60 Nio vota o iqeiqeake ni matuma kora sama pesio o erekake ni eri kiolake, “Lekasa! Ṉota pui tama kerukerueko komia sarueko tu ṉota ṉomai besiekou ko!” Vota so kiolake ni ota vouvake.
Ni vota ota olake sekasi azo lado ko risaiva ta ko baroakoi tinia vaṉa ni vota o iqeiqeake ni o tanitake vararaito, tu ko roveovou ta, vota pui o kovou koa taku tolailo ko.
Nio Jisu ta eri kiolake, “Mama, ṉota tama akoeka se komia ruqe, ako seta pui kekai nianiia seke erekako quli sole,” kiolake. Ni seta kekai puarikiniake vo Jisu ko suma seko kai daisimato kale.
So kiolake vo Jisu ti obe kati paqulikake inio ko eri, “Animevo baerebaere Lazarasi ta ota maroṉala, melai aṉata a ziovou ni aba toirativou vo,” kiolake.
Ako Devita ta oka nabuluputake vo Baṉara ko vatolo o ṉaviko taku kale, ni koko tova vota ota vouvake, ni voko tupu ta ko mutaivake voko taite poso kasi, ni kota ko sapeake niami kale.
Melai eṉeko saizama elo sekasi ama ta kota okotake, ni ṉe vaekake sai. Nio sea kiadamu ni seko reko poso ni meqora poso ta ke lulueṉelake eṉe koa peuru kale azo ni ṉeda saqorake muli saka, sai nio eṉea kiada ṉela ta ṉe iqeiqeake ni ṉe vararaitake.
Ni Pita ta o saqorimake sea kiadamu koa lose kale azo, ni o iqeiqeake ni o vararaitake. Ni vota o lilitake koa vouma tupu kasi ni eri ka kiolake, “Tabita, loje!” kiolake. Ni kota ko leqosikake ko vilu, ni kota ko veake vo Pita, ni kota kota papuake.
Aṉata a melai bazuekou kama pado quli ko lula mutamuta kama ko evema; animeta pui meba paitou vou muli, melai so keru tovatovama kuvili ko kelaovou keru, animea kiada mela ta me besiziovou vairu ama saevo kale.
Aṉako kuleto ama taku kale titizato kale ta puliala ta opa lati loje aṉa; seta ke vaele muli a qiada pado. Aṉako vararaito kale aṉata a baseva vo Baṉara tu vota pui omai kuirikou ko.
Ni seta ke melai balebaleitou ni eri mela kikevou, “Jisu ta leveleveo o vaeke tu vota mata o vaitou, kio? Ta lai nio vo? Ako animeko mama poso ta lula keta vovi melai koa omadeuvo ti kobeta kava sole komia peuru ma peuru ko erei keru azo!” kikevou.
