Iruruputo 8:14 - BAṈARA KO VAIRU AMA LEVELEVEO

¹⁴ Ni apositolo madu Jerusalema ke evani ta ke viqake ta se Sameria mu ta lula ke ṉeamuka vo Baṉara ko bazubazu kio, so sole seta ke soroekake Pita ni Jone sekasi.

Iruruputo 8:14 교차 참조

Matiu 13:23

Melai koa sisu koko piako uri ama miduku kale ta ko mamola puema sea maba poso seke viqani koa bazu ni ke paqumukani, ako koa bazu ta ko puratika matu kubo uri ama iruruputo seko saevo kale, omadeuvo kama koa sisu ta ko puratika omadeu paizana sisu sama rurururu, ni kama ta varimuja toni sama, ni kama ta zouke toni sisu sama rurururu.”

Luke 22:8

Nio Jisu ta o soroekake Pita ni Jone, ni eri kiolake, “Olako tu pa inainaekoko ko Alokato ko sailao anime kaqe,” kiolake.

Jone 12:48

Melai vo olai kaikuapani aṉa ni vo pui o viqani aṉako bazubazu ta koa bazubazu ikio ko titizivou vo. Ako koa bazubazu aṉa a qasekako ta ko titizivou vo tovama ṉaniu kale sole.

Iruruputo 11:1

Ni se apositolo madu ni seke tuvevo putani Jiudia ma peuru poso kale ke evani ta ke viqake se pui Jiu amu melai lula kekai oqua vo Baṉara ko bazubazu kio.

Iruruputo 15:4

Ni so keru seke baroi keru Jerusalema inio se lotu qoqono ta ke baroekimake se, ni so jari se apositolo madu ni lotu tanatanamu, ni Paula ni Banabasi ni mata kake ta ke kasekake kiadama quli vo Baṉara o erekako quli seko iruruputo kale.

Iruruputo 17:11

Ni saizama maba poso ta uri ama kerukeru samu pui se Tesalonaika mu jaria ruqe amu. So inio seta ke matu uria didiekake ko bazubazu, ni kiadama ṉaniu seta ke tiromikake ko Tabu ama Riki tu keta ka kelo vo Paula ni Sailasi kiqolani koko tuveano kikelake sole.

Iruruputo 2:41

Ni kubo madu ta ke tuvevo puekake voko bazubazu ni seta bapitaiso ke evake, ni zouke vuro maba madu ta ke amaqeake seke tuvevo puteni ko poqala kale koa ṉaniu kale.

Iruruputo 8:1

Ni voa Saula ta oka zoleike Sitiveni ko vouvaevo. Ni koa ṉaniu kale inio Jerusalema ama lotu qoqono ta ko tanitake tapata elo ruqe ama naqunaquto kale. Ni kiadamu seke tuvevo putani ta azama buara keta evake koa pado ama Jiudia ni Sameria ma peuru poso kale, melai se apositolo madu ke kiada ta Jerusalema kebeta evake.

Qelesia 2:9

Nio Jemisi, ni Pita, ni Jone ta ke keake vo Baṉara ko roquano kale o katilema koidi. Ni se inio sea vilua pikopiko madu me meda ma matu paṉaovani ma kimelani! Nio seta uri ama ka kikeve aṉa ni Banabasi ko iruruputo, so sole eṉeta ṉe jaṉaekiniake tu ko tuvevo puilo ko so, ni seta eri kikelake, “Paula ni Banabasi, matu zakaremu inio ko ṉelai eva eṉe ta vo Baṉara ta o soroeqela qe tu qe ziovou pui Jiu amu kasi, ni eṉeta o soroeṉela tu ṉe ziovou Jiu mu kasi,” kikelake.

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

1 Tesalonaika 3:2

Nio eqeta qe soroevake vo Timoti, eqevo visi vo eqe sase ova iruruputani vo Baṉara voko kai bazubazuto kale vo Jisu Karisito ko Uri ama Bazu. Eqeta qe soroeve vo tu o pizatimelo me ni o tauvemelo me meko oqu kale,

2 Tesalonaika 2:10

ni vota okai iruruputou kiadavo ama lipalipato se noqola tolailo ke elo amu tona. Seta noqola tolailo keta elou ako seta pui ke baroekika ko tuveano nio vo Baṉara ta pui opa pakiemou se sole.