Iruruputo 8:12 - BAṈARA KO VAIRU AMA LEVELEVEO

¹² Melai so keru seke tuvevo pueke keru Pilipi okai bazubazutema Uri ama Bazu vo Baṉara ko lekasa puo ko ni Jisu Karisito ko inio seta bapitaiso keta evake, lasive amu ni rekoreko amu.

Iruruputo 8:12 교차 참조

Matiu 28:19

Tu meta olamo kiadama maba poso kasi kiadama peuru ma peuru kale, tu aṉako disaipeli imomo se, ni bapitaiso imomo se vo Mama, ni vo Meqora, ni vo Tabu ala Auvana ko ṉikale,

Luke 9:2

Ni vota o soroemake se tu kekai bazubazuto vo Baṉara ko lekasa puo ni ke urikimo se vere amu.

Luke 9:60

Ni Jisu ta o tiorizatake ni eri kiolake, “Vaema se pui kekai baroani ko auvana kale ama saevo tu ke mutamo seko vouma maba poso. Melai ṉota pa kai bazubazute vo Baṉara ko lekasa puo,” kiolake.

Iruruputo 1:3

Ni ariku toni ṉaniu ko poro kale voko vou ko tova inio vota omai purapurataitake kubo taku matu zakaremu ama kalo kale, tu seta pui niuniala kekai elo ta vota lula mata ota saevala kio, ni seta ke veake vo, ni vota omai bazuekake se vo Baṉara ko lekasa puo.

Iruruputo 11:20

Melai kama volei seke tuvevo putani se Saipirasi ni Sairini azo amu ta ke keve Anitioko peuru kale ni seta ke bazubazutake se pui Jiu amu kasi melai, ni kemai uria bazuekake vo Jisu Karisito ko Uri ama Bazu.

Iruruputo 18:8

Ni Kurisipasi koa Jiu amu ko ilusato ko pade vilua pikopiko ota kai evani, ni kiadama voko saidi ta keta tuvevo puevake vo Lekasa Jisu, ni matu kubo Koriniti ke evani maba poso seke viqeni ko Uri ama Bazu, ta keta tuvevo putake, ni bapitaiso keta evake.

Iruruputo 19:5

Nio so keru seke viqa keru voko so kio, seta bapitaiso keta evake vo Lekasa Jisu ko ṉikale.

Iruruputo 2:38

Nio Pita ta eri kiolake sekasi, “Mea kiada mela ta liliziomo muli meko sarueko poso kasi azo ni bapitaiso puimo vo Jisu Karisito ko ṉikale, nio meko sarueko poso ta kota mela akoilou; ni meta me qovou vo Baṉara ko katizato, vo Tabu ala Auvana.

Iruruputo 2:41

Ni kubo madu ta ke tuvevo puekake voko bazubazu ni seta bapitaiso ke evake, ni zouke vuro maba madu ta ke amaqeake seke tuvevo puteni ko poqala kale koa ṉaniu kale.

Iruruputo 20:21

Aṉata amai matu titiake se Jiu amu ni so jari pui Jiu amu tu ke lilizio seko sarueko kale azo ni ke tuvevo puevo vo Lekasa Jisu.

Iruruputo 20:25

“Aṉata lula a lipilipite mea kiada mela kasi kai bazubazutole vo Baṉara ko lekasa puo. Ni aṉata aqai nianiia ta puliala me azo ta mata opa tova lelou aṉa.

Iruruputo 28:31

Ni vota okai bazubazutake vo Baṉara ko lekasa puo ni vota omai nianiiekivake vo Lekasa Jisu Karisito Vota parani putole ovai bazutake vo, ni puliala ta o tauroevake vo.

Iruruputo 5:14

Ni matu ti matu kubo madu ta ke tuvevo puevake vo Lekasa Jisu ti ke amaqeake koa poqala kale—kubo lasive poso ni rekoreko melai.

Iruruputo 8:4

Ni seke tuvevo putani se azama buara ke eveni kiadama zae poso kale ta kekai bazubazutake ko Uri ama Bazu maba poso kasi.

Romu 10:10

Ako animeko oqu kale inio animeta sidopu me eva vo Baṉara ko kelokelozato kale sole, ni animeko saruilo kai eraerao kale inio me bakia.

1 Koriniti 11:11

Melai animeko omadeu vati elo vo Karisito kale ta ko reko ta pui ko rovea ereko kiadama quli ko kiada, ni vo lasive ta mata pui o rovea ereko kiadama quli o kiada, melai nioqata omadeu tauvekinio qo elou.

Qelesia 3:28

Ako vo Jisu Karisito omadeu saevo me vati evani mela kale ta puliama koko azavo sole se Jiu mu ni pui Jiu amu, ni puliama koko azavo mabaku ni ruparupasi ala maba, ni puliama koko azavo se rekoreko ni lasive amu, ako mea kiada mela ti omadeuvo vo Jisu Karisito kale sole vo Baṉara ko kelokelozato kale.

1 Pita 3:21

Koa ju ko kalo ta bapitaiso jari, ni meko bapitaiso puilo kale inio Baṉara ta o pakiemela me komia taku kale. Melai koa bapitaiso ta pui meko tupu kale ama kaqa tamela ṉamuko kaqe inio, melai kota meko uri ama upo kale ama lilizio vo Baṉara kasi ama. Ni koa kiadama ta so, ako vo Jisu Karisito ta o saeve sole voukale azo,