Iruruputo 9:39 - BAṈARA KO VAIRU AMA LEVELEVEO

³⁹ So sole Pita ta o inainaoke ni vota o luluekake nioqa. Ni so keru vo o baroa keru sai, seta ke vati koitake okate ama lose kale, sai nio kiadama naboko poso ta ke qoloevake vo, ni zialole seta keva kasekake seko sabosabo poso Dokasi saevoma keru koma erekema.

Iruruputo 9:39 교차 참조

Matiu 17:17

Nio Jisu ta eri kiolake, “Mea maba poso komia taku kalea mela ta puliama oqu samela ni sarusarua mela. Noi tinia tu keu nio aṉata a elou mekasi? Aṉata aqai aquria meko bulo ko zokele sole! Vati kuemo voa rusu aṉa kasi!”

Matiu 26:11

Ako se ozaoza kama maba madu meme qasemani ta mekasi nio kebeta eloa koi kiada keru sole, melai aṉa inio pui mekasi aba eloa lala kiada keru.

Maka 14:8

Nio komia rekoreko ta ko erekala ko kokai roveako, ni koko raibiko ko uria tui ama lumu aṉako tupu topi ta ko inainaeka inio aṉako mutailo.

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Jone 12:8

Ako se ozaoza kamu ta ke elou me sase kiada keru, melai aṉata pui aba elou mekasi kiada keru,” kiolake.

Jone 17:12

Ako so keru aṉa a mati eve keru miduku kale aṉata a mati vaile ṉoko ṉi ko pizato kale, koa ṉi ṉoṉo qatilema aṉa kale. Aṉata a mati vaile se ni puliala kala pado ta opa mumai, melai vo okai zuateni ko mumailo o kiada inio o mumai, tu ko Tabu ama Riki kikovevo ta tuvevo ko elo.

Iruruputo 1:13

Seta kekai amaqeake koa matu peuru ni kekai zakeike okate ama lose kale sai seke evakoi: Pita, Jone, Jemisi ni Aduru, Pilipi ni Tomasi, Batolomiu ni Matiu, ni Jemisi Alepiasi vo meqora, ni Saimone kala pado sekale ala se keka zariovini rupasimo Izireli qoqono Romu ko vailo kale azo tu ke ṉavi ke lojolo, ni Jiudasi Jemisi vo meqora.

Iruruputo 20:35

Aṉata a mela kasa pueke tu komia keve kale animeta me matu iruruputo tu me dauvemo se lekuleku amu, kerukerueko kale ko bazubazu o ṉavi vo Lekasa Jisu o rukuekema, ‘Matuma zoleilo katizato kale ama ta kota ka qulepa koazato kale ama,’ ka kiovema,” kiolake vo Paula.

Iruruputo 6:1

Ni kama taku poso ko tova, inio seke tuvevo putani ta kubo keta evake, koa taku inio se Jiu amu Quriki pesio mu seke tuvevo putani ni se Jiu amu ke ṉaviko Jiu ama pesio mu seke tuvevo putani ta keta aivekiniake ke ṉavio kude. Se Quriki pesio ama Jiu amu ta keta tirazake ako seko naboko poso ta lula ukaka kemai ika Jiu pesio mu ṉaniu poso kale ke puarikake sailao ma seleni seke koako sole.

Iruruputo 8:2

Nio kake lotu maba poso inio ke mutavake vo Sitiveni, seta duki keva evake seko matuma zialo sate.

Iruruputo 9:41

Nio Pita ta o rauqazake ni o lojoekake ko. Ni koko tova inio vota o nokaemake kiadamu seke tuvevo putani, naboko poso sate, ni vota o baroekikake ko sekasi saevoma.

2 Koriniti 8:12

Ako meta dikidauputole me erekou meko katizato ta, vo Baṉara ta oka zoleilou meko katizato me meqai bokaovako ereko, ni pui opa ka zariovou ko me pui meqai bokaovako quli ereko sole.

Epesasi 4:28

So inio vo o kuileni voko lulama saevo kale ta o epezou kuilo ni o iruruputou voko ṉase kale tu o kovou saevo ko korotikako quli, ni omai tauvekou koa uri ama quli se ozaoza kamu.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

1 Tesalonaika 4:13

Ṉe visi ni ṉe qaka poso mela, eṉeta ṉe melai zaria me tu meta meqai nianiiovou koko tuveano se lula ke vouvani seko lotu saevo kale ko, tu meta pui duki me elou, se pui kekai zuatani ko aukale ama saevo jaria duki elo kale.

1 Timoti 5:3

Ṉota bazuema saizama lotu qoqono tu seta keta ma paṉaovou ni ke tauvemou se reko naboko poso se ojolou elo kebeta evani.

1 Timoti 5:5

Koa naboko koko kiada pado, ko puliala o kati vailako, ta ko noqoiva vai keru vo Baṉara, ni kota ko vararaita ipu ni ṉaniu koko paseko kale voko tauvezato.

1 Jone 3:18

A meqora poso, animeko roquano ta pui pesio kale ko kiada ko elou. Melai animeko roquano ta tuvevo ama ko elou ni ko kasa puilou animeko tauvekinio kale.