13 Nio vo Ananaiasi ta o opatake ni eri kiolake, “Lekasa, matu kubo maba madu ta lula kevai bazuta nea maba aṉa kasi ni kiadama tapata poso vo o erekako ṉoko maba madu kasi Jerusalema ke evani kasi.
“Meta didielomo! Aṉata a joroemela me omadeuvo sipi jaria mela piru ama ni kade ama biaṉabiaṉa ko tiania. So sole meta balauvomo ni ibuibumu emo meko saevo kale sekasi.
Aṉata a naquemake ni a vouvaemake se maba poso seke luluekani koa vairu ama lotu ko keve. Ni aṉata a noqoemake se lasive amu ni rekoreko amu ni a vaemake se pirito pade kale.
Melai Saula ta o madoekake tu niumaeko ko lotu qoqono, so sole vota pade azo pade o kavake ni rajarajaemole o saqorimake seke tuvevo putani reko ni lasive, ni o saputimake pirito pade kale.
Nio kiadamu seke tava viqeni vo ta keta matu vuzeike ni eri kikelake, “Nei nio vo vo Jerusalema o vouvaemeni voa Jisu ke ilusivani, kive? Ni vo tivoine o kuelani koi tu o noqoemo ni o mati vaito sea maba poso se raura kama siama madu kasi!” kikelake.
Nio Pita ta o rauqazake ni o lojoekake ko. Ni koko tova inio vota o nokaemake kiadamu seke tuvevo putani, naboko poso sate, ni vota o baroekikake ko sekasi saevoma.
Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.
Vararaitomo tu aṉata a bakio se pui ke tuvevo putani Jiudia ke evani ko ṉase topi azo ni vo Baṉara ko maba madu Jerusalema peuru kale amu ta keka zoleilou aṉa ama borikako quli.
Meta me baroekikou ko vo Lekasa ko ṉikale, ako ko ikio vo Baṉara ko maba madu ko kalo sole, ni meta me dauvekou ko, ko koka zariovo ama quli kale mekasi, ako kota kama pado reko lula ko tauvemako kubo maba madu ni so jari aṉa melai sole.
mea Baṉara ko lotu qoqono me Koriniti peuru kale me evani mela kasi, mea kiada mela meko omadeu vati elo vo Karisito kale lula Baṉara ko tabu ama maba poso me evani mela, omadeuvo sea kiadamu komia peuru ma peuru kale amu seke ilusivani vo Jisu Karisito, animea kiada mela vo Lekasa.
Ako vo Baṉara ta pui o melai zaria anime tu kako ma kako me qalou animeko lotu padoilo kale, melai animeta me lotumatou uri ama korokoroti ni bule kale. Omadeuvo kiadama vo Baṉara ko mabamu ko lotu qoqono poso kale ko kavani jari ta
Zio, koa takula meko riki kale ko kaseima koko koazailo ama tu ko tauvemo vo Baṉara ko qoqono se Jiudia ke evani. Meta erekomo koa omadeuma quli ko aṉa ama bazuekema se Qelesia ranama lotu qoqono poso tu ke ereko.
Aṉata so mela kiala a quratimela! Noi nio? Puliala me azo nianiiola vo o roveani korotiko ko quli ko ereivako me ṉavio kude mea lotu maba poso mela, kio?
Aṉa Paula lala vo Jisu Karisito vo apositolo lala, aṉa apositolo a eveni lala vo Baṉara ko vatolo kale, ta a mela rikita me Epesasi amu mela vo Baṉara ko maba poso mela meme duvevo puevani mela vo Jisu Karisito.
Aṉa Paula lala ta a rikieka komia riki Timoti sate, vo Jisu Karisito ko nabulu kidi qela, mea kiada mela kasi vo Baṉara ko maba poso mela me omadeu me vati evani mela vo Jisu Karisito meme evani mela Pilipai, ni so jari me lotu qoqono ko vilua pikopiko ni tauvezato ko maba poso mela kasi.
Ni so jari kiadama vo Baṉara ko maba madu koi ke evani melai kebe kerukeruemela me, ni matuvole seke kerukeruemelani ta seke iruruputani vo Romu ala Matu Aikovakova ko pade kale.
Aṉata a joroeka komia leta me Kolosi peuru kale amu mela kasi vo Baṉara ko qoqono mela kasi, eṉeko kerula kama tamania kale amu mela, lula omadeu me evani mela vo Karisito sase. Eqeta qe vararaita tu vo Baṉara animevo Mama ta o katimelou ko tauvezato sama roquano ni bule.
Eṉeta ṉe joroeka eṉeko roquano kiadama meko lotu lekasa poso kasi ni kiadama vo Baṉara ko maba poso kasi. Se Itali ama lotu tamania ta ke melati sorota me seko roquano.
Aṉako baerebaere poso mela, aṉata aqa matu zariovi tu rikito mekasi tu kai bazuto ko pakio animea kiada mela me ṉeamukako, melai aṉata a qea ta uri tu a rikito mekasi tutumazi avole tu a mela titio meko piza kai oqu koa tuveano besizio pide ama vo Baṉara lula o katimelema me voko mabamu mela.
