Iruruputo 25:10 - BAṈARA KO VAIRU AMA LEVELEVEO

¹⁰ Nio Paula ta eri kiolake, “Aṉata abeta lojoa vo Romu ala Matu Aikovakova ko titizato ko zaekale, sai aṉa a malea koi tu a vatoilo. Aṉata pui a erekani lala kama sarueko se Jiu ama tanamu kasi, ṉo ṉavi melai ṉobe kai uria nianiia.

Iruruputo 25:10 교차 참조

Matiu 27:18

Ako Paelati ta obe kai uria nianiia ta seko va konoilo kale inio se Jiu amu ko tanatanamu ta ke vati keve vo Jisu vokasi sole.

Matiu 27:19

Nio so keru vo Paelati obeta papua keru voko titizato ko papupapu topi, voko reko ta ko soroekake ko bazu vokasi ni eri kikolake. “Ṉota pulia quli ṉo erekou voa sidopu ala maba kasi, ako aṉata a uloitivala vo raisi ipu kale, ni koa uloito ta ko niumaekala aṉako kerukeru sole,” kikolake.

Iruruputo 23:29

Aṉata aqai potoake ta vota pulia quli opa ereke ko malezikako tu o vou ni pirito pade kale ivo, melai vo kuiripato saṉa kevai ikema ta ke ṉavi seko bazu ko kio kale avo ikio.

Iruruputo 25:17

Ni so keru seke kue keru koi, aṉata maba pui a daruanake melai maba koko raneo kale ala ṉaniu kale inio aṉata a daniekake ko titizato ni aṉata a bazuemake aṉako maba poso tu ke amaqivo voa maba.

Iruruputo 25:25

Melai aṉata pui a rovea tava kelo kama quli vou ko male ama tu vota o vou. Vota lula o erekala voko paseto tu vota o ziovou Romu ala Matu Aikovakova kasi, ni aṉata lula a vatoeka tu a joroevo.

Iruruputo 25:6

Ni Fesitasi ta o evake se sate sai siotolu ma toni ṉaniu sai kazo inio vota ota olake Sizaria peuru kale. Ni koko raneo kale inio okai papuake voko titizato ko papupapu ni vota o bazuemake voko maba madu tu ke amaqivo vo Paula.

Iruruputo 26:31

Ni seke saqora keru seta keta pesipesitake ke ṉavio kude ni eri kikelake, “Nea maba ta pulia quli o ereka tu vota o vou ma vaevo pirito pade kale,” kikelake.

Iruruputo 28:18

Ni aṉako kuimakuimaelo ko tova inio se Romu amu ta kela zariake rupasilo aṉa, ako ke keake ta aṉata puliama sarueko aba ereke ko vou ko malezikako sole.

2 Koriniti 4:2

So inio eṉeta pui ṉeqai bazubazutani ṉela kakoi kazo ko kuevako keve poso, eṉeta pui ṉe ubeubemani ṉela se maba poso tu ke tuvevo puto eṉeko roverove ama pesio kale ni eṉeta pui edolovo ṉe ikani ṉela vo Baṉara ko bazu. Eṉeko zakaremua kai bazuto kale ko tuveano vo Baṉara ko tanama kale eṉeta ṉe duvevo puiva kiadama maba madu ko bulo kale ama kerukeru kale.