Iruruputo 9:20 - BAṈARA KO VAIRU AMA LEVELEVEO

²⁰ Ni vota tutumazi avole o olake se Jiu amu ko ilusato ko pade poso ni o tanitake kai bazubazuto ta vo Jisu ta vo Baṉara vo Meqora inio kio.

Iruruputo 9:20 교차 참조

Matiu 27:43

Ako vota tuvevo o ivani vo Baṉara, kiolani, ni okai nokaivani Baṉara vo Meqora. Sole me velo, Baṉara ta obe pakievou vo ma pui,” kikelake.

Matiu 27:54

Ni so keru se solodia madu ni sevo kuleto ala kebe vati vailani vo Jisu ke kea keru ko nunu ni kiadama quli sai ko ereima, seta keta matu ṉavaike ni eri kikelake, “Koe, matu tuvevo nei ta vo Baṉara vo Meqora tivoine!” kikelake.

Matiu 4:3

So keru nio vo Setani ta o baroake vokasi ni o zolizolievake vo ni eri kiolake, “Ṉota vo Baṉara vo Meqora ṉa sole bazueka komia lado tu sailao ko elo,” kiolake.

Jone 1:49

“Tanala, abe paqumuṉa ta ṉo inio vo Baṉara vo Meqora ṉa! No inio se Izireli amu vo Aikovakova ṉa!” kiolake.

Jone 19:7

Melai se Jiu amu ta ke tiorizatake mata, “Eṉeta kama bazu saṉela ko vota o male tu o vou kikolako, ako vota okai rairizia ta vota Baṉara vo Meqora inio kiolani sole,” kikelake.

Jone 20:28

Ni vo Tomasi ta o vati tiorikake vo, “A Lekasa ni a Baṉara ṉa tiṉoineni!” kiolake.

Jone 20:31

Melai aṉata a rikieka komia buka kale ama quli tu meta me duvevo puekou vo Jisu inio vo Baṉara o soroeveni Pakio kio, vo Baṉara vo Meqora, ni koa tuvevo puto kale meta me qovou ko tuvevo ama saevo voko ṉikale.

Iruruputo 13:14

Ni nioqata qopeta olake talio ni qo baroake Anitioko peuru kale Pisidia rana, ni Sabati ṉaniu kale inio nioqata qo amaqeake Jiu amu ko ilusato ko pade kale ni qo papuake sai.

Iruruputo 13:46

Melai Paula ni Banabasi ta matu parani putole qo pesiake ni eri kiqolake, “Ko male ikio tu mekasi nio kuleto ko kaseilo vo Baṉara ko bazu, melai meta meda ka lupaova viqo ko ti lula kuiripato saṉa meda eva me ṉavi ni pui me malezika ko noqola kama saevo, so sole eqeta qe vaemelou me ni qeta ziovou pui Jiu amu kasi.

Iruruputo 13:5

Ni so keru nioqa qo varerike keru Salamisi peuru kale inio nioqata qokai bazubazutake vo Baṉara ko bazubazu saizama Jiu amu ko ilusato ko pade poso kale. Ni nioqata qo vati keve vo Jone Maka tu vota o tauvezato koa iruruputo kale.

Iruruputo 14:1

Ni Aikoniami peuru kale melai koa omadeuvo ama iruruputo kobeta ereivake: Paula ni Banabasi ta qo amaqeake se Jiu amu ko ilusato ko pade kale, ni koa omadeuvoa bazubazuto qo evake, ni matu kubo madu se Jiu amu ni pui Jiu amu ta ke tuvevo putake.

Iruruputo 16:13

Ni kala Sabati ṉaniu kale inio eṉeta ṉeda saqorake koa peuru ko veutu kale kude ni ṉeda olake kala orori ko kama rana, sai eṉe ṉe qerukeruekekoi ta koa zae ta kama pado zae sai Jiu amu ke roveakoi padoilo vararaitole. Eṉeta ṉe bapuake ni ṉe mati pesipesitake sea rekoreko poso se sai ke padoini vararaitole.

