Iruruputo 5:42 - BAṈARA KO VAIRU AMA LEVELEVEO

⁴² Ni kiadama ṉaniu poso kale seta ke olake Jelepade kale ni maba poso ko pade poso kasi ni seta pui ke lalamatake kai nianiiekato ni kai bazubazuto vo Jisu ta vo Baṉara o soroeveni Pakio kio sama Uri ama Bazu.

Iruruputo 5:42 교차 참조

Luke 21:37

Ni ṉaniu poso kale inio Jisu ta o nianiiekatake Jelepade kale, ni ipu poso kale nio vota ota saqorake sai kazo ni ota evake Olive Ore sama Sopu kale.

Luke 22:53

Aṉa inio abeta evani lala kiadama ṉaniu poso me sase Jelepade kale, ta pui me noqoela sai. Melai komi kio meko taku meqai iruruputako, ni kota ko kutumana ko pizato ko taku,” ma kiolake.

Iruruputo 11:20

Melai kama volei seke tuvevo putani se Saipirasi ni Sairini azo amu ta ke keve Anitioko peuru kale ni seta ke bazubazutake se pui Jiu amu kasi melai, ni kemai uria bazuekake vo Jisu Karisito ko Uri ama Bazu.

Iruruputo 13:32

Ni eqeta koi tu qe kati kilo ko Uri ama Bazu mekasi, ko eri, ko quli vo Baṉara leveleveo oma kasekema quli animeko taite poso tu o erekou, erisaṉa vota lula o ereka anime kasi, seko vikuvikula mela kasi, vo Jisu ko saevivo voukale azo ama. Omadeuvo ko lula ko rikiziovima Devita ko kera omuqa kale jari, ‘Ṉota aṉavo Meqora ṉa; vairutu aṉata a bazueṉa ṉo, ta aṉata ṉovo Mama lala,’ kiolake.

Iruruputo 17:18

Ni kake nianiioma pesio sama maba poso Ipikiuriani ni Sitoiki nianiiekato ko poqala kale amu melai kekai zomanake vati aivekinio vo. Nio kake ta eri kikelake, “Nonia kirikirimato inio o evani nea maba?” Ni mata kake ta ke opatake ni eri kikelake, “Vota okai bazubazuta jari avo kama edoloma baṉara poso.” Seta so kikelake ako Paula ta okai bazubazutake vo Jisu ko mata saevo voukale azo sole.

Iruruputo 17:3

ni vota o rupasikake ko kikolani ni omai uria bazuekake koko tuveano vo Baṉara o soroevo ala va kioveni Pakio ko tolailo ni voko mata saevo voukale azo ta ko pidokiovi seko Tabu ama Buka kale. Vota eri kiolake, “Nea Jisu vo aṉa a qasevani mekasi, vo inio vo Baṉara o soroeveni Pakio,” kiolake vo Paula.

Iruruputo 2:46

Ni seta ke padoivake kiadama ṉaniu poso Jelepade ko poro kale omadeu vatolo kale, ni seta omadeu vuato ke evake seko zoleilo ni inobe sate,

Iruruputo 20:20

Meta meqai nianiia ta aṉata pui aba tamela kaitike kama tauvezato sama quli so keru aṉa a bazubazute keru ni a nianiiekate keru meko padoilo kale ni me ṉaviṉavi ko pade poso kasi.

Iruruputo 4:20

Ako eqeta pui qepa roveovou epezo kaseko ko eqe lula qe kevema ni qe viqema quli sole,” kiqolake.

Iruruputo 4:29

Ni erisaṉa Baṉara tama kea seke erekako ṉavaṉavato sama kalo, ni bokeriṉela eṉe ṉoko nabulu poso ṉela tu parani putole ṉeqai bazuto ṉoko bazu.

Iruruputo 8:35

Nio vo Pilipi ta o tanitake pesio koa Tabu ama Riki ko kobu kikolani kasi azo ti kobeta baroake vai bazueko vo Jisu Karisito ko Uri ama Bazu.

Iruruputo 8:5

Ni vo Pilipi ta ota keve Sameria kala matu peuru kale ni ovai bazubazutake saizama maba poso kasi vo Baṉara o soroeveni Pakio Jisu.

Iruruputo 9:20

Ni vota tutumazi avole o olake se Jiu amu ko ilusato ko pade poso ni o tanitake kai bazubazuto ta vo Jisu ta vo Baṉara vo Meqora inio kio.

1 Koriniti 2:2

Ako so keru aṉa abeta eva keru mekasi, aṉata lula a vatoeke tu a melai bazubazuevou me vo Jisu Karisito ni voko vou korosi topi ama ko kiada.

Qelesia 1:16

tu kasa ola ivo vovo Meqora, tu aṉata aqai bazubazutou voko Uri ama Bazu se pui Jiu amu kasi. Melai aṉata puliala maba kasi azo aba koe ko tauvezato sama nianiiekato.

Qelesia 6:14

Melai aṉata pui aba kai raurailou soama quli, melai aṉata aqai raurailou animevo Lekasa Jisu Karisito ko vou korosi topi ko kiada. Ako vo Jisu ko voukale korosi topi inio komia peuru ma peuru ko utu ama kerukeru ko keve ta kota mela patoi jari anime ni animeta meda ka vovi jari komia peuru ma peuru ko kerukeru.

2 Timoti 4:2

tu ṉota kai bazubazute ko Uri ama Bazu. Maba poso keka zariovou viqo ma pui keka zariovou viqo melai ṉota kai bazubazute. Ṉota ṉo jidopu puemou se maba poso, ni ṉomai riqaekou seko sarueko, ni ṉo zuvarimou se maba poso, ni ṉota ṉoqai bazubazutou oluoluavole ni inobe ama nianiiekato kale.