Iruruputo 9:22 - BAṈARA KO VAIRU AMA LEVELEVEO

²² Melai Saula ko bazubazuto ta matu ti matu piza kota evake, ni voko tuvevo iko vo Jisu ta vo Baṉara o soroevani Pakio nio kio ta matu niuniala ko imake se Damasikasi ke evani Jiu amu so sole seta pui ke roveake pizato seko vati zolizoliekinio kale vo.

Iruruputo 9:22 교차 참조

Luke 21:15

ako aṉata a qatimelou me ko pesio ni uri ama kerukeru sole ko puliala kala pado mevo kana opa roveovo ama lipato tamela iko ni tamela tizaeko.

Iruruputo 17:3

ni vota o rupasikake ko kikolani ni omai uria bazuekake koko tuveano vo Baṉara o soroevo ala va kioveni Pakio ko tolailo ni voko mata saevo voukale azo ta ko pidokiovi seko Tabu ama Buka kale. Vota eri kiolake, “Nea Jisu vo aṉa a qasevani mekasi, vo inio vo Baṉara o soroeveni Pakio,” kiolake vo Paula.

Iruruputo 18:5

Ni so keru Sailasi ni Timoti qo baroake sai Masedonia azo, Paula ta okai iruruputake voko pado ama taku kai bazubazutole ko bazubazu, ni vota oma matu kasevake se Jiu amu vo Jisu vo inio vo Baṉara o soroeveni Pakio kiolake.

Iruruputo 28:23

So sole seta ke takumukake ko ṉaniu Paula sate, ni matuma vaki ta ke kuevake koa ṉaniu kale sai vo Paula o evakoi. Nio vikale azo ti kobeta baroake ipu kale vota zakaremu omai ikake vo Baṉara ko lekasa puo voko bazubazu kale, ni vota matuma pesipesi o mati erekake se voko zakaremu pueko kale Mosese ko Bazu ni poropita madu ko riki ko kasekako quli, tu tuvevo ke ivo vo Jisu.

Iruruputo 9:20

Ni vota tutumazi avole o olake se Jiu amu ko ilusato ko pade poso ni o tanitake kai bazubazuto ta vo Jisu ta vo Baṉara vo Meqora inio kio.

Iruruputo 9:21

Nio kiadamu seke tava viqeni vo ta keta matu vuzeike ni eri kikelake, “Nei nio vo vo Jerusalema o vouvaemeni voa Jisu ke ilusivani, kive? Ni vo tivoine o kuelani koi tu o noqoemo ni o mati vaito sea maba poso se raura kama siama madu kasi!” kikelake.

Iruruputo 9:23

Ni matu kubo ṉaniu kota paloasake ko tova, nio se Jiu amu ta ke padoivake ni ke erekake ko nakatato tu ke vouvaevo vo Saula kikelake,

Iruruputo 9:27

Sai nio vo Banabasi ta vovo tauvezato o evake ni vota o vati olake vo se apositolo madu kasi. Ni vota oma zakaremu puekake vo Saula ko lula velo vo Lekasa keve tona ni vo Lekasa ko lula vati pesio vo kio. Ni so jari vota omai bazuekake se vo Saula ko parani putole vai bazubazuto vo Jisu Damasikasi peuru kale.

1 Koriniti 1:27

Ako Baṉara ta o pitoemele anime komia ruqe ama peuru ma peuru kale ama maba poso sarubea mela mela kikelani tu vota o quratimo se nianiiomu, ni vota o pitoemele anime komia ruqe ama peuru ma peuru kale ama maba poso lekulekua mela mela kikelani tu vota o quratimo se piza kamu.

Qelesia 1:18

Ni zouke sabere ko tova inio aṉata a olake Jerusalema tu aba toraevo vo Pita, ni aṉata a evake vokasi toni sike ṉaniu pala.

Pilipai 4:13

Ako vo Karisito inio o pizatilani sole. So inio aṉata a rovea kai zoleilo kiadama quli ko a doraeko ama quli kale.

1 Timoti 1:12

Aṉata a ilusiva vo Jisu Karisito animevo Lekasa vo o pizatilani aṉa aṉako iruruputo kale. Aṉata a ilusiva vo, ako vota o malezilake ni o pitoelake sole tu ava nabuluputo vo,