Iruruputo 4:13 - BAṈARA KO VAIRU AMA LEVELEVEO

¹³ Nio sea Jiu ama tanatanamu ta aqasiele kekai evake ko Pita ni Jone ko parani puto sama pesio ako seta ke paqumukake ta nioqata kama peuru kale ama maba kidi ni puliama uri ama nianiio sikulu kale ama sanioqa sole. Ni seta ke nianiiekake nioqa ta nioqata Jisu qo lulueveni nioqa.

Iruruputo 4:13 교차 참조

Matiu 11:25

Nio koa taku keru inio Jisu ta eri kiolake, “Mama, au ni miduku ko Lekasa ṉa! Aṉata a qaseka aṉako uriavo ṉokasi, ako ṉota lula kasa ṉoma ika se lezumato pide amu kasi ko quli ṉo ṉoda ma mutakako se nianiiomu ni seke lezumatani.

Matiu 26:71

ni ota vatutake koa titizikinio ko pade ko veutu tona. Nio mata kama pado nabulu ta ko veake vo ni eri kikelake sea maba poso kasi, “Vota vo Nazareti ala Jisu kale ala,” kikelake.

Matiu 26:73

Ni puliako tu keu nio se sai ke lojoani ta ke olake ni ke aramuvake vo Pita ni eri va kikelake, “Tuvevo ṉo inio kala ṉa vo kalea laṉa, ako ṉoko pesio ko rukuruku ta Qalili amu ko jari sole,” kikelake.

Luke 22:8

Nio Jisu ta o soroekake Pita ni Jone, ni eri kiolake, “Olako tu pa inainaekoko ko Alokato ko sailao anime kaqe,” kiolake.

Jone 19:26

Ni vo Jisu ta o keake voko niania ni voa disaipeli vo o matu roqueveni vo ta sai qopeta lojoake. Nio vota eri kiolake voko niania kasi, “Niania, vea voa disaipeli ṉovo meqora,” kiolake.

Jone 7:15

Ni se Jiu ama tanatanamu ta keta ka vuzeike voko nianiiekato, ni eri kikelake, “Noi sole inio nea maba ta matu nianiiola pui o sikuluputani melai nio?” kikelake.

Jone 7:49

Komia matu padopadoilo ta pui kekai nianiia vo Mosese ko Bazu inio uri ko ima voko bazubazu, sole vo Baṉara ko kuiripato ta ko movou!” kikelake.

Iruruputo 4:14

Melai seta pulia quli ke kasekake, ako seta ke veake voa maba vo o urikalani ta obeta lojoake Pita ni Jone sate sole.

Iruruputo 4:19

Melai Pita ni Jone ta qo mati tiorikake se ni eri kiqolake, “Me ṉavi me vatoekomo loma quli ikio sidopu vo Baṉara ko kelokelozato kale— meko zorimelo ma Baṉara ko zorivo?

Iruruputo 4:29

Ni erisaṉa Baṉara tama kea seke erekako ṉavaṉavato sama kalo, ni bokeriṉela eṉe ṉoko nabulu poso ṉela tu parani putole ṉeqai bazuto ṉoko bazu.

Iruruputo 4:31

Ni so keru seke paika keru vararaito, koa zae seke kai padoivake ta kota nuvinuvitake. Ni vo Tabu ala Auvana ko pizato ta komai sukatake sea kiadamu ni seta ke taniekake kai bazubazuto vo Baṉara ko bazubazu parani putole.

Iruruputo 9:27

Sai nio vo Banabasi ta vovo tauvezato o evake ni vota o vati olake vo se apositolo madu kasi. Ni vota oma zakaremu puekake vo Saula ko lula velo vo Lekasa keve tona ni vo Lekasa ko lula vati pesio vo kio. Ni so jari vota omai bazuekake se vo Saula ko parani putole vai bazubazuto vo Jisu Damasikasi peuru kale.

Iruruputo 9:28

Nio Saula ta o evake se sate ni o olake koa pado ama Jerusalema ko poro kale, ni parani putole o bazubazutake vo Lekasa Jisu ko ṉikale.

1 Koriniti 1:27

Ako Baṉara ta o pitoemele anime komia ruqe ama peuru ma peuru kale ama maba poso sarubea mela mela kikelani tu vota o quratimo se nianiiomu, ni vota o pitoemele anime komia ruqe ama peuru ma peuru kale ama maba poso lekulekua mela mela kikelani tu vota o quratimo se piza kamu.

1 Koriniti 14:25

ni voko mutamuta kama kerukeru ruqe ama ta kasa kota elou, ni vota o zukaidou ni o ilusivou vo Baṉara, ni vota o kasekou ko eri, “Tuvevo vo Baṉara ta o zomana meko tiania!”

2 Koriniti 3:12

Ko ikio eṉe ṉeqai keruako leveleveo, ni Sokale avole inio eṉeta matu parani putole ṉeqai bazuta.