Iruruputo 24:25 - BAṈARA KO VAIRU AMA LEVELEVEO

²⁵ Ni so keru Paula okai pesipesita keru ko sidopu ni inobe ama kalo, ni ko kilo ama ṉaniu kale ko ereilo ama titizato, inio Filekisi ta ota ṉake ni eri kiolake, “Ṉota ṉo rovea saqoro erisaṉa. Aṉata mata a nokaeṉou ṉo so keru aṉa uri ama taku a qovou keru,” kiolake.

Iruruputo 24:25 교차 참조

Matiu 22:5

Melai sea maba madu ta pui ke opatikake koa taipaza, ni keta aza aerake, kake ta seko kiaro kasi ni kake ta ke sitoa poso kasi.

Jone 16:8

Ni so keru vo o kilou keru inio vota kasa omai ikou se peuru ma peuru kale amu ta seta keta saruiva, seko kerukerueko kale ko seta puliama sarueko samu, ni seko kerukerueko kale ko seta Baṉara ko sidopu samu, ni seko kerukerueko kale ko seta pui kepa kovou ko titizato.

Iruruputo 10:42

Ni vota o sorueṉele eṉe tu eṉeta ṉeqai bazubazuto voko Uri ama Bazu maba poso kasi tu ṉema kaseko ta vo inio vo Baṉara lula o pitoini se saevomu ni voumu o titizimo ala.

Iruruputo 17:13

Ni so keru se Tesalonaika ke evani Jiu amu ke viqa keru Paula kai bazubazuto vo Baṉara ko bazubazu Berea peuru kale, seta ke olake sai ni ke taniekake ṉavaṉavato ni lilomato.

Iruruputo 17:2

Voko kalo sole Paula ta o olake ilusato ko pade kale. Ni zouke Sabati ṉaniu kale vota okai pesipesitake ko Tabu ama Riki,

Iruruputo 17:32

Ni so keru seke viqe keru koa mata saevo voukale azo inio kake ta kevai balebaleitake vo, melai kake ta eri kikelake, “Eṉeta ṉeqa zaria taṉa viqo mata ko ṉo ṉoqai bazutako quli,” kikelake.

Iruruputo 2:37

Ni so keru se maba madu ke viqa keru ko quli, kota kota ma jataekake seko bulo ni eri kikelake Pita ni sea kiadama apositolo madu kasi, “Baerebaere poso, sole eṉeta noi nio ṉe qalou?” kikelake.

Iruruputo 24:15

Ni aṉako keru vo Baṉara o ereko ama quli kasi ta omadeuvo seko jari ama, se sidopu amu ni se ruqe amu ta mata o saevimou voukale azo kikolako.

Iruruputo 24:26

Melai mata vota o kerukerutake ta koa taku kale inio vota o kativou ko zuzuku ko seleni tu o rupasio kiolake so sole vota o odievake vo kubo taku ni o vati pesipesitake.

Iruruputo 26:28

Nio Aqiripa ta eri kiolake Paula kasi, “Ṉo qerukeruta ta komia puju ama taku kale inio Karisito o luluevani maba ṉo ilo kinola kio?” kiolake.

Iruruputo 9:6

Ṉota zolai ni ola peuru kale ni sai nio kala ta oṉai bazuekou ṉo ṉoṉo ereko ama quli,” kikolake.

Romu 12:1

So sole, me aṉako tamania kalea mela, vo Baṉara ko matuma roquano ko kio kale avo aṉata a melai titia me, tu meta kativomo vo Baṉara meko saevo, saevoma siqasiqa jari, ni tabu emo vo va nabuluputo kale voko zolevo kale. Ko ikio koa tuvevo ama ilusato ko meme qativo ama vo.

Romu 14:12

So sole animea kiada mela ta me qasekou animeko saevo vo Baṉara kasi.

Romu 2:16

So inio ko kalo avo vo Baṉara ko matuma ṉaniu kale so keru vo o titizikou keru kiadama mutamuta kama kerukeru poso. Ni ko ikio koa Uri ama Bazu aṉa aqai bazutako, Jisu Karisito azo a qoema.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

2 Koriniti 5:10

Ako animea kiada mela ta kasa me elou vo Karisito ko tanama kale, vo o titizatou keru, tu kalakala me ṉavi ta meda ka kovou animeko miduku kale ama iruruputo ko tabara. Animeta meda ka kovou ko uri ama iruruputo ko malezikako reketekete ni meda ka kovou ko ruqe ama iruruputo ko malezikako vaitotola.

