Iruruputo 26:18 - BAṈARA KO VAIRU AMA LEVELEVEO

¹⁸ Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Iruruputo 26:18 교차 참조

Matiu 4:10

Melai vo Jisu ta o vati tiorikake ni eri va kiolake, “Ose, Setani! Ako ko Tabu ama Riki kikolani ta eri nio sole, ‘Ilusiva vo Baṉara vo ṉovo Lekasa ni va nabulupute vo o kiada!’” kiolake.

Matiu 4:16

Meme jaevani mela kutumana kale ta me qelou ko aqasiele ama zakaremu, me mebeta evani mela vou ko kutumana kale ko melai talolou ko zakaremu,” ka kiovema.

Luke 1:77

tu bazuemo voko maba poso ta ke pakiovou, seko sarueko poso tama akoilo kale.

Luke 1:79

ni vota omai talou kiadamu seke evani vou ko kutumana kale ni vou ko ṉalo kale tu vota o odiemelo kiadama animeko tamuto poso kale bule ama keve tona,” kiolake vo Zekaraia.

Luke 2:32

Vota kala zakaremu tu kasa o ikou ṉoko vatolo kiadama peuru ma peuru kale ama qoqono poso kasi ni vota o kati kilou ko ṉaṉaidara ṉoko mabamu Izireli mu kasi!” kiolake.

Luke 24:45

Nio vota oma veukake seko kerukeru tu seta ke paqumuke Tabu ama Riki poso kikolani,

Luke 24:47

ni voko ṉikale inio lilizio ni sarueko ko akoezato ko bazu ta ko kaseilou, Jerusalema ko tanitou ti kobeta barou kiadama peuru ma peuru kale ama qoqono poso kasi.

Luke 4:18

“Vo Baṉara vo Tabu ala Auvana ta aṉa tona, ako vota lula o pitoele aṉa tu aṉata aqai bazubazutou ko Uri ama Bazu se ozaoza kamu kasi. Vota lula o soroele aṉa tu aqai bazutou ko rupasio se piripiri amu kasi, tu se leqa kamu ta ke keazatou ni ke rupasio seke niumaniumaivani,

Jone 17:17

So sole ṉota ṉo ṉaviko madu ima se ṉoko tuvevo ama bazu kale, ako ṉoko pesio ta tuvevo ama sole.

Jone 3:19

Nio eri nio koa titizato: vo zakaremu ta o kuevi komia peuru ma peuru kale, melai se maba madu ta ke matu roqueke ko kutumana voko zakaremu kasi azo, ako seta boutare samu sole.

Jone 4:10

Nio Jisu ta o kati tiorikake, “Ṉota ṉoqai nianiia vo Baṉara oka zariako katiṉo ni ṉota ṉo nianiiela aṉa ju aṉai pasekani lala tea, ṉota ṉolai paseko inio aṉa, ni aṉata a qatiṉo inio ko saevo ko ju,” kiolake.

Jone 4:14

melai vo o nozueko ala koa ju ko aṉa a qativo ama vo ta ko koilou vuolovuolo jari vo tona kiada keru ni ko kativou ko noqola kama saevo,” kiolake.

Jone 8:12

Ni Jisu ta mata eri kiolake sea maba madu kasi, “Aṉata peuru ma peuru ko zakaremu lala. Vo o luluelo ala aṉa ta o ṉeamukou ko saevo ko zakaremu ni vota pui opa taliovou kutumana kale,” kiolake.

Jone 9:39

Nio Jisu ta eri kiolake, “Aṉata a quevi peuru ma peuru kale korotato sate, tu se leqa kamu ta ke keazatou, ni seke keazatani ta leqa ke elou,” kiolake.

Jone 9:5

Ana peuru ma peuru abeta eva keru ta aṉa inio peuru ma peuru ko zakaremu lala,” kiolake.

Iruruputo 10:43

Kiadama poropita madu ta kevai bazute vo, ni ke kaseke ta sea kiadamu seke tuvevo puevo amu vo ta kota ma akoilou seko sarueko poso vo Jisu kale kude,” kiolake.

