Iruruputo 9:10 - BAṈARA KO VAIRU AMA LEVELEVEO

¹⁰ Ni kala lotu maba ta obeta evake Damasikasi peuru kale Ananaiasi va kikelani. Ni vota o uloitake, nio voko uloi kale inio vo Lekasa ta eri kiolake vokasi, “Ananaiasi!” kiolake. Ni Ananaiasi ta eri kiolake, “Aṉata koi, Lekasa,” kiolake.

Iruruputo 9:10 교차 참조

Iruruputo 10:3

Ni sebiviuru zouke koloko tinia keru inio vota o vararaitake ni o erekake kama pado kelokelozato, ko vo uria velo ovai evema vo Baṉara vo mateana vo vai amaqeo, nio voa mateana ta eri kiolake vokasi, “Koniliasi!” kiolake.

Iruruputo 11:5

“So keru aṉa a vararaite keru Jopa peuru kale, aṉata a erekake kama pado kelokelozato. Ni aṉata a qeake kama quli ko saqorema aukale azo matu suma duruo jaria kelo ama ariku suba kama, ni kota dokolake aṉako sipole.

Iruruputo 12:9

Ni Pita ta o luluevake vo pirito pade kale azo, melai vota pui okai nianiia vo mateana o erekako quli, voko kerukeru kale ta ota uloita inio kiolake.

Iruruputo 16:10

Eria kelo o evake vo Paula koa kelokelozato, ti ṉebeta zarizari a ke inio tu ṉe zio Masedonia, ako eṉeta ṉeqai nianiiake ta vo Baṉara inio o nokaeṉela eṉe tu ṉeqai bazubazuto ko Uri ama Bazu sai ke evani maba poso kasi kiṉelake sole.

Iruruputo 16:9

Ni koa ipu kale inio Paula ta o keake kama pado kelokelozato. Ni koa kelokelozato kale vota o veake kala Masedoniala maba vo obeta lojoani ni o pasevani vo, vo eri kiolani, “Kua koi Masedonia peuru poso kale tauvenelole eṉe!” kiolani.

Iruruputo 18:9

Ni omadeu ipu kale inio Paula ta o keake kama pado kelokelozato, ni vo Lekasa Jisu ta eri kiolake vokasi, “Ṉota pui ṉalo, melai beta ola bazubazuto ni pui niaba elo,

Iruruputo 2:17

‘Komi quli kio aṉa a ereko ama tovama taku kale kiola vo Baṉara: Aṉata a raibikou aṉako Auvana kiadamu tona: Meko lasive meqora poso ni reko meqora poso ta kekai bazutou aṉako bazubazu; meko vairu ama maba poso ta ke kelou kama kelokelozato ni meko qole ama maba poso ta ke uloitikou kama uloito.

Iruruputo 22:12

“Ni koa peuru kale ta inevoana kala maba o ṉi ta Ananaiasi, vota kala maba vo o ilusivani vo Baṉara ni o matu zorikani animeko Bazu, ni keta va matu paṉaovani kiadama Jiu amu sai ke evani.

Iruruputo 9:12

ni vota o uloita ni lula o ṉeala voko uloi kale ṉo Ananaiasi ṉoṉo amaqeani ṉa pade kale ni ṉovai ivikani ṉa ṉoko ṉase tu vota mata o keazato mata,” kiolake.

Iruruputo 9:9

Ni zouke ṉaniu vota pui o keazatake, ni koa taku kale vota pulia quli o kuake ni o nozuekake.

2 Koriniti 11:32

So keru aṉa Damasikasi a eve keru inio vo Lekasa Aretasi vo maqemaqele ta o soroemake voko vaki koa peuru ko veutu tona tu ke vailo tu ke noqoelo aṉa.

Qelesia 1:17

Ni aṉata pui aba keve Jerusalema melole se lula apositolo ke evani aṉa puliako apositolo elo, melai koa ziole ti ada olake Arebia, ni koko tova nio a vaitake Damasikasi.