Biblia Todo Logo
온라인 성경

- 광고 -




Iruruputo 25:11 - BAṈARA KO VAIRU AMA LEVELEVEO

11 Aṉata lula a bazoka Mosese ko Bazu ni a ereka kama quli koko reketekete ta vou aqai toraeko ama tea, aṉata pui aba pasetou tu ada ka soqoilo ko. Melai se kelai kuirikako quli aṉa ta pui nio tuvevo ama ka kinola, sole puliala ta o zarizia vaelo seko ṉase topi. Aṉata ava zaria vo Romu ala Matu Aikovakova tu vota o vatoelo aṉa voko titizato kale,” kiolake.

장을 참조하십시오 복사




Iruruputo 25:11
17 교차 참조  

Melai Paula ta eri kiolake nioqako omuqa nabulu kidi kasi, “Puliako nioqa titiziqelo eqe inio nioqata qo pazoqelala sea kiadamu ko ubutiania, ni eqeta Romua qela inio! Melai nioqata qo soroemala ni ke vaeqelala pirito pade kale. Ni erisaṉa ta nioqata qo qelai zaria eqe tu nioqata qo soroeqelo eqe moizavole. Eqeta maba qe lupa so! Qo ṉavi Romua nioqa titizato ko maba kidi qo kilo tu qopa saqoriqelo koi kazo,” kiolake.


Nio Paula ta oka zariake tu mati tioriko se melai Qalio ta eri kiolake se Jiu amu kasi, “Komi ta kama ruqe ama quli ma kama sarueko ta lula ko ereiva ta a qea tea, aṉata ada mela lulueko inio me Jiu amu mela kimelani.


Melai so keru se lula ke titieva keru vo tu ke sisiparuevo kikela keru, Paula ta eri kiolake vo sai obeta lojoani sirula kasi, “Ko Romu ama bazu ta ko zariemela me tu meta me jisiparuevo kala maba ko Romu ama bazu ko pizato sala vo ṉisa Romu ala jari ala, vo pui nio me vati olani titizato kale tu keta va kelo voko saruilo, kio?” kiolake.


Nio Paula ta eri kiolake, “Aṉata abeta lojoa vo Romu ala Matu Aikovakova ko titizato ko zaekale, sai aṉa a malea koi tu a vatoilo. Aṉata pui a erekani lala kama sarueko se Jiu ama tanamu kasi, ṉo ṉavi melai ṉobe kai uria nianiia.


So sole vo Fesitasi ta o mati pesipesitake voko maba poso saita inio eri kiolake, “Ṉota ṉoqa zaria zio Matu Aikovakova kasi tu vota o vatoeṉo voko titizato kale kiṉola, sole uri tu ṉota ṉo ziovou vo Matu Aikovakova kasi,” kiolake.


Melai Paula ta o pasetake tu vota o kovou ko titizikinio Romu ala Matu Aikovakova kasi tu vo inio ova pitasikou koa aivekinio vo ni seko kiolake. So sole aṉata a bazuevake vo tu vota obeta elo koa vailo kale ti kobeta barolou aṉa a roveovou keru soroevo vo Romu ala Matu Aikovakova kasi,” kiolake.


Melai aṉata pui a rovea tava kelo kama quli vou ko male ama tu vota o vou. Vota lula o erekala voko paseto tu vota o ziovou Romu ala Matu Aikovakova kasi, ni aṉata lula a vatoeka tu a joroevo.


Nio Aqiripa ta eri kiolake Fesitasi kasi, “Nea maba ta ota roveo nio rupasio, pui opa pasetala tea tu o zio Romu ala Matu Aikovakova kasi,” kiolake.


Melai se Jiu amu ta pui kekai zariake ko, Sokale avo inio aṉata a basetake a ṉavi tu aṉata a zio Matu Aikovakova kasi titizato kale, rouka aṉata pulia quli aba mai kuirikou a ṉaviko kuniale amu melai.


seke vouvaeveni vo Lekasa Jisu ni se poropita madu, ni eṉe ke niuma-niumaeṉeleni. Seta maba pui ke zoleva vo Baṉara. Ni seta ke kanaekimani kiadama maba poso.


우리를 팔로우하세요:

광고


광고