Jemisi 1:11 - BAṈARA KO VAIRU AMA LEVELEVEO

¹¹ Vo ṉaniu ta o purata voko vualavuala kama urusana sase ni ko zulueka ko papapapa; koko sisusisu ta kota ka vuzara, ni koko olaupo ta lula kota ka niumaiva. Omadeuvo so jari nio vo batiro ala maba ta o niumailou voko batiro elo kale, ni riteraite kai elo kale voko iruruputo.

Jemisi 1:11 교차 참조

Matiu 13:6

Melai vo ṉaniu ta o peata, ni vota o vualavualaekake koa qotuqotu ni kota kota kajaoke ako koko raki ta pui vaṉa ko ola sole.

Matiu 20:12

ni eri va kikelake, ‘Koe! Nia maba poso se tova ke iruruputalani ta omadeu aoa ko kiada ikio seko iruruputo. Melai eṉeta komia pado ama ṉaniu vualavuala kama ṉaniu kale ṉe iruruputa melai eṉea kiada ṉela ko tabara ta omadeuvo,’ va kikelake.

Matiu 6:30

Ni koa sisusisu poso ta ko eva seulele valuvalu matu puju ama taku kale, ni koko tova maba poso ta ke saqaeka ni ke risaeka uza kale. Melai vo Baṉara ta matu ileilea zaloniko o eve koa seulele sisusisu kale. Meta pui me duvevo puekou ta vo Baṉara inio o saboemelou me sabosabo kale, omadeuvo vo o zalonika jari ko seulele sisusisu kale, ta meko oqu ta matu silo ama ikio.

Maka 4:6

Melai vo ṉaniu ta o peata ni vota o vualavualaekake koa qotuqotu ni kota kota kajaova ako koko raki ta pui vaṉa ko ola sole.

1 Koriniti 7:31

ni me riteraite meqai evani mela komia peuru ma peuru kale ama quli ta pui pado ama meko taku jari meba kai ṉamukou. Ako komia peuru ma peuru anime me qeako erisaṉa ta sipole inio kobeta paitou sole.

1 Pita 1:4

So sole animeta meqa zuata Baṉara ko mauruto o maba poso mela ko ka kiovema. Ni Baṉara ta obe kati vaila me kaqe komia mauruto aukale, ni kota pui kopa sapeovou ni pui kaqa kopa elou ni pui kopa taka besiziovou koko ileile.

1 Pita 5:4

So inio meta me qovou koa ṉaṉaidara kama mamola ko pui kopa niumailo ama, Jisu animevo Raura kala Vailo ko Maba o katimelo ama vo o vaitou keru.