Iruruputo 26:20 - BAṈARA KO VAIRU AMA LEVELEVEO

²⁰ Kuleto ta Damasikasi ti Jerusalema ni koa pado ama Jiudia ni mata se pui Jiu amu kasi aṉata aba bazubazute sai tu seta ke lilizio seko sarueko poso kale azo ni ke lilizio Baṉara kasi ni ke ereko ko quli seko lilizio kasa ko iko ama.

Iruruputo 26:20 교차 참조

Matiu 3:2

Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 3:8

Meta erekomo ko quli ko kasa ko iko ama ko meta lula meda lilizia meko sarueko poso kale azo kikovo ama quli, saita inio me qilou ni bapitaiso me elou.

Matiu 4:17

So sole koa taku kale inio Jisu ta o taniekake kai bazuto voko bazubazu, ni eri kiolake, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 9:13

So sole meta olamo ni pa kai nianiimo Baṉara kiovevo ko Tabu ama Riki kale, ko eri kikelako, ‘Aṉata pui aqa zaria biaṉa kale ama siqasiqa melai aṉata aqa zaria ko tauvezato sama roquano,’ kikovema. Ako aṉata pui a queva nokaemole se sidopu amu, melai aṉata a queva tu nokaemole se ruqe ama maba poso,” kiolake.

Maka 6:12

So sole seta keta olake ni ke bazubazutake tu maba madu ta ke liliziovou seko ruqe kale azo.

Luke 1:16

Vota o vaitoemou matu kubo Izireli ama maba madu vo Baṉara sevo Lekasa kasi.

Luke 13:3

Maba pui! Melai aṉata a bazuemela me ta meta pui me liliziovou meko sarueko poso kale azo ta mea kiada mela meda vouvou se jaria vou.

Luke 13:5

Maba pui! Aṉata a bazuemela me ta pui me liliziovou meko sarueko poso kale azo ta mea kiada mela ta se jaria vou meda elou,” kiolake.

Luke 15:10

Aṉata a bazuemela, omadeuvo so jari nio vo Baṉara ko mateana madu ta keva zoleiva voa omadeu maba sarueko sala vo o liliziani,” kiolake vo Jisu.

Luke 15:7

So inio aṉata a bazuemela me, omadeuvo so jari nio vo Baṉara ta ovai qulepoa zoleilou voa omadeu pado maba vo o liliziani voko ruqe kale azo kokai paloasako vo omai zoleivani zoleilo kale sea siakava toni siakava paṉapaṉao maba poso se puliama lilizio kekai zariani,” kiolake.

Iruruputo 11:18

Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.

Iruruputo 15:19

Ni Jemisi ta obeta olake pesio ni eri kiolake, “Aṉako kerukeru ta eri nio kikolani. Animeta pui tapata me imo se pui Jiu amu seke liliziani Baṉara kasi.

Iruruputo 17:30

Baṉara ta okai azopike voko vilu koa taku so keru se maba poso pui kepa vai nianiiovi keru vo, melai erisaṉa vota o bazuema se kiadama zae poso kale tu seta ke lilizio seko ruqe ama keve kale azo sidopu ama keve tona.

Iruruputo 2:38

Nio Pita ta eri kiolake sekasi, “Mea kiada mela ta liliziomo muli meko sarueko poso kasi azo ni bapitaiso puimo vo Jisu Karisito ko ṉikale, nio meko sarueko poso ta kota mela akoilou; ni meta me qovou vo Baṉara ko katizato, vo Tabu ala Auvana.

Iruruputo 20:21

Aṉata amai matu titiake se Jiu amu ni so jari pui Jiu amu tu ke lilizio seko sarueko kale azo ni ke tuvevo puevo vo Lekasa Jisu.

Iruruputo 26:17

Aṉata a bakieṉou ṉo se Jiu amu ni se pui Jiu amu ko ṉase topi azo sai aṉa ṉo a joroeṉoa koi sekasi.

Iruruputo 26:19

“Sokale avo inio, Aikovakova Aqiripa ṉa, aṉata pui aba bikoirike koa kelokelozato aukale azo ko kuevima aṉa kasi.

Iruruputo 3:19

So sole meta liliziomo vo Baṉara kasi nio vota ota mela akoekou meko sarueko poso.

Iruruputo 9:15

Nio vo Lekasa ta eri kiolake vokasi, “Ola, ako aṉata a bitoeva vo tu vota ola nabuluputou aṉa sole, tu vota omai baroekikou aṉako bazu se pui Jiu amu ni seko aikovakova poso, ni se Izireli amu.

Iruruputo 9:35

Ni kiadamu Lida peuru kale ni Saroni keta kale ama peuru poso kale ke evani ta ke veake vo, ni seta ke liliziake Lekasa kasi.

Romu 2:4

Ṉo ṉoqai keduani ṉa voko matuma roquano, ni kaitizio, ni inobe, ta tuvevo avole ṉota pui ṉoqai nianiia vo Baṉara ko roqueṉo ṉo ta vota obe madoe odieṉo ṉo tu o liliṉo, kio?

2 Koriniti 3:16

Melai so keru seke lilitou keru vo Lekasa Jisu kasi seta ke paqumukou ko vairu ama leveleveo, omadeuvo Mosese kota va bazutani jari ko Tabu ama Riki: “So keru Mosese o vaite keru tu o vati pesio vo Lekasa Baṉara tepe pade kale vota o ivikake koa suma voko loilo topi ama,” kikolani.

2 Koriniti 7:10

Ako koa duki vo Baṉara o erekako ikio ko besiekako meko bulo ni ko odiemelako pakio kale, ni meta pui upotuqu meba kai elou koa duki vo Baṉara o melai pakiekako me! Melai vo pui o tuvevo putani maba ko duki ta pui ko besieka voko bulo ni kota ko odieva vo noqola kama tolailo kale.

Epesasi 4:17

Vo Lekasa Jisu ko ṉikale aṉata a melai bazueka komi quli, ni a balauvimela, tu meta pui mata me dova luluekou se pui ke tuvevo putani ko saevo jari ama saevo. Ako seko kerukeru ta utube ama sole,

1 Tesalonaika 1:9

Kiadama sea maba poso ta ke kaseka meko ṉeamuṉelo eṉe so keru eṉe ṉe joipimele keru me, ni meko ṉamuko meko beku poso tu mevai nabuluputou vo tuvevo ala ni saevola Baṉara,

Kelokelozato 16:11

ni seta ke ruqe kasevake vo aukale ala Baṉara seko potu poso ni seko tola kale avo. Melai seta keta lupaoke lilizio seko sarusaru ama kalo kale azo.

Kelokelozato 2:21

Aṉata lula a qatika ko taku tu kota ko lilizio koko ruqe kale azo, melai kota pui koka zaria lilizio koko pauvezato ko iruruputo kale azo.

Kelokelozato 2:5

Kerukeruekomo meko roquelo koko okate sai me lula me biavekoi kazo! Liliziomo koa meko sarueko kale azo, ni meta kamo kuleto me qaevo jari. Ako meta pui me liliziovou meko sarueko kale azo inio aṉata a melai kilou nio me tamela kovole meko juke ko papupapu sai koko zaekale azo.

Kelokelozato 3:3

So sole kerukeruekomo koa nianiiekato ko me lula me viqema ni me ṉeamukema. Meta zorikomo ko ni liliziomo meko sarueko poso kale azo. Ako meta pui me doiratou nio aṉata ota podolo kilo a melai elou vo kuilokuilo ala maba jari, ni meta maba pui meba kai nianiiovou koa taku so keru aṉa a qilou keru mekasi sole.