Jemisi 2:19 - BAṈARA KO VAIRU AMA LEVELEVEO

¹⁹ Ṉota ṉo duvevo pueka ta omadeu Baṉara ta inevoana kio? So ta uri jari— melai ko ziolo poso melai ke tuvevo pueka ko so—melai seta keta matu ṉava, ako soama tuvevo puto ta puju ama sole.

Jemisi 2:19 교차 참조

Matiu 8:29

Nio koa ziolo poso ta kota karakararautake ni eri kikolake, “Baṉara vo Meqora ṉa! Noni ṉo iṉelou kiṉola inio? Ṉota ṉo queva tu koqotaeṉelole eṉe puliako koqotato ko ṉaniu barolo, kio?” kikelake.

Maka 1:24

ni eri kiolake, “Nazareti ala Jisu ṉa! Noni ṉo iṉelo kinola inio? Ṉo queva koi tu niumaeṉelole eṉe kio? Eṉeta lula ṉeṉai nianiia ṉo ta ṉota vo Baṉara vo Tabu ala Maba ṉa vo o soroeṉeni ṉa inio!” kiolake.

Maka 12:29

Nio Jisu ta o vati tiorikake, ni eri kiolake, “Ko matu qulepo ama bazu kiadama vo Mosese ko Bazu azo ta komi, ‘Meta didielomo me Izireli mu mela! Vo Baṉara animevo Lekasa ta vo tivoineni animevo Lekasa,

Maka 5:7

Nio vo Jisu ta o bazuekake koa ziolo tu ko saqoro voa maba kale azo. Nio koa ziolo ta kota karakararautake matuma kora kale ni eri kikolake, “Jisu, vo matu raura kala Baṉara vo Meqora ṉa! Noni ṉo ilo kinola inio aṉa? Vo Baṉara ko ṉikale, aṉata a baseṉa ṉo tu pui ṉo qoqotaelo aṉa,” kikolake.

Maka 7:9

Ni vota mata eri ma kiolake, “Meta meqai matu nianiiani mela besieko vo Baṉara ko Bazu tu me lulueko me ṉaviko taite poso ko bazu.

Luke 4:34

“Kei! Nazareti ala Jisu ṉa, noni ṉo iṉelo kinola inio? No queva koi tu niumaeṉelole eṉe kio? Aṉata aṉai nianiia ṉota vo Baṉara vo Tabu ala Maba ṉa vo o soroeṉeni ṉa inio!” kiolake.

Jone 17:3

Koa noqola kama saevo ko kio ni kalo ta maba poso ko ṉai nianiio ṉo, tuvevo ala Baṉara ṉa, ni seko lai nianiio aṉa Jisu Karisito lala, aṉa ṉoṉo joroeleni lala.

Iruruputo 16:17

Ni kota ko lulueṉelake Paula ni eṉe upaupatole ni eri kikolake, “Nia maba poso inio vo Matu Raura kala Baṉara ko nabulu madu! Ni se inio ke mela kasekani me pakio ko keve!” kikolake.

Iruruputo 19:15

Melai ko ziolo ta eri kikolake sekasi; “Aṉata avai nianiia vo Jisu, ni avai nianiia vo Paula; melai me—ta lave mela inio ko me?” ma kikolake.

Iruruputo 24:25

Ni so keru Paula okai pesipesita keru ko sidopu ni inobe ama kalo, ni ko kilo ama ṉaniu kale ko ereilo ama titizato, inio Filekisi ta ota ṉake ni eri kiolake, “Ṉota ṉo rovea saqoro erisaṉa. Aṉata mata a nokaeṉou ṉo so keru aṉa uri ama taku a qovou keru,” kiolake.

Romu 3:30

Vo omadeu pado Baṉara inio o sidopu puemou se Jiu amu ni se pui Jiu amu seko oqu kale.

1 Koriniti 8:4

So sole koa sailao beku poso kasi ko katiziako ko kuo kale avo: animeta meqai nianiia ta koko tuveano ta vo beku ta puliala quli; ni me baqumuka ta omadeu Baṉara o kiada inio inovoana.

1 Koriniti 8:6

so melai animevo Baṉara ta omadeu pado inio, animevo Mama. Vo inio o erekeni kiadama quli ni animeta me jaeva vo kaqe. Ni animevo Lekasa ta omadeu pado inio, Jisu Karisito. Vokale inio ko erei kiadama quli ni animeta me jaeva vokale.

Qelesia 3:20

Melai vo tianiala maba ta puliala, omadeu pado rana ko kiada ko elou ta. Ni vo Baṉara ta omadeu pado inio.

1 Timoti 2:5

Ako vo Baṉara ta omadeu pado sole, ni vo tabu ala Baṉara ni boutare sama maba poso ko tiania o evani ta mata omadeu pado, vo Jisu Karisito o ṉi sala maba,

Jemisi 2:8

Meta me zorikou tuvevo avole vo Baṉara ko lekasa puo ko bazu, koko kaseivako Tabu ama Riki kale, ko eri, “Meta roquemomo kiadamu omadeuvo me ṉavi me roquiva jari,” ko ikio ko sidopu ko ereko.

Jiudi 1:4

Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.

Jiudi 1:6

Ni kerukeruekomo kake mateana madu ta pui kepa kai zolei seko koidi ni pizato vo Baṉara o katimema, ni seta ke vaekake seko ṉisa peuru, nio sea mateana madu ta ke piriziake noqola kama piri kale kutumana kale ti kobeta barou koa matuma ṉaniu kale seke titiziovou keru.

Kelokelozato 20:10

Nio vo Setani, vo o lipalipaemani se, ta ke risaevou nai sama uza ko urusana ko tiania, sai vo biaṉa ni vo lipalipa kala poropita lula ke risaekakoi. Sai nio sea zouke ke kovoa koi ko noqola kama tola ipu ni ṉaniu, latau ṉaniu ni ka ṉaniu.