A visi poso mela: aṉata a uria paqumuka ta meta sidopua mela ni vo Baṉara ko nianiiekato me baqumukani mela, ni meta me roveani mela tu nianiiekikinio me ṉavio kude.

1 Koriniti 12:8

So inio vota o kativa kala ko pizato tu o kaseko ko uri ama kerukeru sama bazu. Mata kala maba ta voa omadeula Auvana ta o kativa ko pizato tu o kaseko ko bazu Baṉara kasi azo ama nianiio sama.

2 Koriniti 10:1

Kake mela ta so la kimelani aṉata a baisemelani lala so keru aṉa abeta eva keru mekasi, ni aṉata a melai karaṉa so keru aṉa abeta eva keru meko vaṉa. So kimelani nio aṉa Paula lala a ṉavi nio a basemela me koa omadeuma inobe ni baiseo vo Karisito kasa o ikema kale, tu pui zuruzuruelo aṉa tu a melai karaṉo me so keru a qilou keru mekasi! Ako aṉata a roveovoa lala tu amai karaṉo kake seke ṉelai kuirikani lipalipa kama quli. Se kikelani ta kiadama maba komia ruqe ama peuru ma peuru kale amu kebe erekako iruruputo jari ama ikio eṉe apositolo ṉela ṉebe erekako, kikela.

2 Koriniti 6:6

Eṉeta lula kasa ṉe ika eṉeko va nabuluputo vo Baṉara eṉeko bulebule ama saevo kale, ni eṉeko nianiio ni paṉao ni eṉeko puaropuaro kale, vo Tabu ala Auvana kale, eṉeko tuvevo ama roquano kale,

2 Koriniti 7:11

Kemo vo Baṉara lula o erekako quli meko komia duki kale! Ako kota lula ko pizatimela me, ni dikidau ko imela tu me duvevo pueko meko sidopu, ni meko taka ṉalo ko sarueko! Koa meko duki ta kasa ko ika ta meta pui me jaruiva ni meta me roquela aṉa, ni meta meqa zaria pizatilo aṉa, ni koqo ivo vo o saruekeni aṉa kasi! Meta lula kasa meda eva meko bulo ko besizio kale ta meta kuiripato pidea mela koa tapata kale.

2 Koriniti 9:10

Ni vo Baṉara, vo o puarikani ko rui tu ko papailo ni sailao tu ko vuazailo, vo inio o mela puarikou meko batiro ko rui ni vota o qotupikou ko ni o variekou ni o velokikou meko matuma puaropuaro sama iruruputo kale.

Pilipai 1:11

ni so inio vo Karisito ta o tauvemelou me ni meta me erekou kubo sidopu ama quli tu meta ṉaṉaidara me ivou ni me ilusivou vo Baṉara.

Pilipai 4:8

Ni koko tovatovama quli a visi poso mela, meta sukatikomo meko kerukeru uri ama quli kale ni koko male tu meqai raurailo ama quli. Kerukeruekomo ko tuvevo ama bazu, ni raura kama ṉi, ni sidopu ama kalo, ni bulebule ama saevo, ni ileile ama quli, ni paṉao sama kalo.

Kolosi 1:10

Eqeta qeka vararaita komi tu meta se Baṉara ko maba madu jaria elo me elou, ni meta me zolevou vo Baṉara kiada keru, ni meta me uria erekou kiadama uri ama quli, ni meta me rapukou meko patapataevo kale vo Baṉara,

1 Tesalonaika 2:7

Ako eṉeta vo Karisito ko apositolo ṉela sole ṉeda roveo nio riteraite imelo me. Melai eṉeta ṉe vanonoriemele me so keru eṉe ṉe eva keru mekasi, omadeuvo ko niania koko vanonoriemako koko meqora poso jari.

1 Timoti 5:21

Aṉata a bazueṉa ṉo vo Baṉara ni Jisu Karisito ni tabu ama mateana madu ko tanama kale tu ṉota zorika aṉa kialani ni ṉota riqaeva ubutiania voa lotu tanala vo o saruekani ṉovo uri ala lolo obe elou melai.

