Iruruputo 24:5 - BAṈARA KO VAIRU AMA LEVELEVEO

⁵ Eṉeta lula ṉevai potoi nea maba ta vota matu ruqe meomeo kala maba, ni o taniekani ko ṉiṉoreo ko ikirato se Jiu amu kasi peuru ma peuru kale ke evani, ni vo inio kala pado se Nazareti ama poqala ko kuleto ota ka evani.

Iruruputo 24:5 교차 참조

Matiu 10:25

So sole vo o sikuluputani ta ota zoleilou, ruqe ke ivou ma uri kebe ivou melai, omadeuvo vovo nianiiekato ko maba ke ivani jari, ni vo nabulu ta ota zoleilou, ruqe ke ivou melai, omadeuvo vovo lekasa ke ivani jari. Sea maba poso se kelai kaikuapani aṉa inio kelai nokaeka aṉa Setani aṉa mevo odikato ko maba lala, sole me aṉako maba poso mela ta ke melai kuirikou matu ruqe ama ṉi meko kana madu.

Matiu 2:23

Nio vota Nazareti peuru kale o evake, tu vo Baṉara kiovevo se poropita madu kale kude ta tuvevo ko elo, ko eri kikovema, “Voa Pakio ta Nazareti ala o elou,” kikovema.

Maka 1:24

ni eri kiolake, “Nazareti ala Jisu ṉa! Noni ṉo iṉelo kinola inio? Ṉo queva koi tu niumaeṉelole eṉe kio? Eṉeta lula ṉeṉai nianiia ṉo ta ṉota vo Baṉara vo Tabu ala Maba ṉa vo o soroeṉeni ṉa inio!” kiolake.

Luke 23:19

(Voa Barabasi ta o evake pirito pade kale ako vo ni voko vaki ta ke ereke ko niumaniumato ni pazokinio Jerusalema seko vati pikipikinio puto kale vo Romu ala Qavuna, ni vota kala vouvato ko maba sole.)

Luke 23:2

sai se kevai utu tanitekoi kuiripato saṉa ivo vo Jisu ni eri va kikovekoi, “Lula ṉe vea nea maba ta o saruema odiemo animeko maba madu, vota o naquema tu seta pui ke tabariko ko takisi vo Romu ala Matu Lekasa kasi ni o kaseka ta o ṉavi nio voa Pakio vo Baṉara o soroevani, ni vota kala aikovakova inio kiolani,” kikelake.

Luke 23:25

Ni vota o rupasivake voa maba se keva zariovini, vo lula pirito pade kale ke vaeveni voko niumaniuma ni vouvato kale avo, ni vota o vaevake vo Jisu se solodia madu ko ṉase topi tu ke vati lulueko se Jiu mu keka zariani ivo vo.

Luke 23:5

Melai seta kevai matu titiake vo Paelati ni eri kikelake, “Voko nianiiekato kale inio ko niumaniumato ko kerukeru ta lula ko tanita kiadama maba kasi se Jiudia peuru poso kale ke evani maba poso kasi. Vota o tanieke Qalili peuru poso kale ti obeta baroa koi vairutu,” kikelake.

Iruruputo 15:5

Melai kake Parese madu se lula ke tuvevo putani ta ke lojoake ni eri kikelake, “Se pui Jiu amu ta maba ke moveilo ni ke bazuilo tu ke zoriko vo Mosese ko Bazu kikolani,” kikelake.

Iruruputo 21:28

Ni eri kikelake matuma kora kale, “Me Izireli amu mela! Tauveṉelomo! Nea maba inio vo o erekani ko nianiiekato kiadamu kasi kiadama zae poso kale tu o kapakapaemou se Izireli ama maba poso, ni vo Mosese ko Bazu, ni komia Jelepade. Ni erisaṉa ta vota mata o mati kue se pui Jiu amu Jelepade ko poro kale ni seko kapakapato ta lula sarosaroro ko ikala komia tabu ama pade!”

Iruruputo 22:22

Ni se maba poso ta ke didievake vo Paula melai voko kaseko kale voko soroilo se pui Jiu amu kasi, kokale inio seta ke taniekake matu upaupato, “Vouvaevomo vo! Pui o male tu vota o saevo!” kikelake.

Iruruputo 24:14

Aṉata aqai eraeraova komi quli ṉokasi: aṉata a ilusiva vo eṉeko taite poso vo Baṉara ko se lipalipa kama keve ka kikelako kale. Melai aṉata a duvevo puekani lala kiadama riki poso kale ama quli vo Mosese ko Bazu kale ama ni se poropita madu ke rikiekema buka poso kale ama.

Iruruputo 24:4

Aṉata pui aṉa zaria ṉo tu a jairokiṉo, Sokale avole aṉata a baseṉa tu ṉoko uri kale ṉota taṉela viqe eṉeko puju ama pesio.

Iruruputo 25:7

Ni so keru Paula o baroa keru sai, nio se Jiu amu seke kuevini Jerusalema azo ta ke levoevake tava lojo voko levoano ni ke taniekake ereko ko matuma kuiripato vokasi, ko pui ke roveako kasa taka iko koko tuveano.

Iruruputo 26:5

Seta kelai nianiiovi aṉa lulali azo sole seta keka zariovou tea ke kaseko inio, aṉata a eveni lala sea maba poso ko poqala kale se matu piza kavole ke lulupatani animeko lotu kale se inio se Parese madu.

Iruruputo 28:22

Melai eṉeta ṉeda ṉai zaria taṉa viqo ṉoko kerukeru, ako ṉe baqumuka ta kiadakoi zama maba poso ta ke perima ṉoko pitasa madu sole,” kikelake.

Iruruputo 5:17

Nio vo Ṉisa Siama ni voko baerebaere poso se koa so keru ama poqala maba poso Sadiusi madu ma kikeveni, ta kemai matu pasoike se apositolo madu, so sole seta ke vatoekake tu seta ke ereko kama quli tu ke niumaemo se kikelake.

Iruruputo 6:13

Nio seta ke mati kuevake kake maba poso ni seta keva lipalipatake vo ni eri kikelake, “Nea maba ta kiada keru ta ruqe kaseko o eva ko animeko tabu ama Jelepade ni vo Mosese ko Bazu.

1 Koriniti 11:19

Ako zakaremu ko pitasio ta kota elou me tona tu se sidopu amu ta ke uria keazailou.

1 Koriniti 4:13

ni so keru ruqe kaseṉelo ke eva keru eṉe, eṉeta ṉeda opata roquano sama pesio kale. Melai eṉeko ṉelai kaikuapo ta kokai paloasa komia miduku kale kekai kideipako quli, eṉeta omadeuvo votivoti jari miduku topi ama ti kobeta baroa komia taku kale.

1 Pita 2:19

Ako so keru maba poso ke naquemelou keru me, melai meta pulia quli lula meba sarueke, ni meta meqai pataitou seko naquemelo meko uria kai nianiio kale vo Baṉara ko vatolo, inio vo Baṉara ta mauru o imelou me.