Jemisi 3:14 - BAṈARA KO VAIRU AMA LEVELEVEO

¹⁴ Melai meta me dukiekou bulo kale ko konoilo ni muino, ta meta pui aikailo sidopu kai lipalipaito kale.

Jemisi 3:14 교차 참조

Matiu 27:18

Ako Paelati ta obe kai uria nianiia ta seko va konoilo kale inio se Jiu amu ko tanatanamu ta ke vati keve vo Jisu vokasi sole.

Jone 16:2

Ako seta ke butuemelou me seko ilusato ko pade poso kale azo, ni ko ikio koa taku so keru mata se maba poso ke vouvaemelou keru me, ni seko kerukeru ta seko vouvaemelo me kale inio seta keva nabuluputa vo Baṉara kikevou.

Iruruputo 13:45

Nio so keru se Jiu amu ke kea keru ko matuma padopadoilo sai, inio seta keta matu konoivake, ni pesipesi saṉa ke ikake vo Paula o kasekema quli, ni ke ruqe kasevake vo.

Iruruputo 26:9

“Lulali aṉa melai a qerukerutake ta sidopu ikio tu aṉata a erekou kiadama quli aṉa aqai kanaekiko ama vo Nazareti ala Jisu ko ṉi.

Iruruputo 5:17

Nio vo Ṉisa Siama ni voko baerebaere poso se koa so keru ama poqala maba poso Sadiusi madu ma kikeveni, ta kemai matu pasoike se apositolo madu, so sole seta ke vatoekake tu seta ke ereko kama quli tu ke niumaemo se kikelake.

Iruruputo 7:9

“Ni Jekopi ko meqora poso ta kevai konoivake sevo visi Josepa ni kevai tatabaraovake kake kasi seke vati keveni Ijipi tu vota mabaku o elo sai kikelake. Melai Baṉara ta o evake vo sase,

Romu 1:29

So sole kubo azaazama ruqe poso ta komai sukata, ruqe, muino, sebito, konoilo, vouvato, pazokinio, lipalipato ni kideipo; maba vai pesio

Romu 13:13

Animeta sidopua talio me elo ṉaniu ko zakaremu kale, pui olavoputo kale ni piza kama ju ko nozueko kale, ni pui sasave ni zata ko iruruputo kale ni ubutianiama pauvezato kale, ni pui pazokinio ma konoilo kale.

Romu 2:17

Noi nio ko me Jiu amu mela kimelani? Meta me zukaida inio vo Mosese ko Bazu tona nio meta mevai rauraiva vo Baṉara, kimela;

Romu 2:8

Se kiadailo ko maba poso ni ke vaekani ko sidopu, tu seta ke ereko ko ruqe ama kalo, se inio komai voreziovo amu ko Baṉara ko iqailo.

1 Koriniti 13:4

Se maba poso ke roquanani ta nodenode amu ni baise amu; seta pui ke konoivani ni pui ke aikaivani ni pui ke raurarauraivani.

1 Koriniti 3:3

Ako meta mebeta eva saevo omadeuvo komia ruqe ama peuru ma peuru ko maba poso jari sole. Ako konoilo ni me ṉavio kude aiveaivekinio ta ikoana kobeta eva me tona, ni komi quli ta kasa ko ika ko meta komia ruqe ama peuru ma peuru ko mela inio kio, me mebeta saevani mela koko saevo kale.

1 Koriniti 5:2

Koa matuma boutare ta kobeta ereiva mekasi, melai inio meta meda raurarauraivani mela! Meta me male tu komia kalo ta duki ko imelo, ni voa maba vo o erekani ko quli ta saqorivomo meko lotu qoqono kale azo.

1 Koriniti 5:6

Meta pui me male aikailo! Meta meqai nianiia koa pesio so kikolako, “Matu silo pala isiti kio ko rovea rapukiko ko palava volevole.”

2 Koriniti 12:20

Aṉata ada ṉava aṉako barolo keru sai tu kelo kama edolovo elo meko, aṉa pui a mela zariani jari me, ni meta me qelou aṉako edolovo elo, pui meko aṉa la zario tu so jari a elo. Aṉata ada ṉava tu aṉata a qelou kama aivekinio ni konoekinio, korakorailo ni kiadailo, kama tirazo ni maba kai pesio, aikailo ni birebire elo.

Qelesia 5:15

Melai meta mebeta ziovou niumaniumaekinio ni periperikinio ta mainio meta mebeta maba ruvurou. Meta piru ama biaṉa ko nanaekinia ni ko niamuniamuekiniako jari meda kava sole!

Qelesia 5:20

beku ko ilusiko, basato, kanaekinio, ketuketuekinio, konoilo, korakorailo, muino kapakapato, pitasikinio,

Qelesia 5:21

sebisebito, piza kama ju doilili kai elo ni ruqe ama ṉojolao, ni ereko mata kama soama quli. Melai aṉata a balauvimela me erisaṉa, omadeuvo aṉata a balauvimele ko paloasako taku kale jari, ako seke erekani komi quli ta pui kepa kovou vo Baṉara ko lekasa puo kale ama mauruto sole.

Qelesia 5:26

Ni animeta pui me aikailou, ni pui me niumaekiniou ni pui me qonoekiniou me ṉavio kude.

Qelesia 6:13

Ni seke luluekani moveilo ko bazu melai pui ke lulueka koa pado ama Mosese ko Bazu, melai seta kekai zaria tu meta me moveilo tu meta me luluekou se kikelani ni ke melai raurailou me meko tupu ko moveilo kale avo.

Pilipai 1:15

Tuvevo kake ta kevai bazubazuta vo Karisito seko lai konoilo ni seko lati aivekinio kale aṉa. Melai kake inio kevai bazubazuta vo Karisito ako seta uri ama vatolo samu sole.

Pilipai 2:3

Ni meta pui me erekou kama quli muino ni aikailo kale, melai meta zarazaraimo ni tama paṉaomo se edolomu saita inio me ṉavi.

1 Timoti 2:4

vo oma zariani kiadama maba poso tu o pakiemo ni seta kekai nianiio voko tuveano.

1 Timoti 6:4

ta o utu aikaivani pala ni pulia quli ka supi vota o paqumuka. Voko sarusaru ama vatolo kale inio vota okai zolizolita ni okai aivepata koa rukuruku poso; komi ta kama konoilo, ni kasekasekinio, ni riqaekinio, ni ruqeruqe ama mamuro ko lainizato,

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.

Jemisi 1:18

O ṉaviko vatolo kale vota o saevimela anime tuvevo ama bazu kale, tu animeta me qovou ko raura kama zae kiadama quli vo o erekema kasi azo.

Jemisi 3:16

Sai konoilo ni kiadailo ko evakoi, sai nio ko evakoi ko aivekinio ni kiadama ruqe poso.

Jemisi 5:19

A lolo poso mela, meta kerukeruekomo ko komi. Kala me azo ta o vaekou ko tuveano, ti kala edolola ta mata o vaitoevou vo sidopu kale,