2 Timoti 2:24

Ako vo Lekasa vo nabulu ta pui o male tu vota o aivepato sole. Melai vota o baisemou kiadamu, uri ama ni paṉao sama nianiiekato kale,

Taitasi 1:15

Kiadama quli ta bulebule se bulebule amu kasi; melai pulia quli ta bulebule se sarueko ko kaqa samu kasi ni se tuvevo puto pide amu kasi, ako seko kerukeru poso ni upo nianiio poso ta lula ruqe sole.

Taitasi 3:2

Bazuema tu seta pui ruqe kasemo ke elo maba poso, melai bule ke elou ni ke baerebaereovou, kiada keru seta ke puratikou ko akoekato sama kalo kiadama maba poso kasi.

Hiburu 12:11

So keru anime me qoa keru ko sidopu puilo ko keve, ta kama pado tola kama quli anime kasi, kota pui zurao lomaloma. Melai animeko sidopu puilo ta ko tova puratika ko uri ama kalo anime kasi anime me qoani mela ko tauvezato kokale azo. Kota sidopu ko imela ni animeta bulea elo me eva.

Hiburu 12:14

Matu madoekomo tu meta emo bule kale kiadama maba sase, ni madoekomo tu saevomo tabu ama saevo kale, ako koa tabu ama saevo pide ta pui meba velou vo Baṉara sole.

Jemisi 1:17

Kiadama uri ama ni kiadama sidopu ama katizato ta ko kuevako aukale azo; kota ko saqora Baṉara kasi azo, vo o erekeni aukale ama zakaremu poso, ṉaniu ni kaboso ni Suti poso, ni voko zakaremu ta pui ko besizia omadeuvo kaboso ko zakaremu ko besizia jari.

Jemisi 1:5

Melai kala me azo ta Baṉara ko raura kama nianiio pide o elou ta, vota o vararaitou Baṉara kasi, nio vota o kativou ko, ako Baṉara ta o puarika ko voko puaropuaro ama iruruputo ni zoleilo kale kiadamu kasi.

Jemisi 2:13

Ako vo Baṉara ta pui opa katimou ko akoekato sama roquano voko titizimo keru, se pui ke katimani ko akoekato sama roquano edolomu, melai seke katimani ko akoekato sama roquano edolomu ta pui opa titizimou vo Baṉara.

Jemisi 2:4

Sokale meta kuirikuiria mela meko tama paṉao kale kake pala meko ruqe ama kerukeru ko pitoto kale.

Jemisi 3:15

Soama kalo ta pui ko kuevako vo aukale ala Baṉara kasi azo. Kota se komia peuru ma peuru kale amu vo Baṉara ke vaevani maba poso ko, kota ziolo poso kasi azo ko kuevako.

Jemisi 4:8

Kuemo Baṉara ko sipole, ni vota o kilou meko sipole. Meta liliziomo meko sarueko poso kale azo, me sarueko poso samela! Rurubiatana ikomo meko bulo poso, mea maba poso mela me meqai lipalipaitani mela ko sidopu!

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

1 Pita 2:1

So sole meta vaekomo kiadama meko ruqeruqe ama kalo ni lipalipato. Ni meta pui se kekai lipalipaitani ko sidopu jari kalo. Ni pui me qonoilou ni pui me ruqe kasemou se edolomu. Meta me vaekou koa kiadama quli meko saevo kale azo.

1 Pita 2:18

Me mabaku poso mela ta me zorimou meko lekasa poso meko matuma panao kale. Ni meta omadeu zorimo me elou se uri ama lekasa poso, seke baisemelani me, ni se ruqe ama lekasa poso, se tapata ke imelani me.

1 Jone 3:18

A meqora poso, animeko roquano ta pui pesio kale ko kiada ko elou. Melai animeko roquano ta tuvevo ama ko elou ni ko kasa puilou animeko tauvekinio kale.

1 Jone 3:3

Ni vo okai zuatani ko quli anime me elo avo so keru, ta bulebule o elou, omadeuvo Karisito ko bulebule jari.