29 Ni seta ke vati ṉake vo vaka tu o paparou lado topi so sole seta ke jouraekake ariku ṉoma titi, ni seta keka vararaitake ko raneto seko baṉara poso kasi.
Seta ke zazuevake vo diqi, ni ke vati vinatake lupivo qusini kale voa vaka tu pui o potasio kikelake sole. Seta keta ṉake kailo Libia keta kale ama karokoni bolebole kale so sole se vaka topi amu ta ke soloekake ko tepe ni ko ururu ta ko soleṉelake eṉe.
So sole seta ke soloekake ko tali bati sama, kolo ko saqoro kekai podetikako, ni seta ke keake ko ivere ta kota karabete ta tiniavo koko saqoro. Silo pala taku ko tova seta mata ke keake ta kota toni sike ta tiniavo koko saqoro.
Ni sea vaka topi ama iruruputo ko maba poso ta ke madoekake soqoilo vaka kasi azo, sole seta ke soloekake ko diqi ivere kale tu seta ke saqoriko kama titi koa vaka ko votonio ama, ka kikevema, melai kota seko lipalipato.
Koa keru animeko ta animeko saevo poso ko titi. Kota vinavina ni tuvevo ama, kokale animeta me amaqea koa suma otu kale kude koa Matu Tabu ama Zae ko poro kale, sai Baṉara o evakoi.