Iruruputo 17:10

Nio koa ipu inio seke tuvevo putani ta ke soroekake Paula ni Sailasi Berea peuru kale, ni so keru nioqa qo baroa keru sai, nioqata qo amaqeake se Jiu amu ko ilusato ko pade kale.

Iruruputo 17:17

So sole vota Jiu amu ko ilusato ko pade kale o mati pesipesitake se Jiu amu ni se pui Jiu amu Baṉara ke ilusivani, ni so jari kiadama ṉaniu maketi pade kasi o mati pesipesitake se sai ke alokatani maba poso.

Iruruputo 17:2

Voko kalo sole Paula ta o olake ilusato ko pade kale. Ni zouke Sabati ṉaniu kale vota okai pesipesitake ko Tabu ama Riki,

Iruruputo 18:19

Ni seta ke varerikake Epesasi, sai vo o vaekekoi Pirisila ni Akuila. Sai nio vota o amaqeake se Jiu amu ko ilusato ko pade kale ni o mati pesipesitake se Jiu amu.

Iruruputo 18:4

Ni vota o bazubazutake Jiu amu ko ilusato ko pade kiadama Sabati ṉaniu poso kale tu o madoeko lilimo se Jiu amu ni se sai ke lotumatani Quriki amu.

Iruruputo 19:8

Ni vo Paula ta o amaqeake mati se Jiu amu ko ilusato ko pade kale ni zouke kaboso vota parani putole o bazubazutake sai ke ilusatani maba poso kasi. Vota omai titiake se ni o madoekake mai nianiiekiko vo Baṉara ko lekasa puo.

Iruruputo 8:36

Nio nioqako lulueko kale koa keve inio nioqata qo baroake kala pado zaekale ju ko evakoi, nio voa raura kala maba ta eri kiolake, “Kota ju. Ikoana kama quli koko tizaeko ama aṉako bapitaiso elo?” kiolake.

Iruruputo 8:37

Ni vo Pilipi ta eri kiolake vokasi, “Ṉota ṉo duvevo puevou vo Jisu ṉoko pado ama bulo kale inio ṉota ṉo roveovou bapitaiso puilo,” kiolake. Nio voa maba ta o vati tiorikake, “Aṉata a duvevo pueva vo Jisu Karisito ta vo inio vo Baṉara vo Meqora,” kiolake.

Iruruputo 9:22

Melai Saula ko bazubazuto ta matu ti matu piza kota evake, ni voko tuvevo iko vo Jisu ta vo Baṉara o soroevani Pakio nio kio ta matu niuniala ko imake se Damasikasi ke evani Jiu amu so sole seta pui ke roveake pizato seko vati zolizoliekinio kale vo.

Romu 1:4

melai vo Tabu ala Auvana ko pizato kale, Baṉara ta kasa o ivake vo Jisu ta vota Baṉara vo Meqora inio, vo o saevive keru vo voukale azo voko pizato kale.

Qelesia 1:16

tu kasa ola ivo vovo Meqora, tu aṉata aqai bazubazutou voko Uri ama Bazu se pui Jiu amu kasi. Melai aṉata puliala maba kasi azo aba koe ko tauvezato sama nianiiekato.

Qelesia 2:20

ni erisaṉa aṉata pui aqai saeva a ṉaviko saevo melai aqai saeva vo Karisito ko saevo vo o saevani aṉa tona. Ni aṉako erisaṉama saevo kale aṉata avai oqua vo Baṉara vo Meqora vo o roqueleni ni ola vovini aṉa.

Kelokelozato 2:18

“Ṉota eria rikito eve sai Taiataira ma lotu qoqono ko mateana kasi: Eri nio koa bazu koko kuevako vo Baṉara vo Meqora kasi azo, vo o vilu ta uza ko urusana jaria urusoma vilu sala, ni o kiti ta matu bulebule ama barasi jaria kapikapito ama sala.