Iruruputo 27:43 - BAṈARA KO VAIRU AMA LEVELEVEO

⁴³ Melai vo sirula ta ova zariake pakievo vo Paula, so sole vota o dokolimake se tu seta pui ke vouvaemo se. So sole vota o bazuemake se tu seke roveani ruazo ta kuleto ke jouro vaka topi azo tu ruazole ke vareriko keta kale;

Iruruputo 27:43 교차 참조

Iruruputo 23:10

Ni ko zolizoliekinio ta matu ti matu naizato kota evake ni voa solodia madu ko kuleto ala ta ota ṉake tu vo Paula ta silosilo pala ke ivo. So sole vota o bazuemake voko solodia madu tu ke saqoro tu ke noqoevo vo Paula, tu ke vati zio sekasi azo idi qara ko poro kale solodia madu ko zaekale.

Iruruputo 23:24

Qeta inainaekoko kama hose vo Paula ko talio ko, ni qeta uria baroekivo eko vo Qavuna Filekisi kasi,” kiolake.

Iruruputo 27:11

Melai vo Romu ala sirula ta okai keruake vo vaka ko vilua pikopiko ni koa vaka sala kiqolani, vota pui o tuvevo puekake Paula kiolani.

Iruruputo 27:3

Ni koko tovala ṉaniu kale inio ṉe varerikake Saidoni peuru kale. Sai nio Juliasi ta o zarievake vo Paula tu vota o zio melole voko baerebaere poso tu seta ke tauvevo vo kiolake sole.

Iruruputo 27:31

Melai Paula ta eri kiolake vo sirula ni se solodia madu kasi, “Se vaka ko iruruputo ko maba madu ta puliala o elou vaka topi ta meta maba pui meba roveovou pakio,” kiolake.

Iruruputo 27:42

Nio se solodia madu ta ke erekake kama pado nakatato tu seta ke vouvaemo kiadama piripiri amu tu seta pui ke ruazo ni ke kailo keta kale tu ke soqoilou kikelake.

2 Koriniti 11:25

zouke taku ta ke sisiparu puela se Romu amu; omadeu taku ta ke taila lado kale. Aṉata lula zouke vaka ko lati pisaivani lala, ni omadeu taku karabete ariku aoa a ṉamukeni lala kolo kale.