Iruruputo 8:21 - BAṈARA KO VAIRU AMA LEVELEVEO

²¹ Puliama ta ṉoko kena tu ṉota ṉo qovo komia iruruputo kale, ako ṉoko bulo ta pui sidopu vo Baṉara ko kelokelozato kale sole.

Iruruputo 8:21 교차 참조

Luke 1:6

Nioqata sidopua elo qo evake Baṉara ko vilu kasa, ni qo matu uria zorikake vo Baṉara ko bazu poso ni lojolojo poso.

Jone 21:17

Ni zouke ama pado taku kale Jisu ta so kiolake vokasi, “Saimone, Jone vo meqora ṉa, ṉota ṉo roquela aṉa kio?” kiolake. Sai nio Pita ta duki ota evake ako Jisu ta ovai kuimaekake ko zouke taku “Ṉota ṉo roquela aṉa, kio?” sole, sole vota eri kiolake, “Lekasa, ṉota ṉoqai nianiia kiadama quli, ni ṉota ṉoqai nianiia aṉako tuvevoa roqueṉo ṉo kio!” kiolake. Ni Jisu ta eri va kiolake vo, “Ṉota niaeka aṉako sipi poso.

Iruruputo 8:37

Ni vo Pilipi ta eri kiolake vokasi, “Ṉota ṉo duvevo puevou vo Jisu ṉoko pado ama bulo kale inio ṉota ṉo roveovou bapitaiso puilo,” kiolake. Nio voa maba ta o vati tiorikake, “Aṉata a duvevo pueva vo Jisu Karisito ta vo inio vo Baṉara vo Meqora,” kiolake.

Epesasi 5:5

Ni meta meqai nianiiovou ko eri: puliala maba ta opa kovou voko reketekete vo Karisito ni Baṉara ko lekasa puo kale vo o erekani ko pauvezato ni rusurusuavo puto ni vo viluloqu o evani. Ako vo viluloqu o evani ta vota voko beku o ika inio sole ko quli vo viluloqu okai evako quli.

Hiburu 4:13

Pulia quli ta ko rovea tava daipailo vo Baṉara, kiadama quli peuru ma peuru ko ereima ta kasale voko keazato kale. Animea kiada mela ta me lojolou voko kuleto ni animeta meqai eraeraovou kiadama quli ko lula anime me erekako quli.

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.

Kelokelozato 20:6

Matuma mauruto ke koa se kekai zomanani ko kuleto ama mata saevo voukale azo. Ako omuqama vou ta puliama pizato kopa elou se tona; ni seta vo Baṉara ko tabu ama siama poso ke elou ni Karisito ko, ni seta ke vati lekasa puovou omadeu vuro sabere kale sole.

Kelokelozato 22:19

Ni esa kalaṉa ta ṉo ṉamukou kama koko pidokato ko bazu poso koko evako komia buka kale, ta Baṉara ta ota ṉa ṉamukou ṉoko kenakena koa noqola kama saevo ko katimako ore ko epa kale ama, ni ṉoko zae voko Tabu ama Peuru kale ama, koko kaseima komia buka kale.