Iruruputo 9:16 - BAṈARA KO VAIRU AMA LEVELEVEO

¹⁶ Ni aṉa a ṉavi inio kasa ava ikou kiadama koa tola poso vo o kovo ama aṉako ṉi ko kio kale avo,” kiolake.

Iruruputo 9:16 교차 참조

Matiu 24:9

“Ni koa taku kale inio maba poso ta ke noqoemelou ni ke tolaemelou ni ke vouvaemelou me, ni kiadama maba madu ta ke melai kaikuapou, ako meta aṉa me luluelani mela sole.

Matiu 5:11

“Ni meta me zoleilou kiadama taku, so keru maba poso ke mauluemelou keru ni ke naquemelou keru ni ke melai kuirikou keru kiadama lipalipa kama quli kale aṉako luluelo ko kio kale avo.

Jone 15:20

Kerukeruekomo ko lula aṉa a melai bazuekako tuvevo ama quli, ko eri kikolako, ‘Puliala nabulu inio raura kala vovo lekasa kasi azo,’ kikolako. Se lula ke niumaniumaelani aṉa ta me melai ke niumaniumaemelou, se lula ke zorikani aṉako nianiiekato ta seta ke zorikou mata meko.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Iruruputo 21:11

Ni vota o ṉelai kuevake eṉe, ni ota va koake Paula ko beleti, ni vota o bibulikake o ṉaviko kiti ni ṉase topi, ni eri kiolake, “Eri nio vo Tabu ala Auvana kiolani: komia beleti sala ta soa pirievo inio ke elou se Jiu amu Jerusalema peuru kale, ni seta ke vaevou se pui Jiu amu ko pizato kale,” kiolake.

Iruruputo 21:13

Melai vota eri kiolake, “Noi sole inio meta meda zia ni upotuqu meda la ika aṉako bulo? Aṉata a inainaova tu pui aba piriziovou pala Jerusalema melai vou melai a bikou vo Lekasa Jisu ko ṉikale avo,” kiolake.

Iruruputo 21:4

Sai nio eṉeta ṉe meake kake seke tuvevo putani ni eṉeta ṉe evake sai sekasi sikeura ṉaniu. Ni Tabu ala Auvana ko pizato kale seta ke bazuevake vo Paula tu vota pui o ziovou Jerusalema va kikelake.

Iruruputo 9:14

Vota o kuela Damasikasi se raura kama siama madu ko pizato ni zariekato sate tu o noqoeṉelo eṉea kiada ṉela ṉo ṉe ilusiṉani ṉela,” kiolake.

Iruruputo 9:6

Ṉota zolai ni ola peuru kale ni sai nio kala ta oṉai bazuekou ṉo ṉoṉo ereko ama quli,” kikolake.

2 Koriniti 6:4

Kiadama quli kale eṉeta lula ṉe qasa pueka eṉeko va nabuluputo vo Baṉara ko eṉeko kai pataito kale ko tapata poso, ni eṉeko tolailo kale, ni eṉeko olaquavo kale.

1 Tesalonaika 3:3

tu puliala me azo ta o vaekou voko oqu komia niumaniumato poso kale avo. Meta me uria paqumuka me ṉavi koa niumaniumato soama ta vo Baṉara ko vatolo ikio tu anime kaqe.

2 Timoti 1:12

ni Sokale avo inio aṉata a doraeka komia erisaṉama tapata. Melai aṉata abeta pataita aṉako oqu kale, ako aṉata avai nianiia sole vo aṉa avai keruani, ni a duvevo pueka ta voko matuma pizato kale vota o kati vailou ko lula aṉa a erekako iruruputo vokasi ti kobeta barolou koa matuma Titizato ko Ṉaniu.

2 Timoti 3:11

aṉako toraeko ko naqunaquto ni aṉako tolailo sama upotuqu. Ṉota ṉobe paqumuka kiadama koko ereima quli aṉa kasi sai Anitioko, Aikoniami, ni sai Lisitara peuru poso kale, koa matu ruqe ama niumaniumato poso ko aṉa ko tolaelema! Melai vo Lekasa Jisu ta o pakiele aṉa koa kiadama tapata poso kale azo.

1 Pita 4:14

Ni so keru se maba poso ke ruqe kasemelou keru me, meko luluevo vo Karisito ko kio kale avo, ta meta maurumaurua mela. Ako ko ikio tuvevo ko ika ko vo ṉaṉaidara kala Auvana Baṉara vo ta obeta eva me tona kio sole.

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.