Iruruputo 5:17 - BAṈARA KO VAIRU AMA LEVELEVEO

¹⁷ Nio vo Ṉisa Siama ni voko baerebaere poso se koa so keru ama poqala maba poso Sadiusi madu ma kikeveni, ta kemai matu pasoike se apositolo madu, so sole seta ke vatoekake tu seta ke ereko kama quli tu ke niumaemo se kikelake.

Iruruputo 5:17 교차 참조

Matiu 27:18

Ako Paelati ta obe kai uria nianiia ta seko va konoilo kale inio se Jiu amu ko tanatanamu ta ke vati keve vo Jisu vokasi sole.

Matiu 3:7

Nio so keru vo Jone o meve keru matu kubo Parese madu ni se Sadiusi madu seke kuevini vokasi bapitaiso elole, sai nio vota eri ma kiolake, “Meta dole jaria ruqea mela! Noi sole inio meta eri kimela, ‘Eṉeta bapitaiso ṉe elou inio eṉeta ṉeda ka lapasou koa koqotato vo Baṉara o soroeko ama,’ kimela?

Jone 12:10

So sole se raura kama siama madu ta ke erekake kama nakanakati tu Lazarasi melai ke vouvaevo,

Jone 12:19

Nio se Parese madu ta eri kikelake ke ṉavio kude, “Kemoni, animeta puliama rora me rovea kelo, kiadama maba ta ke lulueva vo sole!” kikelake.

Iruruputo 13:45

Nio so keru se Jiu amu ke kea keru ko matuma padopadoilo sai, inio seta keta matu konoivake, ni pesipesi saṉa ke ikake vo Paula o kasekema quli, ni ke ruqe kasevake vo.

Iruruputo 15:5

Melai kake Parese madu se lula ke tuvevo putani ta ke lojoake ni eri kikelake, “Se pui Jiu amu ta maba ke moveilo ni ke bazuilo tu ke zoriko vo Mosese ko Bazu kikolani,” kikelake.

Iruruputo 17:5

Melai seke konoivani Jiu amu ta ke padoemake seke utu taliani ruqe ama maba poso ni seta ke vakimuake ni ke ṉiṉoreake koa pado ama peuru kale. Ni kiadamu ta ke olake ni kekai kasakeake Jesoni va kikelani maba ko pade, tu seta ke vailiko Paula ni Sailasi sai tu ke saqoriko nioqa sai kazo maba poso kasi.

Iruruputo 4:26

Se peuru ma peuru kale ama aikovakova poso ta lula ke inainaova, ni se lekasa poso ta lula ke padoiva tu ke vati pazokinio vo Baṉara ni vo o pitoevani Pakio,’ ka kiovema.

Iruruputo 4:6

Se sate ta ke padoivake vo Ṉisa Siama Anasi ni Kaepasi, ni Jone ni Alekezada ni mata kake vo Ṉisa Siama ko mabamu.

Iruruputo 5:16

Ni matu kubo maba madu ta ke kuevake Jerusalema peuru ko ketaketama peuru poso kale azo, ni ke mati kuevake se vere amu ni se ziolo komai onobatani, ni sea kiadamu ta keta urikake.

Iruruputo 7:9

“Ni Jekopi ko meqora poso ta kevai konoivake sevo visi Josepa ni kevai tatabaraovake kake kasi seke vati keveni Ijipi tu vota mabaku o elo sai kikelake. Melai Baṉara ta o evake vo sase,

Qelesia 5:21

sebisebito, piza kama ju doilili kai elo ni ruqe ama ṉojolao, ni ereko mata kama soama quli. Melai aṉata a balauvimela me erisaṉa, omadeuvo aṉata a balauvimele ko paloasako taku kale jari, ako seke erekani komi quli ta pui kepa kovou vo Baṉara ko lekasa puo kale ama mauruto sole.

Jemisi 4:5

Pui lipato iko ko tuveano Tabu ama Riki topi ama ko so kikolako, “Vo maba ko auvana vo Baṉara lula o vaekema anime tona ta kokai sukata ko ṉaloṉalo ama vatolo.”

1 Pita 2:1

So sole meta vaekomo kiadama meko ruqeruqe ama kalo ni lipalipato. Ni meta pui se kekai lipalipaitani ko sidopu jari kalo. Ni pui me qonoilou ni pui me ruqe kasemou se edolomu. Meta me vaekou koa kiadama quli meko saevo kale azo.