Jemisi 1:17 - BAṈARA KO VAIRU AMA LEVELEVEO

¹⁷ Kiadama uri ama ni kiadama sidopu ama katizato ta ko kuevako aukale azo; kota ko saqora Baṉara kasi azo, vo o erekeni aukale ama zakaremu poso, ṉaniu ni kaboso ni Suti poso, ni voko zakaremu ta pui ko besizia omadeuvo kaboso ko zakaremu ko besizia jari.

Jemisi 1:17 교차 참조

Matiu 7:11

Meta ruqea mela melai meta meqai zaria katimo ko uri ama quli meko meqora poso. Mevo aukale ala Mama ta o melai paloasa me, sole me rovea tuvevo pueko ta vota o katimou ko matu uri ama quli seke pasekani vokasi!

Luke 11:13

Meta ruqea mela melai meta meqai zaria katimo ko uri ama quli meko meqora poso. Mevo aukale ala Mama ta o melai paloasa me, sole me rovea tuvevo pueko ta vota o katimou ko Tabu ama Auvana seke pasekani vokasi!” kiolake.

Jone 1:9

Voa Bazu ta tuvevo ala zakaremu, ni vota o kuevi peuru ma peuru kale, ni vota omai taloake kiadama maba poso.

Jone 3:27

Nio Jone ta eri kiolake sekasi, “Kota uri. Vo maba ta o rovea kovo ni ereko vo Baṉara o kativake quli pala.

Jone 3:3

Nio Jisu ta o vati tiorikake vo, “Tuvevo avole aṉata a bazueṉa ṉo, puliala maba ta opa roveovou kelo vo Baṉara ko lekasa puo puliako vo mata tova alilo,” kiolake.

Jone 8:12

Ni Jisu ta mata eri kiolake sea maba madu kasi, “Aṉata peuru ma peuru ko zakaremu lala. Vo o luluelo ala aṉa ta o ṉeamukou ko saevo ko zakaremu ni vota pui opa taliovou kutumana kale,” kiolake.

Iruruputo 11:18

Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.

Iruruputo 5:31

Baṉara ta o koivievo vo voko palo rana vasi tu Vilua pikopiko ni Pakio o elo, tu o katimo ko taku se Izireli amu tu ke lilizio ni ke kovo seko sarueko ko akoezato.

Romu 6:23

Ako ko sarueko ko reketekete ta vou; melai vo Baṉara ko tatabara pide ama katizato ta noqola kama saevo tu animeta omadeu me elou vo Jisu Karisito sase vo animevo Lekasa.

1 Koriniti 4:7

Ako lala inio raura o iṉe ṉo edolomu kasi azo? Ni pui vo Baṉara inio o katiṉeni ṉo kiadama quli ko ṉoṉo ṉeamukako quli, kio? Zio, vokasi azo inio ṉo qoe koa kiadama, nio noi sole inio ṉota ṉoda aikaiva, ni ko quli ṉoṉo ṉeamukako ta pui katizato jaria kerukerueko ṉo eva?

2 Koriniti 4:6

Voa Baṉara vo eri kioveni “Zakaremu ta ko talolou kutumana kale!” kioveni, vo inio voa Baṉara vo o taloekikeni voko zakaremu eṉeko kerukeru kale, tu ṉe baqumuko vo Baṉara ko ṉaṉaidara eṉe ṉe qerukerueva keru vo Karisito, omadeuvo se Izireli amu ta ke paqumukake jari koa ṉaṉaidara seke keve keru vo Mosese ko loilo.

Epesasi 1:18

Ni aṉata a melati vararaita, tu vo Baṉara ta zakaremu o mela ikou voko tuveano. So inio meta meqai keruvou meko kovo ko uri ama quli vo Baṉara leveleveo o mela ikema tu vota o katimelo. Ni so inio mata meta meqai nianiiovou koa mauruto vo Baṉara leveleveo o ikema voko maba madu kasi koa aqasiele ama ni ṉaṉaidara kama.

Epesasi 2:8

Ako vo Baṉara ko pakiezato sama roquano kale inio animeta me bakiovi animeko oqu kale. Ni kota pui me ṉaviko pizato kale inio kopa erei, ni pui animeko iruruputo kale, melai kota vo Baṉara ko puaro ikio, so sole puliala ta opa kai aikailou.

Pilipai 1:29

Ako vo Baṉara inio o bokerimelani me tu me duvevo puevo vo Karisito melai mata vo inio o zarie-melani me tu olaquavo me elo meko va nabuluputo vo Karisito kale avo.

1 Timoti 6:16

Vo o kiada ta o saevani ni pui opa vouvo ala, ni o evani koa simanamana kale ko puliala o roveako kelo. Puliala maba ta lula o vea vo, ni puliala maba ta o rovea velo vo. Animeta me rauraevou vo noqola pizato sala! Emeni.

Hiburu 13:8

Jisu Karisito ta omadeuvo ravi, ni vairutu ni kiada keru. Vota pui o besiziani.

Jemisi 1:5

Melai kala me azo ta Baṉara ko raura kama nianiio pide o elou ta, vota o vararaitou Baṉara kasi, nio vota o kativou ko, ako Baṉara ta o puarika ko voko puaropuaro ama iruruputo ni zoleilo kale kiadamu kasi.

Jemisi 3:15

Soama kalo ta pui ko kuevako vo aukale ala Baṉara kasi azo. Kota se komia peuru ma peuru kale amu vo Baṉara ke vaevani maba poso ko, kota ziolo poso kasi azo ko kuevako.

Jemisi 3:17

Melai vo aukale ala Baṉara kasi azo ko kuevako raura kama nianiio ko qulepo ama ta kota remedemede pide ama ni kota bule ama, ni baise ama, ni lolopareo sama. Kota matuma roquano sama ni kota ko puratika ko uri ama kalo poso; ni kota pui ko pitopitotako ni pui ko lipalipatako.

1 Jone 1:5

Komi kio koa bazu eṉe ṉe viqema Baṉara vo Meqora kasi azo ni eṉeta ṉe melai bazueka me: vo Baṉara ta zakaremu inio ni vokale ta maba puliama kutumana.

1 Jone 4:10

Ni tuvevo ama roquano ta vo Baṉara ko roquano anime kasi ama ikio, ni pui animeko roquevo vo Baṉara. Ako vo Baṉara inio o roquemele ni o soroeve vovo Meqora tu ota mela akoeko animeko sarueko poso vovo Meqora ko voukale.

Kelokelozato 21:23

Ni koa matu peuru ta pui kokai zaria ko ṉaniu ni kaboso ta kokai talolo, ako vo Baṉara ko ṉaṉaidara ta kokai taloake ko, ni vo Sipi Meqora ta koko juke ota ka evake sole.

Kelokelozato 22:5

Sai ta puliama ipu kopa elou, ni seta pui kepa ka zariovou ko juke ni ṉaniu ko zakaremu, ako vo Baṉara sevo Lekasa inio sevo zakaremu o elou, ni seta aikovakova ke elou latau ṉaniu ni ka ṉaniu.