Iruruputo 7:56 - BAṈARA KO VAIRU AMA LEVELEVEO

⁵⁶ Nio eri kiolake, “Keatini! Ko au ta kota veukaziola ni vo maba o eveni Jisu ta obeta lojoa Baṉara ko palo rana vasi!” kiolake.

Iruruputo 7:56 교차 참조

Matiu 25:31

Ni Jisu ta mata eri kiolake sekasi, “So keru aṉa maba a eveni lala a vaitou keru, aṉata a qilou a bizato ni ṉaṉaidara sate ni kiadama aṉako mateana madu sate, ni aṉata a bapuvou vo Baṉara ko lekasa puo ko papupapu topi.

Matiu 3:16

Nio soa bapitaiso o evake vo Jisu ti obeta kailake inio ju ko tana topi. Koa taku kale inio ko au ta kota veukaziake vokasi, nio vota o veake vo Baṉara vo Auvana vai saqoro vo, ni voa Auvana ko velo ta ova kurou jari ala.

Matiu 8:20

Melai Jisu ta o vati tiorikake vo, ni eri kiolake vokasi, “Ko miduku kale ama biaṉa poso ta ikoana koko mamazo ko zae poso, ni ko okale ama biaṉabiaṉa poso ta ikoana koko ere, melai aṉa maba a eveni lala ta puliama zae salala tu a mamazoa koi,” kiolake.

Maka 1:10

Ni Jisu ta obe kailake ju ko tana topi, nio vota o keake au ko veukazio ni vo Baṉara vo Auvana ta ovai saqorake vo, ni voa Auvana ko velo ta ova kurou jari ala.

Luke 3:21

Omadeu taku puliako se vaevo vo Jone pirito pade kale inio vota obeta olake bapitaiso puemo se maba poso. Ni sea kiadama maba poso ko bapitaiso puilo ko tova inio Jisu ta mata bapitaiso o evake. Nio so keru vo obeta vararaita keru inio ko au ta kota veukaziake,

Jone 1:51

Nio vota eri kiolake sea kiadamu kasi, “Tuvevo avole aṉata a bazuemela me, mea kiada mela ta me qelou ko au ko veukazio, ni vo Baṉara ko mateana madu ko koilo ni saqoro aṉa maba a eveni lala tona,” kiolake.

Iruruputo 10:11

Ni vota o keake au ko veukazio, ni kama quli kobeta saqorako sai kazo miduku kale matuma ariku suba sama suma duruo jaria kelo ama.

Iruruputo 10:16

Ni kota zouke taku ko puratake, ni koa kiadama ta mata kota koiviziake ni kota vaitake aukale.

Iruruputo 7:57

Nio se Kauniseli ko maba poso ta ke matu upaupatake ni ke sutamukake seko taliṉa seko ṉase kale. Ni sea kiadamu ta kevai rerikiniake vo,

Kelokelozato 11:19

Sai nio vo Baṉara ko Jelepade aukale ama ta kota veukaziake, ni aṉata a qeake vo Baṉara ko Leveleveo ko Dolu sai. Ni kapi ta kota laqatake, ni au kalea paka ta kota seresereraitake, ni nunu kota evake, ni aisi lado kailokailo kota evake.

Kelokelozato 19:11

Ni aṉata a qeake au ko veukazio, ni aṉata a veake kala tapo hose sai. Ni vo o papuani ko topi ta voko ṉi ta Kerula kala ni Tuvetuve ala; vota sidopu ama titizato ni pazokinio sala voko kana poso kasi.

Kelokelozato 4:1

Ni koko tova ta mata kama pado uloito jari ama kelokelozato a qeake. Aṉata a dadatake ni a qeake aukale ko veukaveuka kama veutu. Sai nio koa kuvili ko kelato jari ama kora ko lula ko lati pesiovima ta eri kikolake, “Koivi koi nio aṉata aṉa kasekou ko quli ko ereilo ama quli komia erisaṉama taku ko tova.”