Iruruputo 28:18 - BAṈARA KO VAIRU AMA LEVELEVEO

¹⁸ Ni aṉako kuimakuimaelo ko tova inio se Romu amu ta kela zariake rupasilo aṉa, ako ke keake ta aṉata puliama sarueko aba ereke ko vou ko malezikako sole.

Iruruputo 28:18 교차 참조

Iruruputo 22:30

Ni vo solodia madu vo kuleto ala ta oka zariake taka vailiko koko tuveano se Jiu amu kuiripato saṉa kevai ikako vo Paula, so sole koko raneo kale vota o rupasivake vo Paula ni o bazuemake se raura kama siama madu ni Jiu amu ko Kauniseli madu tu seta ke padoilo. Ni vota o vati olake vo Paula ni o lojoevake seko kuleto.

Iruruputo 23:29

Aṉata aqai potoake ta vota pulia quli opa ereke ko malezikako tu o vou ni pirito pade kale ivo, melai vo kuiripato saṉa kevai ikema ta ke ṉavi seko bazu ko kio kale avo ikio.

Iruruputo 24:10

Ni vo Qavuna ta o siqailivake vo Paula tu vota o pesio, nio Paula ta eri kiolake, “Aṉata aqai nianiia ta ṉota ṉo ereka ko titizato komia matuma qoqono kale kubo sabere poso, so sole aṉata ada zoleiva tu a qaraqarailo a ṉavi ṉoko kuleto.

Iruruputo 24:22

Nio so keru vo Filekisi o viqa keru komia pesio vota o dokolikake koa titizato, ako vota okai uria nianiiake koa Jisu ko lotu ko keve sole, ni vota o bazuemake se ni eri kiolake, “So keru vo Laisiasi solodia madu vo kuleto ala o barolou keru inio aṉata a mela pitasikou meko aivekinio,” ma kiolake.

Iruruputo 25:25

Melai aṉata pui a rovea tava kelo kama quli vou ko male ama tu vota o vou. Vota lula o erekala voko paseto tu vota o ziovou Romu ala Matu Aikovakova kasi, ni aṉata lula a vatoeka tu a joroevo.