Jemisi 1:25 - BAṈARA KO VAIRU AMA LEVELEVEO

²⁵ Melai vo o vinaivani sidopu ama bazu kale, maba poso ko rupasimako, ni vo pui o lalamatani ereko ko, ni pui o utu viqani ni o ukaka puekani, ni vo okai iruruputani, vo inio voa maba vo Baṉara mauru o ivo ala vo o erekako quli kale.

Jemisi 1:25 교차 참조

Luke 11:28

Melai Jisu ta o opatake ni eri kiolake, “Uri, melai sea maba poso ke maba maurumauruivani ta sea poso seke viqani ni ke zorikani vo Baṉara ko bazubazu!” kiolake.

Jone 13:17

Erisaṉa meta me baqumuka koa korokoroti ama kalo ko meme ereko ama, so sole meta me erekou koa kalo inio meta maurumaurua mela meda elou.

Jone 8:36

So sole vo Meqora ta o rupasimelou me, inio meta tuvevoa ruparupasia mela me elou.

Iruruputo 13:43

Ni se maba poso lula ke aere saita, nio kubo Jiu amu ni kubo madu seke liliziovini ni Jiu amu jaria Baṉara ke ilusivani maba ke eveni ta ke luluekake Paula ni Banabasi. Nio nioqa apositolo kidi ta qo katimake se zuvarato sama pesio tu seta kebeta elou Baṉara ko vailo ni roquano kale.

Iruruputo 2:42

Ni seta ke vinaitake se apositolo madu ko nianiiekato tama viqo kale kiada keru, ni kekai zomanake seko baerebaereo ko saevo, ni seta omadeu vuato ni vararaito ke evake.

Iruruputo 26:22

Melai vo Baṉara ta o tauvelake aṉa ti kobeta baroa komia ṉaniu, so sole aṉata abe lojoa ni avai bazubazuta vo Jisu mea kiada mela kasi, silo ni matu. Ko quli aṉa a qasekako quli ta koa ijama quli se poropita madu ni Mosese ke kasekema ta kota elo ama quli ka kikevema ikio, ko eri;

Romu 11:22

Kokale inio animeta me qea vo Baṉara ko roquemo se maba madu ni voko tapata imo se. Vota tapata o ima seke vaevani vo, melai voko roquano ta me tona—meqai noqoilou koa roquano tea. Melai meta pui me noqoilou tea, me melai meda kobuilou.

Romu 2:13

Ako sidopu elo vo Baṉara ko kelokelozato kale ta pui maba madu ko viqo kale ko Bazu inio, melai ereko kale ko Bazu kikolani.

Romu 7:12

So sole koa pado ama Mosese ko Bazu ta tabu ama ikio, ni kiadama koko omaomadeu bazu poso melai tabu ama, kota sidopu ama ni uri ama.

Romu 8:15

Ako koa Auvana vo Baṉara lula o puarikema mekasi ta pui ṉalo ko mabaku ko imela, melai kota o ṉavi Baṉara ko meqora poso ko imela me, ni koa Auvana ko pizato kale inio animeta mevai zaivota vo Baṉara ni eri kimela, “Mama, a Mama!” kimela.

Romu 8:2

Ako vo Tabu ala Auvana ko bazu, ko anime omadeu saevo ko imelako vo Jisu Karisito sase, ta lula ko rupasile aṉa sarueko ni vou ko bazu kale azo.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

2 Koriniti 13:5

Meta keazaimo me ṉavi ni titiziomo me ṉavi, tu kai nianiiomo ko meta tuvevo avole oqu samela inio kio. Ako aṉata aqai nianiia ta pui me vaekou meko oqu ta, meta me roveovou kaseko ta vo Jisu Karisito ta me tona inio.

Qelesia 5:1

Vo Karisito o rupasimelo anime tu animeta meqai saevo koa ruparupasi. So sole meta piza kavole lojomo ni pui mata vo Mosese ko Bazu ko mabaku me elou.

Qelesia 6:2

Meta tauvekiniomo meko tapata poso keru. Ni meta so me qalou, inio meta tuvevo avole me zorikou vo Karisito ko bazu.

Kolosi 1:23

So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.

1 Timoti 2:15

Melai se rekoreko ta ke pataitou seko oqu kale ama elo ni roquano ni tabu elo, ni seko inobe ama kalo kale, nio seta ke pakiovou seko kovo kale ko meqora.

1 Timoti 4:16

Ṉota balauve ṉoko saevo ni nianiiekato kale. Ṉota vinai komi quli poso ko ereko kale, ako ṉota so ṉo qalou, inio ṉo ṉavi ni seke viqani ta meda pakiovou.

Hiburu 12:15

Balauvomo tu puliala ta o liliziovou Baṉara ko pakiezato sama roquano kasi azo. Ni vailomo tu puliala ta o pasopasoilou, ako koko epamata keru ta ko pasopasoilo ta kubo tapata ko ereka seke tuvevo putani kasi ni ko niumaeka seko saevo.

Jemisi 2:12

Meta uria pesimo uri ama kalo sate, ako meta maba madu ko rupasimako bazu kale inio me ditiziovou sole.

1 Pita 2:16

Ni meta saevomo ruparupasi ama maba poso jari; melai meta pui eri kimevou, “Eṉeta ruparupasia ṉela, so sole ṉe rovea ereko ko ruqe.” Melai meta vo Baṉara ko mabaku emo.

1 Jone 2:24

So sole meta tukiekomo koa bazu meko bulo kale ko meme viqema koko tanitanila kale. Ni meta me dukiekou koa bazu, ta meta vo Meqora ni Mama satea mela inio kiada keru.

Kelokelozato 14:13

Ni mata a viqake kama pado kora ko kuevako aukale azo ko eri kikolako, “Rikieka ko eri kio: Maurumauru amu inio seke vouvani se erisaṉa azo ke vouvani se omadeu ke vati evani vo Lekasa Jisu!” Ni Tabu ala Auvana ta eri kiola, “Tuvevo avole maurumauru amu inio. Keta zoleilou inio seke mamazani seko matuma iruruputo kale azo, ako seta ke kovou seko nabuluputo ko reketekete sole,” kiolake.

Kelokelozato 22:14

Maurumauru amu ko seke pusaekani seko rosia sabosabo poso ni vairu ke ikani! Ako se inio ko seke maleziko amu tu kuo koa noqola saevo ko katimako ore ko epa, ni seta ke amaqeovou koa matu peuru ko veutu poso kale.