Iruruputo 26:11 - BAṈARA KO VAIRU AMA LEVELEVEO

¹¹ Kubo taku ta aṉa inio a lipilipiteni lala animeko ilusato ko pade poso kale koqotaemelo se, ni aqa zariani lala zuzuemo tu seta keta ka zolio seko oqu. Aṉata amai matu iqaike se so sole aṉata a qeveni lala edoloma peuru poso kale pui Jiu ama peuru poso kale tu sai melai a naquemo sea pitasa maba madu.

Iruruputo 26:11 교차 참조

Matiu 10:17

So inio meta me balauvou, ako kake maba poso ta ke melati ziovou sole me titizikinio kale, ni ke pazomelou seko ilusato ko pade kale.

Maka 13:9

“Ni meta me ṉavi nio me balauvou. Ako seta ke noqoemelou, ni ke melati ziovou titizikinio kale ni seta ke pazomelou ilusato ko pade kale ni ke lojoemelou me se Lekasa poso ni Qavuna madu ko tanama kale, ni so inio meta meqai bazutou ko Uri ama Bazu sekasi.

Maka 3:28

Aṉata a bazuemela me, vo Baṉara ta ota roveovou tamela akoeko meko boutare poso, ko meme erekako, ni ko ruqeruqe ama pesio ko meme rukuekako.

Luke 15:17

Ni koko tova inio vota o tova kerukerutake, nio eri kiolake, ‘Kei, kiadama a mama ko nabulu poso ta matu kubo sailao samu, melai aṉa koi ta luapole sipole ada vouvou!

Luke 21:12

Ni puliako koa kiadama quli elo nio se maba madu ta ke kilou ni ke noqoemelou me ni ke niumaniumaemelou me, ni seta ke melati ziovou titizikinio kale ilusato ko pade kale ni seta ke vaemelou me pirito pade kale. Ni seta ke melati ziovou me se aikovakova poso ni qavuna ko matuma maba poso ko kuleto ako meta aṉa me luluelani mela sole.

Luke 6:11

Melai sea tanatanamu ta keta matu korakoraivake, ni seta kekai pesipesitake se kevai ereko ama quli vo Jisu.

Iruruputo 13:45

Nio so keru se Jiu amu ke kea keru ko matuma padopadoilo sai, inio seta keta matu konoivake, ni pesipesi saṉa ke ikake vo Paula o kasekema quli, ni ke ruqe kasevake vo.

Iruruputo 18:6

Melai seta ke vati bikoirikake ni ruqe kasevo ke evake vo, so sole vota o zavarukake voko sabosabo tu ota ka ṉamuko ko vuruvuru ko topi ama tu kasa oma iko seko bikoirivo vo Baṉara, ni eri kiolake sekasi, “Vo Baṉara ta o koqotaemelou me heli kale tea, me ṉavi me inio meko koqotailo ko raki mela! Ako aṉata lula a ereka aṉako sake mekasi sole aṉata pui aba kai kuiriziovou meko koqotailo. So sole erisaṉa azo aṉata a ziovou ni a bazubazutou se pui Jiu amu kasi,” kiolake.

Iruruputo 22:19

Ni aṉata a opatake, ‘Lekasa, seta kelai uria nianiia aṉa ta aṉa inio a qeveni lala Jiu amu ko ilusato ko pade kale ni a noqoeme, ni a bazomeni lala seke tuvevo pueṉani ṉo.

Iruruputo 22:5

Ṉisa Siama ni koa pado ama Kauniseli madu ta ke rovea tuvevo pueko aṉa kialani ko tuveano. Aṉata ada ma koe se kama zariekato sama leta koko soroima se Jiu amu kasi Damasikasi ke evani. So sole aṉata a olake sai tu aba noqoemo sea maba poso seke luluekani koa vairu ama lotu ko keve tu mati vaito koi Jerusalema piriemole se ni koqotaemole se.

Iruruputo 9:1

Ni koa taku kale inio Saula ta obeta olake ereko ko ṉavaṉavato sama pesio tu o vouvaemo vo Lekasa ke luluevani. So sole vota o olake Ṉisa Siama kasi

Jemisi 2:7

Se batiro amu inio ko se, seke ruqe kasekani vo Jisu ko raura kama ṉi ko lula ko katiziako mekasi.

2 Pita 2:16

Ni vo doqi ta biaṉa inio pui o pesiani melai vo inio maba jaria pesio ota evake ni ovai bazuekake Beilami ko sarueko ni ota va dokolikake voko sarube ama vatolo.