Iruruputo 28:17 - BAṈARA KO VAIRU AMA LEVELEVEO

¹⁷ Ni zouke ṉaniu ko tova inio Paula ta o nokaemake sai ke evani Jiu ama tanatanamu vatovatoito ko pesipesito kale, sai nio vota eri kiolake sekasi, “A baerebaere poso mela, aṉata pui aba ereke ruqe ama kalo animeko maba madu kasi ni so jari pui aba bikoirike animeko vikuvikula bazu. Melai seta ke vaelake Jerusalema pirito pade kale ni ke lati sorotake aṉa se Romu amu ko ṉase topi.

Iruruputo 28:17 교차 참조

Iruruputo 13:50

Melai se Jiu amu ta ke jituemake se koa Pisidiama Anitioko peuru kale ama tanatanamu ni so jari se pui Jiu ama matuma rekoreko poso seke ilusivani vo Baṉara Jiu amu sase. Ni sea matuma maba poso ta ke taniekake naqueko Paula ni Banabasi ni seta ke butuekake nioqa Pisidia ranama peuru poso kale azo.

Iruruputo 22:5

Ṉisa Siama ni koa pado ama Kauniseli madu ta ke rovea tuvevo pueko aṉa kialani ko tuveano. Aṉata ada ma koe se kama zariekato sama leta koko soroima se Jiu amu kasi Damasikasi ke evani. So sole aṉata a olake sai tu aba noqoemo sea maba poso seke luluekani koa vairu ama lotu ko keve tu mati vaito koi Jerusalema piriemole se ni koqotaemole se.

Iruruputo 23:33

Ni seta ke vati olake vo Sizaria, ni seta ke kativake ko leta saizala Qavuna, ni ke vaevake vo Paula voko ṉase topi.

Iruruputo 25:10

Nio Paula ta eri kiolake, “Aṉata abeta lojoa vo Romu ala Matu Aikovakova ko titizato ko zaekale, sai aṉa a malea koi tu a vatoilo. Aṉata pui a erekani lala kama sarueko se Jiu ama tanamu kasi, ṉo ṉavi melai ṉobe kai uria nianiia.

Iruruputo 25:2

ni se raura kama siama madu ni se Jiu ama tanamu ta keta olake vokasi vai kuirikole vo Paula. Ni seta kevai matu titiake vo Fesitasi

Iruruputo 25:8

Melai Paula ta ota qaraqaraike pesio ni eri kiolake, “Aṉata puliama sarueko a ereka ko aṉa aqai bikoirikako ko Mosese ko Bazu se Jiu amu ke luluekako ni kai kedu ko Jelepade ni vai kedu vo Romu ala Matu Aikovakova,” kiolake.

Iruruputo 6:14

Eṉeta ṉeda va viqala ta voa Nazareti ala Jisu ta o biresukou ko Jelepade ni vota o besiekou kiadama animeko bazu poso koko vikima anime tona Mosese kasi azo!” kikelake.