Iruruputo 13:47

Ako komi kio koa bazu vo Baṉara eqe lula o katiqelema ko eri kikolako, ‘Aṉata lula se pui Jiu amu ko juke jari a iṉe ṉo tu peuru ma peuru kale amu ta ke pakiovou,’ kikolako,” kiqolake.

Iruruputo 15:9

Vota pui edolovoa puariko opa eve anime kasi ni sekasi, ni vota ota ma akoekake seko sarueko poso ako seta ke tuvevo putake sole.

Iruruputo 2:38

Nio Pita ta eri kiolake sekasi, “Mea kiada mela ta liliziomo muli meko sarueko poso kasi azo ni bapitaiso puimo vo Jisu Karisito ko ṉikale, nio meko sarueko poso ta kota mela akoilou; ni meta me qovou vo Baṉara ko katizato, vo Tabu ala Auvana.

Iruruputo 20:21

Aṉata amai matu titiake se Jiu amu ni so jari pui Jiu amu tu ke lilizio seko sarueko kale azo ni ke tuvevo puevo vo Lekasa Jisu.

Iruruputo 20:32

“Ni erisaṉa aṉata a vaemela me vo Baṉara ko vailo kale tu voko tauvezato sama roquano ko bazubazu ta ko melati vailou me, ni ko pizatimelou me ni ko katimelou me koa reketekete vo Baṉara oma inainaekake kiadama voko tabu ama lotu maba poso.

Iruruputo 26:19

“Sokale avo inio, Aikovakova Aqiripa ṉa, aṉata pui aba bikoirike koa kelokelozato aukale azo ko kuevima aṉa kasi.

Iruruputo 26:23

vo Baṉara o soroevani Pakio ta o vouvou ni vo inio kuleto ala maba vo o saevo ala voukale azo, tu o katimo ko pakio ko zakaremu se Jiu amu ni pui Jiu amu,” kiolake.

Iruruputo 3:19

So sole meta liliziomo vo Baṉara kasi nio vota ota mela akoekou meko sarueko poso.

Iruruputo 5:31

Baṉara ta o koivievo vo voko palo rana vasi tu Vilua pikopiko ni Pakio o elo, tu o katimo ko taku se Izireli amu tu ke lilizio ni ke kovo seko sarueko ko akoezato.

Romu 8:17

Animeta voko meqora poso mela, sole animeta me qovou koa mauruto ko lula vo o inainaekema voko maba madu kaqe, ni animeta me ṉeamukou vo Karisito sase ko quli ko lula vo ova inainaekema quli, ako animeta meqai zomana vo Karisito ko tola, sole animeta me zomanou voko ṉaṉaidara kale.

1 Koriniti 1:2

mea Baṉara ko lotu qoqono me Koriniti peuru kale me evani mela kasi, mea kiada mela meko omadeu vati elo vo Karisito kale lula Baṉara ko tabu ama maba poso me evani mela, omadeuvo sea kiadamu komia peuru ma peuru kale amu seke ilusivani vo Jisu Karisito, animea kiada mela vo Lekasa.

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

2 Koriniti 4:6

Voa Baṉara vo eri kioveni “Zakaremu ta ko talolou kutumana kale!” kioveni, vo inio voa Baṉara vo o taloekikeni voko zakaremu eṉeko kerukeru kale, tu ṉe baqumuko vo Baṉara ko ṉaṉaidara eṉe ṉe qerukerueva keru vo Karisito, omadeuvo se Izireli amu ta ke paqumukake jari koa ṉaṉaidara seke keve keru vo Mosese ko loilo.

2 Koriniti 6:14

Meta pui omadeu iruruputo mati elo se pui ke tuvevo puevani vo Karisito. Noi nio kimela me; ko sidopu ni ko sarueko ta omadeu elo ko elou, kio? Ni ko zakaremu ni ko kutumana ta ko lolopareovou, kio?

Qelesia 2:20

ni erisaṉa aṉata pui aqai saeva a ṉaviko saevo melai aqai saeva vo Karisito ko saevo vo o saevani aṉa tona. Ni aṉako erisaṉama saevo kale aṉata avai oqua vo Baṉara vo Meqora vo o roqueleni ni ola vovini aṉa.

