Iruruputo 5:36 - BAṈARA KO VAIRU AMA LEVELEVEO

³⁶ Kerukeruekomo so keru Tiudasi kasa o eve keru, vo o raurarauraini ta vota matula maba kioveni, ni ariku paizana maba tiniavo ta ke luluevake vo. Melai vota ke vouvaevake ni seke lulueveni ta keta birebireike ni vo o erekema quli ta kota vouvake.

Iruruputo 5:36 교차 참조

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 24:26

“Ni se maba poso ta ke bazuemelou me ni eri kikevou, ‘Vota kiṉu kale inio,’ kikevou, melai meta pui me ziovou vailivole vo sai, ni seta mata eri kikevou, ‘Vota pade ko poro kale inio,’ kikevou, melai meta pui tuvevo me imou se.

Matiu 24:5

Ako matu kubo maba madu inio ke kilou ni eri kikevou, ‘Aṉa inio voa Pakio lala vo Baṉara o pitoeveni,’ kikevou, ni ke saruemou matu kubo maba madu.

Iruruputo 21:38

Pui ṉo inio ko Ijipia laṉa sakaku ṉobe kati pazokinieni ṉa ko Romu ama qavuna sea ariku vuro vouvato ko maba madu sate ni ṉo odiemeni ṉa lealea kama zaekale kio?” kiolake.

Iruruputo 5:35

so maqa inio vota eri kiolake sea tanatanamu kasi, “Me Izireli amu mela, meta taka balauvomo ko me meqai zariako mai ereko nia maba poso.

Iruruputo 8:9

Ni kala pado maba Saimone va kikelani ta obeta evake koa peuru kale, kama taku kale vo o vuzemeni se Sameria mu voko aqasiele ama iruruputo ziolo ko pizato kale o erekema kale. Vota o aikaivake ta vo inio raura kala kioveni,

Qelesia 2:6

Melai sea raura kamu ma kimelani me ta pui kepa besieke kama quli koa Uri ama Bazu ko aṉa aqai bazubazutako kale ama. (Ni aṉata pulia quli ka kiala ko loma quli madu inio ko se lulavo. Ako vo Baṉara kasi ta animea kiada mela ti omadeuvo sole.)

Qelesia 6:3

Ni kala ta eri kiovou “Aṉata qulepoa lala,” kiovou, melai vota pulia quli maba inio vo, ta ota lipalipata o ṉavi.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.

2 Pita 2:2

Ni matu kubo madu ta ke luluekou seko ruqe ama kalo ni Sokale avo inio maba poso ta ke ruqe kasekou tuveano ko keve.

Jiudi 1:16

Sea maba poso ta kiada keru kemai ṉuruṉuruani edoloma maba madu, ni seta ke lulueka ke ṉaviko ruqe ama zario poso. Seta ke raurarauraivani ke ṉavi pala, ni ke oluoluema edolomu tu kekai kovo avo se keka zariako quli.

Kelokelozato 17:3

Ni vo Tabu ala Auvana ta olai sukatake, nio aṉako uloito jari ama kelokelozato kale inio vo mateana ta o lati olake aṉa lealea kama zaekale. Sai nio aṉata a qeake kama pado rekoreko ko kobeta papuake diri ala biaṉa ko momo topi, vo o tupu ma tupu topi kota va rikiziovini matu kubo ṉi poso koko perivema vo Baṉara tu maba poso ta ke ilusivo voa biaṉa ni pui ke ilusivou vo Baṉara, ni voa biaṉa ta sikeura lezu ala ni toni sotasota kala.

Kelokelozato 17:5

Koko kape topi ta kota ka rikiziovi kama pado ṉi ko mutamuta kakoi kota ka evako koko kio ni kalo sama, ko eri kikolako riki, “Aṉa raura kama Babiloni lala, kiadama jou kama reko poso ko niania lala ni koko raki lala kiadama ruqea kelo ama quli peuru ma peuru kale ama,” kikolako.