Jemisi 2:18 - BAṈARA KO VAIRU AMA LEVELEVEO

¹⁸ Melai esa kala ta eri kiovou, “Kala ta oqu sala, kala ta iruruputo sala.” Aṉako opato ta eri, “Ṉota pui ṉoba roveovou la kasevo kala maba vo o ṉeamukani ko iruruputo pide ama oqu. Melai aṉata aṉa kasekou aṉako oqu aṉako iruruputo kale.”

Jemisi 2:18 교차 참조

Romu 14:23

Melai vota niuniala okai elou ko vo o kuako quli nio Baṉara ko kuiripato ta ko vovou vo so keru vo o kuovou keru koa sailao, ako vota o utu ereka oqu pide sole. Ko oqu pide ko ereivako quli ta sarueko ikio.

Romu 3:28

Sokale avo inio aṉata a uria patapatae ta oqu kale inio vo maba ko sidopu elo Baṉara ko kelokelozato kale, melai pui Bazu ko kasekako quli kale.

Romu 4:6

Ko ikio vo Devita so ka kiovema, so keru vo o kaseke keru vo maba ko zoleilo vo Baṉara sidopu va kiolani, pui vo o erekako quli kale, ko eri ka kiovema,

Romu 8:1

Maba puliama kuiripato ta ikoana erisaṉa anime omadeu me vati evani mela vo Jisu Karisito animeko saevo kale.

Romu 9:19

Kala ṉa ta esa eri kiṉovou aṉa kasi, “Baṉara so o ika tea, noi sole inio vo Baṉara ta o kea kala maba topi ama saruilo? Ako puliala o rovea tizaeko vo Baṉara ko vatolo sole,” kiṉovou.

1 Koriniti 13:2

Aṉata Baṉara kasi azo ama bazu kai pesio ko pizato saṉa abe elou, ma abe paqumukou kiadama mutamuta kama quli ni kiadama nianiio Baṉara kasi azo ko kuevako saṉa abe elou, ma aṉata matuma oqu salala koko roveovou vatutiko ko sopu poso, melai aṉata puliama roquano salala tea, aṉata pulia quli jari nio.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

2 Koriniti 7:1

A lolo poso mela, ta vo Baṉara ta lula leveleveo o mela ika anime ta vota animevo Mama ni vota anime sate o elou. So sole erisaṉa animeta me epezou ereko kiadama ruqe ko anime kaqa ko imelako vo Baṉara ko vilu kasa, ni animeta tuvevoa tabu me elou animeko tava paṉao kale vo Baṉara.

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

Taitasi 2:7

Ṉo ṉavi ṉota kala uri ala kevepito eve uri ama kalo kale kiadama quli kale. Ṉota tuvevo ni kerula eve ṉoko nianiiekato kale.

Hiburu 11:31

Oqu kale inio kama pado sasave Rehabi ko ṉi sama koko vai keruima vo Baṉara ta kota ka lapasake ko vou. Kake maba poso se pui kepa zoriveni vo Baṉara ta keta vouvake, melai kota pui ko vouvake ako kota lula ko baroekikake ni ko amaqikake koko pade kale nioqa Izirelia nioqa qo keveni nioqa sai soukori puekole ko Jeriko peuru.

Hiburu 11:33

Seko vai oqu kale vo Baṉara seta ke kati pazokiniake kama matu peuru poso ni ke koqotaekake; korotoma ni sidopu ama quli ke erekake ni ke koake ko quli vo Baṉara oma inainaekema quli. Kake ta ke evake laione poso sate, melai pui ko nanaemake.

Hiburu 11:6

Puliala maba ta o rovea zolevo vo Baṉara oqu pide ala, ako vo oka zariani kilo Baṉara kasi ta o tuvevo puevou vo Baṉara ta inevoana, ni o tuvevo puekou ta vota reketekete saṉa o imani seke vailivani vo.

Jemisi 2:14

Me a lolo poso mela, pui uri tu kala ta eri kiovou, aṉata oqu salala kiovou, melai voko iruruputo poso ta pui ko kasa pueka ko oqu. Soama oqu ta maba pui kopa roveovou pakievo vo.

Jemisi 3:13

Kala me azo ta nianiiola ni paqumato sala, kiovo ala, vota kasa o ikou voko uri ama saevo kale. Vota kasa o ikou koa uri ama kalo, zarazarailo ni raura kama nianiio ko puratikako.