Qelesia 3:14

Ni vo Karisito ta soa mela vou o mela eve tu vo Baṉara ko mauruto Ebarahami kasi leveleveo o ikema ta ko barolo se pui Jiu amu kasi vo Jisu Karisito kale kude. Ni so inio animeta me voa vo Baṉara leveleveo o iveni Tabu ala Auvana animeko vai oqu kale vo Karisito.

Qelesia 3:2

Sole meta lai bazuekomo aṉa: nonia vovo inio me eve me vo Tabu ala Auvana? Meta me voe voa Tabu ala Auvana meko lulueko kale Mosese ko Bazu, kio? Maba pui! Melai meko vovo vo Tabu ala Auvana ta meko viqo ni kai oqu kale vo Jisu ko Uri ama Bazu.

Epesasi 1:11

Ni vo Karisito kale inio animeta me bitoi tu vo Baṉara ko maba poso me elo. Vo Baṉara ta lula o vatoeke tu animeta voko maba poso me elo, ako so inio vo oka zariani sole. Ako o ṉavi Baṉara inio o korotikani kiadama quli o ṉaviko vatolo kale sole.

Epesasi 1:14

So sole voa Tabu ala Auvana ta leveleveo ko mamola anime kasi. Vo inio kasa o mela ikani ta animeta me qovou vo Baṉara leveleveo o ikema o ṉaviko mabamu kasi. Ni komi kale inio tuvevo me ikou vo Baṉara ta o maba rupasimou o ṉaviko maba madu. So sole animeta mevai ilusiko voko ṉaṉaidara!

Epesasi 1:18

Ni aṉata a melati vararaita, tu vo Baṉara ta zakaremu o mela ikou voko tuveano. So inio meta meqai keruvou meko kovo ko uri ama quli vo Baṉara leveleveo o mela ikema tu vota o katimelo. Ni so inio mata meta meqai nianiiovou koa mauruto vo Baṉara leveleveo o ikema voko maba madu kasi koa aqasiele ama ni ṉaṉaidara kama.

Epesasi 1:7

Matu aqasiele ama vo Baṉara ko pakiezato sama roquano, ako vo Karisito ko voukale inio animeta me rupasiovi sole ni ota mela akoeke animeko boutare.

Epesasi 2:8

Ako vo Baṉara ko pakiezato sama roquano kale inio animeta me bakiovi animeko oqu kale. Ni kota pui me ṉaviko pizato kale inio kopa erei, ni pui animeko iruruputo kale, melai kota vo Baṉara ko puaro ikio, so sole puliala ta opa kai aikailou.

Epesasi 4:18

ni seta pui ke paqumuka ni pui ke mamura ako seta pui kekai zaria didiano sole. So inio seta pui kepa kovou koa saevo vo Baṉara okai zariako katimo.

Epesasi 5:11

Melai meta pui me erekou ko quli se kutumana kamu ke erekako quli, ako ko quli ta pui ko tauvezatako quli sole. Melai erekomo uri ama quli tu kasa ko iko se kutumana kamu ke erekako quli ta sarusaru ama.

Epesasi 5:14

Ni koa kiadama quli ko uria kasa ko evako quli ta zakaremu kota eva. So inio komi kikolani ta eri: “Toirate ṉo maroṉani ṉa! Ni saeve voukale azo, nio Karisito ta zakaremu o elou ṉokasi.”

Epesasi 5:8

Ako koko paloasako taku kale meta kutumana kamela, melai erisaṉa meta animevo Lekasa ko zakaremu kalea mela. Ako ko zakaremu ikio ko kati kuevi sole kiadama uri ama ni sidopu ama ni tuveano sama kalo. So sole meta saevomo se zakaremu ko maba poso ko malezikako saevo kale.

Epesasi 6:12

Ako anime me qati pazokiniako ta pui tupu kale ama sole, melai anime me qati pazokiniako ta vo Setani ko ruqe ama lekasa puo kale ama ziolo aukale ko evako, komia kutumana kama peuru ma peuru kale ko lekasa puako ruqe ama pizato poso.

