Iruruputo 3:17 - BAṈARA KO VAIRU AMA LEVELEVEO

¹⁷ “Lolo poso, aṉata aqai nianiia ta me ni meko vilua pikopiko poso me erekema quli vo Jisu kasi ta meko pui paqumuvo vo kale inio.

Iruruputo 3:17 교차 참조

Luke 23:13

Ni Paelati ta o padoemake se raura kama siama madu ni lekasa poso ni maba poso,

Luke 23:34

Nio Jisu ta eri kiolake, “Mama, ṉota tama akoeka se komia ruqe, ako seta pui kekai nianiia seke erekako quli sole,” kiolake. Ni seta kekai puarikiniake vo Jisu ko suma seko kai daisimato kale.

Jone 15:21

Seta ke melai erekou me koa kalo aṉa kale avo sole, ako seta pui kevai nianiia vo aṉa o soroeleni sole.

Jone 16:3

Se maba madu ta ke melai erekou ko quli ako seta pui kevai nianiiani aṉavo Mama ni aṉa sole.

Jone 7:52

Nio seta ke vati tiorikake vo, “Ṉo melai Qalili rana lana, kio? Lezumuka ko Tabu ama Riki ni ṉota ṉo baqumukou ko puliala poropita ta o purata Qalili kio, nea maba o kuevikoi kazo,” kikelake.

Iruruputo 13:27

Sea maba poso Jerusalema ke evani ni seko vilua pikopiko madu ta pui kepa kai nianiiovi ta vo inio voa Pakio kio, ni seta pui kepa paqumuke se poropita madu ko riki kikolani kiadama Sabati poso ko tiromiako. Melai seta ke tuvevo puekake se poropita madu ko pesio seko kuiripato saṉa ivo kale vo Jisu.

Iruruputo 22:5

Ṉisa Siama ni koa pado ama Kauniseli madu ta ke rovea tuvevo pueko aṉa kialani ko tuveano. Aṉata ada ma koe se kama zariekato sama leta koko soroima se Jiu amu kasi Damasikasi ke evani. So sole aṉata a olake sai tu aba noqoemo sea maba poso seke luluekani koa vairu ama lotu ko keve tu mati vaito koi Jerusalema piriemole se ni koqotaemole se.

Iruruputo 26:9

“Lulali aṉa melai a qerukerutake ta sidopu ikio tu aṉata a erekou kiadama quli aṉa aqai kanaekiko ama vo Nazareti ala Jisu ko ṉi.

Iruruputo 28:21

Ni seta eri kikelake vokasi, “Eṉeta pui ṉe qoa kama leta Jiudia azo ṉoko bazu sama, ni puliala eṉe kale ala ta o kueva sai kazo kama bazu sate tu ruqe kaseṉo opa elo ṉo.

Iruruputo 7:40

So sole seta eri kikelake Eroni kasi, ‘Ṉela ereka kama baṉara poso tu ke ṉelati talio ni ke odieṉelo. Eṉeta pui ṉeqai nianiia ko lula ko ereivako quli voa maba Mosese kasi, vo o saqorineleni eṉe Ijipi azo,’ kikelake.

Romu 11:2

Vo Baṉara ta pui opa ṉamume o ṉaviko maba madu, se lula o pitoemeni koko tanitanila keru. Meta meqai nianiia Ilaija okai pesiovima quli, koko kasekako kale, so keru vo o olaquapute keru Baṉara kasi se Izireli qoqono mai buzaro kale:

1 Koriniti 2:8

Puliala kala pado lekasa komia peuru ma peuru kale ala ta opa vakakuke komia raura kama nianiio ko bazu. Ako seta lula ke paqumuke ko tea, pui nio kepa patoevo animevo ṉaṉaidara kala Lekasa korosi topi.

2 Koriniti 3:14

Melai seko kerukeru ta kota ma tibuliake. Ni kobe kai baroa komia taku kale melai kama quli ta kobe tama tizaeka seko kerukeru kiada keru seke tiromika keru lulama leveleveo ko Buka, omadeuvo koa suma ta ko bouluke vo Mosese ko loilo jari. Seta pui nio ke paqumuka ko vairu ama leveleveo, ako se pui nio omadeu ke vati evani vo Karisito ta pui ke rovea paqumuko ko sole.

Epesasi 4:18

ni seta pui ke paqumuka ni pui ke mamura ako seta pui kekai zaria didiano sole. So inio seta pui kepa kovou koa saevo vo Baṉara okai zariako katimo.

Pilipai 1:22

Ni aṉata abeta saevou, ta aṉata ava iruruputou vo Lekasa. Melai loma quli kio aṉata a bitoekou? Saevo ma vou aṉata pui aqai nianiia.

1 Timoti 1:13

rouka ruqe kasevo abe eve vo lulavo ni abe niumaniumaeve vo aṉako ruqe imo kale voko maba madu. Melai animevo Lekasa Jisu ta o matu roquele aṉa ni ota la akoeke ko, ako so keru ta aṉata pui nio avai oquke vo sole ni pui nio aqai nianiiake ko aṉa a erekema quli ta ruqe ama kio sole.