Iruruputo 9:17 - BAṈARA KO VAIRU AMA LEVELEVEO

¹⁷ So sole vo Ananaiasi ta o olake ni o amaqeake sai Saula o evakoi, ni vota ovai ivikake voko ṉase vo tona ni eri kiolake, “Baerebaere Saula, vo Lekasa ta o soroelala aṉa, vo Jisu, vo oṉai puratalani ṉo keve tona so keru ṉoṉo quela keru koi. Vo inio vo o soroelalani aṉa tu ṉota mata ṉo qeazatou ni oṉai sukatou vo Tabu ala Auvana,” kiolake.

Iruruputo 9:17 교차 참조

Matiu 19:13

Nio kake maba poso ta ke mati olake seko meqora poso Jisu kasi tu vota oma iviko voko ṉase ni o mati vararaito se, melai se disaipeli madu ta ke riqaemake se.

Maka 5:23

ni ovai titiake vo Jisu, ni eri kiolake, “Lekasa, aṉako sinaqu rusu meqora ta kota matu verepa ni aṉata aṉai zaivota ṉo tu ṉo qilou ni ṉoba kai ivikou ṉoko ṉase, nio kota ko urikou.”

Maka 6:5

So sole vo Jisu ta pui o roveake ereko kubo aqasiele ama iruruputo koa peuru kale, melai kake pala inio omai ivikake voko ṉase ni o urikimake se.

Luke 1:41

Ni so keru Ilizabeti ko viqa keru Mere ko zoleilo sama pesio, vo meqora ta o matu bokilikake koko siapa. Ni Tabu ala Auvana ta okai sukatake ko Ilizabeti,

Luke 1:67

Nio Jone vo mama Zekaraia ta ovai sukatake vo Tabu ala Auvana ni o pidokatake, ni eri kiolake,

Luke 1:76

“Ni ṉo aṉavo meqora ṉa, ta vo Matu Raura kala Baṉara vo poropita keṉai nokaekou. Ṉota ṉo elou puliako vo Baṉara ko pakiezato elo ni ṉota ṉova inainaekou voko keve,

Luke 15:30

Melai nea ṉovo meqora vo ota ṉa ruvurikani ṉoko seleni takuto iruruputo kale, ta o vaita keru peuru kale inio ṉota ṉova vouvaeka ko posu ama bulumakau ko meqora!’ kiolake.

Luke 15:32

Uri kio animeta me ereka ko ṉojola ni me zoleiva, ako ṉovo visi vo lula ota vovini jari ala ta mata o saeva erisaṉa, vo lula ota mumaini melai vota mata o purata,’ kiolake.”

Luke 2:11

Vairutu komia ipu kale mevo Pakio ta lula o alilala vo Devita ko peuru kale; vo inio vo Lekasa ni vo Baṉara o soroevani Pakio!

Iruruputo 10:36

Meta meqai nianiia koa bazubazu vo o soroekema se Izireli amu kasi, bule ko kasekema Uri ama Bazu vo Jisu Karisito kale kude ko kuevima, vo kiadamu vo Lekasa.

Iruruputo 13:3

Nio seta ke tabutabuake ni ke vararaitake ni seta kekai ivikake seko ṉase nioqako lezu topi, ni ke soroekake nioqa.

Iruruputo 13:52

Ni se Anitioko ama maba poso seke tuvevo putani ta keta matu zoleivake ni omai sukatake vo Tabu ala Auvana.

Iruruputo 19:6

Ni Paula ta omai ivikake voko ṉase ni vo Tabu ala Auvana ta o saqorake se tona, ni seta ke pesipesitake edoedoloma pesio kale ni kekai bazubazutake vo Baṉara ko bazu voa Auvana mai avozio kale.

Iruruputo 2:4

Nio sea kiadamu ta omai sukatake Tabu ala Auvana, ni seta ke tanitake kai pesio edoedoloma pesio poso, voa Tabu ala Auvana ko ikirimo kale.

