Iruruputo 28:14 - BAṈARA KO VAIRU AMA LEVELEVEO

¹⁴ Sai nio eṉeta ṉe meake kama lotu maba madu seke taipaziṉeleni eṉe, ni eṉeta ṉe evake sekasi sai omadeu vuiki. Ti sai kazo eṉeta ṉe luluekake ko matu keve tu ṉe barolo Romu peuru kale.

Iruruputo 28:14 교차 참조

Matiu 10:11

“Ni so keru meme barolou keru matuma peuru kale ma silo ama peuru kale, meta me amaqeovou sai ni me vailivou kala vo o mela zariovo ala baroekimelo me, ni meta me elou sai vokasi, ti kobeta barolou so keru meme vaekou ni me vatutou koa zaekale azo.

Jone 21:23

So sole Jisu ko so kio kale avo, bazu ta ko aerake ta voa disaipeli ta pui opa vouvou kio sama, seke luluevani vo Jisu kasi. Melai Jisu ta pui opa kaseke ko vota pui opa vouvou kio. Eri pala inio kiolake, “Aṉata ava zariovou vo tu obeta elou ti kobeta barolou aṉako vaito keru tea, kota pui ṉoko tu ṉota ṉoqai nianiio,” kiolake.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 19:1

Ni so keru Apolosi Koriniti peuru kale obeta eva keru inio Paula ta ota kai taliake koa rana vasi ama koko kiṉu ni o baroake Epesasi. Ni vota o toraemake kake seke tuvevo putani sai

Iruruputo 20:6

Ni eṉeta ṉe dadaoke Pilipai azo Isiti pide ama Bereti Ṉojola ko tova, ni sike ṉaniu ko paloasake inio eṉeta ṉe doraemake se Toroasi, ni eṉeta sikeura ṉaniu ṉeda evake sai.

Iruruputo 21:4

Sai nio eṉeta ṉe meake kake seke tuvevo putani ni eṉeta ṉe evake sai sekasi sikeura ṉaniu. Ni Tabu ala Auvana ko pizato kale seta ke bazuevake vo Paula tu vota pui o ziovou Jerusalema va kikelake.

Iruruputo 28:13

Ni sai kazo ṉe dadaoke ni mata ṉe varerikake Reqiumi peuru kale. Ni koko raneo kale ta kala ṉoma ururu ota puzetake, nio koko omuqala ṉaniu kale inio ṉe baroake Puteoli peuru kale.

Iruruputo 28:15

Ni se Romu ama lotu maba poso keta ṉela viqake ta eṉeta sipole ṉeda barolou sai kio, nio kake seta ke kuevake Apiasi maketi ko evakoi ni kake ta Zouke Mamazopade ka kikelako zaekale sai kepa toraeṉelake. Ni so keru Paula o mea keru se vota o ilusivake vo Baṉara ni ota matu zaubariake.

Iruruputo 28:21

Ni seta eri kikelake vokasi, “Eṉeta pui ṉe qoa kama leta Jiudia azo ṉoko bazu sama, ni puliala eṉe kale ala ta o kueva sai kazo kama bazu sate tu ruqe kaseṉo opa elo ṉo.

Iruruputo 6:3

So sole lolo poso meta pitoemomo sikeura maba madu me ṉavi kasi amu, se me memai nianiiani komai sukato amu vo Tabu ala Auvana ni Baṉara ko nianiio, ni eṉeta ṉe qatimou se koa iruruputo.

Iruruputo 9:30

Nio so keru seke tuvevo putani ke paqumuke keru ko, seta ke vati olake vo Saula Sizaria, ivere ketaketama peuru kale, ni ke soroevake vo vaka kale Tasisi peuru kale.

Romu 1:13

A visi poso mela, aṉata aqai zaria tu melai bazueko ko eri, aṉata aqa zariani lala inio kilo soipimelole me, tu aṉako iruruputo ta ko epamatou mekasi, omadeuvo kota lula ko epamata jari se pui Jiu amu kasi. Kubo taku aṉata aqa zaria soipimelo me, melai koko noqoelako quli aṉa ta ikoana.