2 Timoti 2:26

Nio seta ke mamurou ni ke soqoilou vo Setani ko sipata kasi azo, vo erisaṉa o piriemani se ni o zuruzuruemani tu ke zoriko voko vatolo.

Hiburu 10:10

Ako Karisito ta o ereke Baṉara oka zariovima quli tu vota o ereko, ni voko tupu ta siqasiqa ko evake omadeu taku ko malezikako kiadama taku tu animeta bulebule me elo.

Hiburu 10:14

Omadeu pado siqasiqa ko kiada kale vota noqola sidopu o imake se lula bulebule ke evani seko sarueko kale azo.

Hiburu 11:6

Puliala maba ta o rovea zolevo vo Baṉara oqu pide ala, ako vo oka zariani kilo Baṉara kasi ta o tuvevo puevou vo Baṉara ta inevoana, ni o tuvevo puekou ta vota reketekete saṉa o imani seke vailivani vo.

Hiburu 9:15

Sokale avo inio vo Karisito o lojoani Baṉara ni maba ko tiania, ta o ereka ko vairu ama leveleveo tu vo Baṉara o pitoemeni maba poso ta ke kovou koa uri ama quli vo Baṉara lula oma inainaekako tu o katimo se tu seta noqola ṉeamuko ke elou. Komi quli ta kota ereilou ako Karisito ko voukale se maba poso ta ke rupasiovi ruqe ama quli kale azo seke erekema seko lulueko kale kuleto ama leveleveo.

Jemisi 2:5

Lolo poso, me a roquemelani mela, meta viqomo! Vo Baṉara ta lula o pitoema se peuru ma peuru kale ama ozaoza kamu tu seta piza kama oqu saṉa ke elo ni jiku ke iko vo Baṉara oma inainaekako quli voko lekasa puo kale seke roquevani vo.

1 Pita 1:4

So sole animeta meqa zuata Baṉara ko mauruto o maba poso mela ko ka kiovema. Ni Baṉara ta obe kati vaila me kaqe komia mauruto aukale, ni kota pui kopa sapeovou ni pui kaqa kopa elou ni pui kopa taka besiziovou koko ileile.

1 Pita 2:25

Ni lula meta omadeuvo ko mumamuma kama sipi jaria mela, melai meta lula me vaita tu me luluevou vo Jisu, vo o melati vailani me omadeuvo vo vailo ko maba ta o kati vaila jari voko sipi poso.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.

1 Jone 1:9

Melai animeta meqai eraeraovou animeko sarueko vo Baṉara kasi, nio vota ota mela akoekou. Vota kerula kala sole animeta me rovea vai keru vo, ta vota o mela erekou sidopu ama quli: vota bulebule o imelou kiadama animeko sarueko me erekako kale azo.

1 Jone 2:12

Aṉata a mela rikita me, a meqora poso mela, ako meko sarueko ta kota mela akoiva sole vo Jisu Karisito ko kio kale.

1 Jone 3:8

Ako vo Setani inio o saruekeni koko tanitanila keru azo, ni vo obeta ziovo ala ereko ko sarueko ta vota vo Setani vo maba inio sole. Melai vo Baṉara vo Meqora ta o kuevi niumaekole vo Setani ko iruruputo.

1 Jone 5:19

Vo Setani ta okai lekasa pua komia pado ama ruqe ama peuru ma peuru, melai animeta meqai nianiia ta animeta vo Baṉara ko mela.

Jiudi 1:1

Aṉata Jiudi lala, vo Jisu Karisito vo nabulu, ni Jemisi vo visi lala. Aṉata a rikieka komia leta mekasi vo Baṉara lula o nokaemelani mela kasi, me animevo Mama Baṉara ko roquano kale ni Jisu Karisito ko vailo kale me evani mela.

Kelokelozato 21:27

Melai puliama kuna kama quli ta kopa amaqeovou koa matu peuru kale, ni puliala vo o erekani ko qurato sama quli ni vo o lipalipatani. Se lula kota ma rikiziovini seko ṉi poso vo Sipi Meqora ko noqola kama saevo samu ko ṉi ko buka topi ko kiada inio ke amaqeovou koa matu peuru kale.