Iruruputo 21:20

So keta va viqa keru vo nio sea kiadamu ta ke ilusivake vo Baṉara. Ni seta eri kikelake, “Baerebaere Paula, ṉota no rovea melo matu kubo vuro Jiu amu ta lula ke tuvevo puta, ni sea kiadamu ti kekai pataita zoriko vo Mosese ko Bazu.

Iruruputo 26:15

So sole aṉata a quimanaoke ni eri kialake, ‘Lalaṉa inio ṉo Lekasa?’ Nio vo Lekasa ta o lati tiorikake, ni eri kiolake, ‘Aṉa Jisu lala ṉoṉo naquelani lala.

Iruruputo 4:31

Ni so keru seke paika keru vararaito, koa zae seke kai padoivake ta kota nuvinuvitake. Ni vo Tabu ala Auvana ko pizato ta komai sukatake sea kiadamu ni seta ke taniekake kai bazubazuto vo Baṉara ko bazubazu parani putole.

Iruruputo 6:6

Nio koa poqala maba madu ta ke lojoemake se apositolo madu ko kuleto, ni se apositolo madu ta ke mati vararaitake se ni kemai ivikake seko ṉase ke lezu topi ni mauru ke imake se.

Iruruputo 8:17

Nio Pita ni Jone ta qomai ivikake nioqako ṉase se tona, ni ke voake vo Tabu ala Auvana.

Iruruputo 9:18

Nio maba koa taku kale inio niuniu ko kadei jari ama quli ta kota piake Saula ko vilu kale azo, ni vota o roveake keazato mata. Ni vota o lojoake ni bapitaiso o evake;

Romu 15:7

So sole meta baroekiniomo muli, tu vo Baṉara ta o ṉaṉaidara puilo, vo Karisito o baroekimelo me jari.

1 Koriniti 15:47

Ni vo kuleto ala Adami ta miduku kale o erei. Melai omuqala Adami ta o kuevi aukale azo.

1 Koriniti 15:8

Koko tovatova inio mata aṉa kasi vota o puratake, omadeuvo aṉata kuvaruvaru ama puliako alilo ko ṉamuivako meqora jaria lala.

1 Koriniti 9:1

Aṉata kala ruparupasi ala maba lala ko Mosese ko Bazu kale azo. Ni aṉata apositolo lala, a veveni lala vo Jisu vo animevo Lekasa. Ni meko oqu ta aṉako va iruruputo vo Baṉara ko epa ikio.

1 Timoti 4:14

Ṉota kai irurupute koa bokao vo Tabu ala Auvana o katiṉema ṉo, so keru se lotu tanatanamu ṉase keṉai ivike keru ama.

1 Timoti 5:22

Pui jijiro vai iviko ṉoko ṉase kala maba, tu tabu ivo vo Jisu va nabuluputo kaqe. Pui kai zomano ereko edolomu ko sarueko, melai ṉota rurubiatana saevo eve.

2 Timoti 1:6

Komi kale avo inio aṉata a bazueṉa ṉo tu ṉota saevika tu kai irurupute koa katizato vo Baṉara o katiṉema so keru aṉa aṉai ivike keru aṉako ṉase ṉoko lezu topi.

Pilimone 1:16

Ako erisaṉa ta vota pui kala mabaku ala pala inio sole, melai ikoana vokasi ko kokai qulepako voko mabaku elo: vota anime Karisito ko tamania mela kale ala. Vota matu qulepo ala aṉa kasi, ni maba matu ti matu qulepo ala ṉokasi, voko mabaku elo kale melai, voko Lekasa ko tamania kale elo kale melai.

Hiburu 6:2

ko bapitaiso poso ko nianiiekato ni ṉase mai iviko ko tabu imo ko nianiiekato; ni voukale azo ama tova saevo ko, ni noqola kama titizato ko, koko kilo ama ṉaniu kale ama ko.

2 Pita 3:15

Ni kerukeruekomo komi ta animeta me bakiovou ako animevo Baṉara ta o vanonoriemela sole anime. Animevo baerebaere Paula melai o melai bazueke me koa omadeuma quli so keru vo o mela rikite keru voko nianiio sama riki kale.