ni ke rajaevake peuru kupekupe ni ke taivake vo lado kale. Se lipalipato bazu ke erekeni ta ke vaekake seko sabosabo poso Saula va kikelani maba ko vailo kale seko taivo maqa vo Sitiveni.
Melai Saula ta o madoekake tu niumaeko ko lotu qoqono, so sole vota pade azo pade o kavake ni rajarajaemole o saqorimake seke tuvevo putani reko ni lasive, ni o saputimake pirito pade kale.
Ako aṉata matu siloa lala sea apositolo madu kalea lala sea kiadamu kasi azo sole ni pui koko male aṉa tu apositolo ṉi lai nokaeko, ako aṉa inio a niumaekeni lala vo Baṉara ko lotu qoqono sole.
Ni meta meda la viqe aṉako saevo koko paloasako taku keru ama, so keru aṉa Jiu mu ko lotu kale a eve keru. Aṉata a niumaniumaeke vo Baṉara ko lotu, ni a matu madoeke tu a ruvurimo vo Jisu ko lotu maba poso.
Ni aṉata a qati matu parani puteni lala Jiu mu ṉela ko lotu, so inio aṉata a naquemake seke tuvevo puevani vo Jisu. Ni puliala ta ota la kea aṉako saruilo vo Mosese ko Bazu ko lulueko kale.
rouka ruqe kasevo abe eve vo lulavo ni abe niumaniumaeve vo aṉako ruqe imo kale voko maba madu. Melai animevo Lekasa Jisu ta o matu roquele aṉa ni ota la akoeke ko, ako so keru ta aṉata pui nio avai oquke vo sole ni pui nio aqai nianiiake ko aṉa a erekema quli ta ruqe ama kio sole.
