4 “Kiadama Jiu amu ta kelai nianiia aṉako elo koizama aṉa vairua lala keru azo. Seta kekai nianiia aṉako pado ama elo aṉako saevo kale, kuleto ta a ṉaviko peuru kale ni koko tova ta Jerusalema.
“Aṉata kala Jiua lala, Silisia ma Tasisi a alileni lala melai a rapukeni lala koi Jerusalema ni Qamelieli inio o nianiiekileni aṉa. Aṉata a qoe animeko taite poso ko Bazu ko nianiiekato ni aṉata lula matu mumuasa puilo aqai eva vo Baṉara va nabuluputo omadeuvo koi me jari komia ṉaniu.
Aṉata aqai eraeraova komi quli ṉokasi: aṉata a ilusiva vo eṉeko taite poso vo Baṉara ko se lipalipa kama keve ka kikelako kale. Melai aṉata a duvevo puekani lala kiadama riki poso kale ama quli vo Mosese ko Bazu kale ama ni se poropita madu ke rikiekema buka poso kale ama.
Ni meta meda la viqe aṉako saevo koko paloasako taku keru ama, so keru aṉa Jiu mu ko lotu kale a eve keru. Aṉata a niumaniumaeke vo Baṉara ko lotu, ni a matu madoeke tu a ruvurimo vo Jisu ko lotu maba poso.
Ako aṉata a movei siotolu ṉaniu ko tova a alila Saita, ni aṉata Izireli qoqono kalea lala vo Benijimane ko toutou kalea lala sole. Ni aṉata Hiburu pesioa lala ni kiadama aṉako taite poso melai Hiburu pesio mu. Ni aṉata Paresea lala sole vo Mosese ko Bazu ta matu qulepo ama aṉa kasi.
