31 Ni so keru seke paika keru vararaito, koa zae seke kai padoivake ta kota nuvinuvitake. Ni vo Tabu ala Auvana ko pizato ta komai sukatake sea kiadamu ni seta ke taniekake kai bazubazuto vo Baṉara ko bazubazu parani putole.
Tuvevo avole aṉata a bazuemela me, vo tuvevo o ilani aṉa ta vo melai o erekou koa iruruputo aṉa a erekako—tuvevo, koa iruruputo vo o ereko ama ta kokai paloasou aṉa a erekako iruruputo poso, ako aṉata a zio a Mama kasi sole.
Meta pui meba pitoele aṉa melai aṉata lula a bitoemele me tu meta me ziovou tu meta me matu epamatou meko tauvemo kale edolomu, ko noqola ko elo ama epa kale. Sokale inio vo Mama ta o katimelou ko quli meme baseko ama vokasi aṉako ṉikale.
Ni omuqa apositolo ta matu tu keu elo qota evake sai, ni nioqata parani putole qovai bazubazutake vo Lekasa Jisu, vo oka tuvevo puekeni nioqako bazubazuto kale voko pakiezato sama roquano voko katiko kale nioqa ko pizato tu qo ereko aqasiele ama iruruputo.
Ni ota podoloa koi kama pado qurumo ta ko kuevake aukale azo, piza kama ururu ko puzeto ko qurumo jaria viqo ama, ni koa pade se kekai papima ko poro ta kokai sukatake.
Nio sea Jiu ama tanatanamu ta aqasiele kekai evake ko Pita ni Jone ko parani puto sama pesio ako seta ke paqumukake ta nioqata kama peuru kale ama maba kidi ni puliama uri ama nianiio sikulu kale ama sanioqa sole. Ni seta ke nianiiekake nioqa ta nioqata Jisu qo lulueveni nioqa.
Ni aṉako pirito pade kale elo ta kobe pizatima kubo madu seke tuvevo putani seko tuvevo puto kale sole seta pui ke ṉava kai bazubazuto vo Karisito ko Uri ama Bazu.
Ni aṉako omele ama zario ni aṉako matuma tuvevo puto kale aṉata pui zara aqai elou aṉako omadeu vati elo vo Karisito, melai kiada keru aṉata a zaubariovou. So inio abe vouvou melai abe saevou melai aṉata a rauraevou vo Karisito.
Melai kala me azo ta Baṉara ko raura kama nianiio pide o elou ta, vota o vararaitou Baṉara kasi, nio vota o kativou ko, ako Baṉara ta o puarika ko voko puaropuaro ama iruruputo ni zoleilo kale kiadamu kasi.
