Iruruputo 25:12 - BAṈARA KO VAIRU AMA LEVELEVEO

¹² So sole vo Fesitasi ta o mati pesipesitake voko maba poso saita inio eri kiolake, “Ṉota ṉoqa zaria zio Matu Aikovakova kasi tu vota o vatoeṉo voko titizato kale kiṉola, sole uri tu ṉota ṉo ziovou vo Matu Aikovakova kasi,” kiolake.

Iruruputo 25:12 교차 참조

Matiu 22:17

Sole ṉota ṉela bazueka ṉoko kerukeru. Uri kio ko anime Jiu mu mela ta me buariko animeko takisi Romu ala Matu Lekasa kasi, ma pui? Noni kikola animeko Bazu?” kikelake.

Iruruputo 19:21

Ni ko quli poso ko ereilo ko tova inio Paula ta o vatoeke tu o zio Masedonia ni Akaia ranama peuru poso kale ni soa beta zio Jerusalema. Ni eri kiolake, “Sai a ziovou saita, inio Romu peuru melai aba soipikou,” kiolake.

Iruruputo 23:11

Ni koa ipu kale inio vo Lekasa Jisu ta o lojoake Paula ko sipole ni eri va kiolake, “Pui ṉalo! Ṉota lula ṉolai bazubazuta aṉa koi Jerusalema peuru kale, ni ṉota mata soa bazubazuto ṉolai elou Romu peuru kale,” kiolake.

Iruruputo 25:11

Aṉata lula a bazoka Mosese ko Bazu ni a ereka kama quli koko reketekete ta vou aqai toraeko ama tea, aṉata pui aba pasetou tu ada ka soqoilo ko. Melai se kelai kuirikako quli aṉa ta pui nio tuvevo ama ka kinola, sole puliala ta o zarizia vaelo seko ṉase topi. Aṉata ava zaria vo Romu ala Matu Aikovakova tu vota o vatoelo aṉa voko titizato kale,” kiolake.

Iruruputo 25:13

Ni kama ṉaniu poso ko tova inio Aikovakova Aqiripa ni Benisi ta qo kuevake Sizaria tu qopa zolevo vo Fesitasi nioqako soipivo kale vo kiqolake.

Iruruputo 25:21

Melai Paula ta o pasetake tu vota o kovou ko titizikinio Romu ala Matu Aikovakova kasi tu vo inio ova pitasikou koa aivekinio vo ni seko kiolake. So sole aṉata a bazuevake vo tu vota obeta elo koa vailo kale ti kobeta barolou aṉa a roveovou keru soroevo vo Romu ala Matu Aikovakova kasi,” kiolake.

Iruruputo 26:32

Nio Aqiripa ta eri kiolake Fesitasi kasi, “Nea maba ta ota roveo nio rupasio, pui opa pasetala tea tu o zio Romu ala Matu Aikovakova kasi,” kiolake.

Iruruputo 27:1

Ni so keru seke vatoeka keru tu eṉeta ṉeda pakeo vaka kale Itali, inio Paula ni mata kake maba poso pirito pade kale ke evani ta ke vaemake kala Romu ala sirula ko ṉase topi, Juliasi o ṉi sala. Vota kala pado vo “Romu ala Matu Aikovakova ko Vaki Poqala” kale ala.

Iruruputo 28:16

Ni so keru eṉe ṉe baroa keru Romu, seta ke zarievake vo Paula tu vota o elo kala pade kale kala solodia ko vailo kale.

Pilipai 1:20

Ni aṉako omele ama zario ni aṉako matuma tuvevo puto kale aṉata pui zara aqai elou aṉako omadeu vati elo vo Karisito, melai kiada keru aṉata a zaubariovou. So inio abe vouvou melai abe saevou melai aṉata a rauraevou vo Karisito.