Iruruputo 27:1 - BAṈARA KO VAIRU AMA LEVELEVEO

¹ Ni so keru seke vatoeka keru tu eṉeta ṉeda pakeo vaka kale Itali, inio Paula ni mata kake maba poso pirito pade kale ke evani ta ke vaemake kala Romu ala sirula ko ṉase topi, Juliasi o ṉi sala. Vota kala pado vo “Romu ala Matu Aikovakova ko Vaki Poqala” kale ala.

Iruruputo 27:1 교차 참조

Matiu 27:54

Ni so keru se solodia madu ni sevo kuleto ala kebe vati vailani vo Jisu ke kea keru ko nunu ni kiadama quli sai ko ereima, seta keta matu ṉavaike ni eri kikelake, “Koe, matu tuvevo nei ta vo Baṉara vo Meqora tivoine!” kikelake.

Luke 23:47

Ni se solodia madu vo kuleto ala ta o keake koko ereima quli, ni vota o ilusivake vo Baṉara ni eri kiolake, “Koe, tuvevo avole nea maba ta sidopu ala!” kiolake.

Luke 7:2

Ni koa peuru kale ta inevoana kala Romu ala sirula vo nabulu vo o matu roquevani, ni vota ota verepake ni sipole ota vou kiolani.

Iruruputo 10:1

Ni kala pado maba ta obeta evake Sizaria peuru kale Koniliasi va kikelani, vota kala sirula Romu ama pazokinio ko maba poso vo. Voko vakimuo ko poqala ko ṉi ta “Itali ama vakimuo ko poqala” ikio.

Iruruputo 10:22

Nio seta eri kikelake, “Vo sirula Koniliasi inio o soroeṉelalani eṉe. Vota kala sidopu ala maba ni o ilusivani vo Baṉara ni se Jiu amu keta va matu paṉaovani maba. Vo Baṉara vo mateana ta o bazuevala vo tu vota o taipaziṉo ṉo voko pade kasi, tu vota o roveovou viqo ṉo kiṉovo avo,” kikelake.

Iruruputo 16:10

Eria kelo o evake vo Paula koa kelokelozato, ti ṉebeta zarizari a ke inio tu ṉe zio Masedonia, ako eṉeta ṉeqai nianiiake ta vo Baṉara inio o nokaeṉela eṉe tu ṉeqai bazubazuto ko Uri ama Bazu sai ke evani maba poso kasi kiṉelake sole.

Iruruputo 18:2

Sai nio vota o toraevake kala Jiu ala maba Akuila va kikelani, Ponitasi rana o alileni, vo vairua kilo obe evani sai voko reko Pirisila sate, ako vo Romu ala Aikovakova Kalaudiasi ta o bazuemake kiadama Jiu amu tu seta ke vaeko ko Romu peuru kiolake sole. Nio Paula ta o olake soipimole se,

Iruruputo 19:21

Ni ko quli poso ko ereilo ko tova inio Paula ta o vatoeke tu o zio Masedonia ni Akaia ranama peuru poso kale ni soa beta zio Jerusalema. Ni eri kiolake, “Sai a ziovou saita, inio Romu peuru melai aba soipikou,” kiolake.

Iruruputo 21:32

Nio taukavole vota o odiemake kake solodia madu ni sirula madu, ni taukavole ke saqorake sea matuma vaki kasi. Ni so keru sea maba poso ke mea keru se solodia madu, seta keta epezake pazovo vo Paula.

Iruruputo 22:26

Nio so keru voa sirula o viqa keru koa pesio, vota o olake solodia madu ko kuleto ala kasi ni o kuimaevake vo ni eri kiolake, “Loma ikio ṉoṉo erekako? Voa maba ta Romu amu ko pizato sala maba inio!” kiolake.

Iruruputo 23:11

Ni koa ipu kale inio vo Lekasa Jisu ta o lojoake Paula ko sipole ni eri va kiolake, “Pui ṉalo! Ṉota lula ṉolai bazubazuta aṉa koi Jerusalema peuru kale, ni ṉota mata soa bazubazuto ṉolai elou Romu peuru kale,” kiolake.

Iruruputo 23:17

Nio Paula ta o nokaevake kala pado se sirula poso kale ala, ni eri kiolake vokasi, “Vati ola nea vairu ala maba se solodia madu vo kuleto ala kasi, vota oka zaria tu ovai bazueko vo kama quli sole,” kiolake.

Iruruputo 24:23

Ni vota o bazuevake kala pado sirula tu vota o vati uria vailo vo Paula, melai vota oma zarievou tu voko baerebaere poso ta ke kilo vokasi tu seta ke kativo vo oka zariovo ama quli.

Iruruputo 25:12

So sole vo Fesitasi ta o mati pesipesitake voko maba poso saita inio eri kiolake, “Ṉota ṉoqa zaria zio Matu Aikovakova kasi tu vota o vatoeṉo voko titizato kale kiṉola, sole uri tu ṉota ṉo ziovou vo Matu Aikovakova kasi,” kiolake.

Iruruputo 25:25

Melai aṉata pui a rovea tava kelo kama quli vou ko male ama tu vota o vou. Vota lula o erekala voko paseto tu vota o ziovou Romu ala Matu Aikovakova kasi, ni aṉata lula a vatoeka tu a joroevo.

Iruruputo 27:11

Melai vo Romu ala sirula ta okai keruake vo vaka ko vilua pikopiko ni koa vaka sala kiqolani, vota pui o tuvevo puekake Paula kiolani.

Iruruputo 27:43

Melai vo sirula ta ova zariake pakievo vo Paula, so sole vota o dokolimake se tu seta pui ke vouvaemo se. So sole vota o bazuemake se tu seke roveani ruazo ta kuleto ke jouro vaka topi azo tu ruazole ke vareriko keta kale;

Iruruputo 27:6

Sai nio voa sirula ta o veake kala vaka Alekezadaria azo, Itali o zio kiolani, so sole vota o zazueṉelake eṉe sai.

Iruruputo 28:1

Ni so keru eṉe lula ṉe bakiake saita, inio eṉeta ṉe viqake voa udu ko ṉi ta Molota udu.

Iruruputo 28:16

Ni so keru eṉe ṉe baroa keru Romu, seta ke zarievake vo Paula tu vota o elo kala pade kale kala solodia ko vailo kale.

Hiburu 13:24

Eṉeta ṉe joroeka eṉeko roquano kiadama meko lotu lekasa poso kasi ni kiadama vo Baṉara ko maba poso kasi. Se Itali ama lotu tamania ta ke melati sorota me seko roquano.