2 Koriniti 6:2

Meta viqomo vo Baṉara ko pesio kikolani, “Koa tutututuki ama taku kale inio aṉata ada mela viqake ni a roquemelake me; koa aṉako tauvezato ko ṉaniu kale aṉata a bakiemelake me.” Keatini! Komi kio koa taku vo Baṉara ko roquano ko kovo ko; komia ṉaniu ta koa ṉaniu pakio ko!

Qelesia 3:22

Melai kota pui so inio ko kava, ako ko Tabu ama Riki ta kasa ko ikake ko kiadama peuru ma peuru kale amu ta ke piriziake boutare kale, tu ko leveleveo ta koma katizio oqu kale se tuvevo ke ivani vo Jisu Karisito.

Qelesia 5:23

inobe, ni me ṉaviko aveavezio. Puliama kama bazu ta soama uri ama quli ko kaitika.

2 Timoti 4:1

Vo Baṉara ni Jisu Karisito tanama kale, vo o titizimo ala se saevomu ni se voumu, vo o vaito ala tu o lekasa puo, aṉata a qatiṉa ṉo komia piza kama bazu

Taitasi 1:8

Melai vota kala maba o baroekiko ala ko maba o elou ni vota o roquekou ko uri. Vota kala kaitizio ko maba o elou, ni sidopu ala, ni tabu ala, ni o uria odiziani o ṉavi.

Hiburu 12:21

Ako ko quli seke kevema quli koa zaekale ta ko matu polosimake. O ṉavi Mosese ta eri kiolake, “Aṉata ada polosa ni ada ṉava,” kiolake.

Hiburu 3:13

Melai meta pizatomo kokale azo tu puliala me azo ta ko lipaevou ko boutare, ni zokele bulo ko ivo, melai meta zuvarikiniomo muli kiadama ṉaniu, anime mebeta eva keru erisaṉa ko Tabu ama Riki kokai nokaekako “Vairutu”.

Hiburu 4:1

Baṉara ta lula leveleveo okai vaeka kama pado zae tu animeta me amaqeovou sai vo o evakoi tu me mamazou vokasi. So sole animeta me vailou, tu puliala anime azo kala ta nieu okai elou kelo ni kovo koa mamazo ko vo lula o mela inainaekema.

Hiburu 6:2

ko bapitaiso poso ko nianiiekato ni ṉase mai iviko ko tabu imo ko nianiiekato; ni voukale azo ama tova saevo ko, ni noqola kama titizato ko, koko kilo ama ṉaniu kale ama ko.

Hiburu 9:27

Kiadama maba madu ta ke vouvou omadeu taku pala ni seko vou ko tova Baṉara ta o pitasimou se ruqe amu sidopu amu kasi azo voko titizato kale.

Jemisi 2:19

Ṉota ṉo duvevo pueka ta omadeu Baṉara ta inevoana kio? So ta uri jari— melai ko ziolo poso melai ke tuvevo pueka ko so—melai seta keta matu ṉava, ako soama tuvevo puto ta puju ama sole.

1 Pita 3:15

Melai ilusivomo vo Karisito meko bulo kale ako vo inio mevo Lekasa sole. Ni inainaomo kiada keru tu ma rupasikomo seke mela kuiriko amu me tu mema zakaremu puekou meko tuvevo puto sama kerukeru tu kovo noqola kama saevo.

2 Pita 1:6

ni me ṉaviko aveavezio, ni ko pizaka lojo elo tapata kale, ni vo Baṉara va nabuluputo,

1 Jone 3:10

So sole animeta memai nianiia inio vo Baṉara ko meqora poso ni vo Setani ko meqora poso. Ako se pui ke erekani ko sidopu ta pui vo Baṉara ko meqora poso inio, ni se pui ke roquemani seko lotu tamania kale amu melai pui vo Baṉara ko meqora poso.

1 Jone 3:7

A meqora poso mela, pui zariemo edolomu tu ke saruemelo me komi ko kerukerueko kale. Vo sidopu o erekani, vo inio sidopu ala, omadeuvo vo Karisito ta sidopu ala.