32 Koa kobu Tabu ama Riki vo o tiromikema ta eri nio kikovevo: “Vota moiza o eve omadeuvo ko sipi ke kati olako vouvaekole jari, Ni vota omadeuvo sipi ko meqora ko pui ko kujinako koko tou keta ka kobueka keru jari, vota pui opa pesiovi.
Nio Jisu ta eri kiolake, “Mama, ṉota tama akoeka se komia ruqe, ako seta pui kekai nianiia seke erekako quli sole,” kiolake. Ni seta kekai puarikiniake vo Jisu ko suma seko kai daisimato kale.
Ni koko raneo kale inio Jone ta o veake o maba ṉavi Jisu obeta kuevake vokasi. Ni vota eri kiolake vokasi ke padoini kasi, “Keatini, vo Baṉara vo Sipi Meqora siqasiqa o elo ala, vo o ṉamuko ala peuru ma peuru ko sarueko, ta obeta kueva!
Nio voa raura kala maba ta o opatake ni eri kiolake, “Noni kale inio aṉata a vakakukou puliala ta ola zakaremu puekou ko tea?” kiolake. Nio vota o pasevake vo Pilipi tu o zazu koa totiaqolo topi. Sole vota o zazuke ni o papuake sai vo sase.
Ko Tabu ama Riki ta eri nio kikolani sole, “Ṉoko ṉi ko kio kale, Baṉara, seta keka zaria vouvaeṉelo eṉe kiada keru, eṉeta ṉe bitasia omadeuvo ko sipi jari ko ke vouvaeko ama jari.”
Aṉata a melai pakeke me ko quli ko lula aṉa a qoako a ṉavi koa matu qulepo ama bazu, eri kikolako: Vo Karisito ta o mela vovi animeko sarueko poso kale avo, Tabu ama Riki kikolani jari;
