Iruruputo 28:15 - BAṈARA KO VAIRU AMA LEVELEVEO

¹⁵ Ni se Romu ama lotu maba poso keta ṉela viqake ta eṉeta sipole ṉeda barolou sai kio, nio kake seta ke kuevake Apiasi maketi ko evakoi ni kake ta Zouke Mamazopade ka kikelako zaekale sai kepa toraeṉelake. Ni so keru Paula o mea keru se vota o ilusivake vo Baṉara ni ota matu zaubariake.

Iruruputo 28:15 교차 참조

Jone 12:13

So sole seta ke koake kama pamu ore ko dauko ni seta ke olake toraevole vo, ni ke vaelavelaoke ni eri kikelake, “Me ilusivo vo Baṉara, Baṉara ta mauru o ivou vo o kuevani voko ṉikale, vo Izireli ala Aikovakova!” kikelake.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 10:23

So sole Pita ta o pasemake se tu seta ke raneovou sai kiolake. Nio koko raneo kale inio vota o inainaoke ni vota o olake se sate, ni kake se Jopa peuru kale ke evani ke tuvevo putani melai ke luluevake vo.

Iruruputo 10:25

Ni so keru vo Pita obe amaqeo kiola keru inio vo Koniliasi ta o toraevake vo ni vota o loqunake voko kiti raki kasi.

Iruruputo 11:1

Ni se apositolo madu ni seke tuvevo putani Jiudia ma peuru poso kale ke evani ta ke viqake se pui Jiu amu melai lula kekai oqua vo Baṉara ko bazubazu kio.

Iruruputo 11:12

Ni vo Tabu ala Auvana ta o bazuelake aṉa tu aṉata niuniala pide a luluemou se. So sole nia varimuja lotu maba madu Jopa peuru kale amu ni aṉa ta ṉe olake Sizaria peuru kale ni ṉe amaqeake Koniliasi ko pade kale.

Iruruputo 12:17

Ni vota o zolaekake voko ṉase tu ke moizailo ni vota omai zakaremu puekake vo Baṉara o ivevoa saqorivo vo pirito pade kale azo. Ni vota eri kiolake, “Vai bazuekomo komi quli vo Jemisi ni sea kiadamu ke tuvevo putani,” kiolake. Ni vota o vaemake se ni ota olake edoloma zaekale.

Iruruputo 21:5

Melai eṉeko saizama elo sekasi ama ta kota okotake, ni ṉe vaekake sai. Nio sea kiadamu ni seko reko poso ni meqora poso ta ke lulueṉelake eṉe koa peuru kale azo ni ṉeda saqorake muli saka, sai nio eṉea kiada ṉela ta ṉe iqeiqeake ni ṉe vararaitake.

Iruruputo 28:14

Sai nio eṉeta ṉe meake kama lotu maba madu seke taipaziṉeleni eṉe, ni eṉeta ṉe evake sekasi sai omadeu vuiki. Ti sai kazo eṉeta ṉe luluekake ko matu keve tu ṉe barolo Romu peuru kale.

Romu 15:24

so sole erisaṉa aṉata aqa zaria kilo. Aṉata aqa zaria mela lelo me so keru aṉa Sipeini peuru kale a ziovou keru, tu aqai zoleilou meko soipimelo puju ama taku kale. So inio aṉata a qovou ko tauvezato mekasi aṉako ziokale sai.

2 Koriniti 2:14

Kala solodia madu vo kuleto ala ta o rajaema piripiri ama kana poso peuru kale tu kasa oma iko se maba poso voko koqo imo voko kana madu. So jari nio vo Baṉara ta kasa o ika voko koqo imo voko kana madu eṉeko omadeu vati elo kale vo Karisito. Ni se siama madu ta ke lulueva sea solodia madu vo kuleto ala siqaekole ko bube tu ke puratiko seko kai zoleilo voko koqotaemo. So jari nio eṉeta ṉe olani ṉela kiadakoi kai bazutole vo Karisito ko Uri ama Bazu tu ṉe buratiko eṉe kai zoleilo vo Karisito ko koqotaemo voko kana madu. Aṉata a ilusiva vo Baṉara,

Qelesia 4:14

Ni tuvevo aṉako vere ta kubo tapata ko katimele me, melai meta pui meba lai kaikuape aṉa ni pui meba perile aṉa. Melai meta me baroekilake aṉa omadeuvo aṉata vo Baṉara ko mateana jari ma omadeuvo aṉata vo Jisu Karisito jari!

1 Tesalonaika 3:7

So sole kiadama eṉeko tapata ni olaquavo kale, mea visi poso ni kaka poso mela ta me batukiṉela eṉe meko oqu ko bazu kale;

Hiburu 13:3

Kerukeruemomo tu tauvemomo se pirito pade kale ke evani maba poso; omadeuvo se jaria piripiri emo. Ni so jari meta kerukeruemomo se tapata ke evani, omadeuvo meta me lainika seko tola jari.