Iruruputo 3:19 - BAṈARA KO VAIRU AMA LEVELEVEO

¹⁹ So sole meta liliziomo vo Baṉara kasi nio vota ota mela akoekou meko sarueko poso.

Iruruputo 3:19 교차 참조

Matiu 13:15

Ako seko kerukeru ta kutumana ni seko taliṉa ta tibutibuli ni seko vilu ta imaimadi sole. Melai seta pui so ke kava tea seko vilu ta ko keazatou ni seko taliṉa ta ko viqaviqazatou ni seko kerukeru ta ko paqumukou ni ke titiziovou ni ke kilou aṉa kasi tu aṉata a urikimou se,’ ka kiovema.

Matiu 18:3

ni eri kiolake, “Meta kerukeruekomo komi! Meta pui me besiekou meko saevo tu meqora poso jari me elou ta pui meba amaqeovou vo Baṉara ko lekasa puo kale.

Luke 1:16

Vota o vaitoemou matu kubo Izireli ama maba madu vo Baṉara sevo Lekasa kasi.

Luke 22:57

Melai Pita ta ota ka zoliake ko, “Ṉoiza, aṉata vai sasa nianiio melai pui a bika voa maba!” kiolake.

Iruruputo 1:6

Ni so keru se apositolo madu ni Jisu ke toraekinie keru, seta ke kuimaevake vo ni eri kikelake, “Lekasa, komia taku kale inio ṉota mata ṉo dova lojoekou koa Izireli toutou ko lekasa poso ko lekasa puo, kio?” kikelake.

Iruruputo 11:18

Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.

Iruruputo 11:21

Ni vo Baṉara ko pizato ta ko evake se tona, ni matu mota kama maba poso ta ke tuvevo putake ni keta liliziake ni ke luluevake vo Jisu.

Iruruputo 15:3

Nio ko lotu qoqono ta ko soroemake se, ni seta ke olake Ponisia ni Sameria kude, ni seta kekai bazutake se pui Jiu amu ko lilizio Baṉara kasi. Koa bazu ta ke viqe matuma zoleilo sate seke tuvevo putani kiadama zaekale.

Iruruputo 17:26

Omadeu maba kale inio vota o tanieke kiadama toutou poso tu seta ke loilou pado ama peuru ma peuru kale. O ṉavi inio o korotikake kuleto ko korokoroti ama taku ni o podetikake koa zae poso se kekai elo ama.

Iruruputo 2:38

Nio Pita ta eri kiolake sekasi, “Mea kiada mela ta liliziomo muli meko sarueko poso kasi azo ni bapitaiso puimo vo Jisu Karisito ko ṉikale, nio meko sarueko poso ta kota mela akoilou; ni meta me qovou vo Baṉara ko katizato, vo Tabu ala Auvana.

Iruruputo 3:20

So me qalou nio, ko taku poso ta ko kilou, so keru vo Baṉara aukozo o mela ikou keru meko auvana poso, nio vota o soroevou vo Jisu, voa Pakio vo lula o pitoeveni tu me kaqe.

Iruruputo 3:21

Vota obeta elou aukale ti kobeta barolou kiadama quli vaini ko elou keru omadeuvo vo Baṉara kiovevo jari voko tabu ama poropita madu kasi se lulavo ke eveni.

Romu 11:25

A visi poso, ikoana kama pado mutamuta kama tuveano ko aṉa a mela zariako me tu kai nianiio, ako me baqumukou ko inio pui meqai abarou meko nianiio. Eri nio koa mutamuta kama tuveano; se Izireli amu ko pikipikinio puto ta pui noqola kama kopa elou, melai kota ko epezou so keru sea poso se pui Jiu amu ke kilo amu vo Baṉara kasi ke okotou keru.

2 Tesalonaika 1:10

Ni vo Baṉara ta o erekou koa sidopu ama titizato so keru vo Lekasa Jisu o vaitou keru ni vota ṉaṉaidara o elou kiadama voko maba poso ko sidopu ama saevo kale, ni o raurailou seke tuvevo putani ko saevo kale. Me melai me zomanou se sate, ako meta me duvevo pueka sole koa bazu ko eṉe ṉe qasekema mekasi.

2 Tesalonaika 1:7

ni vota o mela besitou meme niumaivani mela voko mamazo kale, ni so jari eṉe. Vota o erekou ko quli so keru vo Lekasa Jisu o puratou keru aukale azo voko piza kama mateana madu sase,

2 Timoti 2:25

ni inobea sidopu puemo o elou seke pazokani voko nianiiekato. Sokale inio esa vo Baṉara ta o baisemou se tu seta ke lilizio ni kekai nianiio ko tuveano.

Hiburu 4:1

Baṉara ta lula leveleveo okai vaeka kama pado zae tu animeta me amaqeovou sai vo o evakoi tu me mamazou vokasi. So sole animeta me vailou, tu puliala anime azo kala ta nieu okai elou kelo ni kovo koa mamazo ko vo lula o mela inainaekema.

1 Pita 2:25

Ni lula meta omadeuvo ko mumamuma kama sipi jaria mela, melai meta lula me vaita tu me luluevou vo Jisu, vo o melati vailani me omadeuvo vo vailo ko maba ta o kati vaila jari voko sipi poso.

2 Pita 3:8

Melai a roquemelani mela lolo poso, meta pui ukaka me ikou komi quli, ko omadeu ṉaniu ta omadeu vuro sabere jari, ni omadeu vuro sabere ta omadeu ṉaniu jari vo Baṉara kasi.

Kelokelozato 21:4

Vota ota ma zautekou kiadama seko deumu seko vilu kale ama. Puliama vou ta kopa elou, ni puliama upotuqu, ni zialo ni tola kopa elou. Ako lulama quli ta lula kota paraka sole,” kikolako.