Iruruputo 23:9 - BAṈARA KO VAIRU AMA LEVELEVEO

⁹ Ni matuma ṉiṉoreo ta ko evake sai, ni kake se Mosese ko Bazu kekai nianiiekatani se Parese madu ko poqala kale ke evani ta ke lojoake ni matuvole eri kikelake, “Eṉeta pui ṉeda va kea kama sarueko nea maba! Esa kama pado auvana ma mateana ta ko vati pesiovi vo!” kikelake.

Iruruputo 23:9 교차 참조

Maka 2:16

Ni kake vo Mosese ko Bazu kekai nianiiekatani, Parese madu ta ke veake vo Jisu ko mati vuato se Jiu ama lotu tanatanamu se ruqe amu ma kikelani, ni se takisi ke koani, ni eri kikelake, “Noi sole inio nea maba ta ota vuata nia maba poso se takisi ke koani ni se ruqe amu sate?” kikelake.

Luke 23:22

So sole Paelati ta eri kiolake sekasi zouke ama taku kale, “Melai loma quli sarueko ikio nea maba o erekako? Aṉata pui a rovea tava kelo kama quli vo o erekako koko malezikako tu okai vou! So sole aṉata a bazuemou tu ke sisiparu puevou pala ni ke rupasivou vo,” kiolake.

Luke 23:4

So sole Paelati ta eri kiolake sea raura kama siama madu kasi ni sea matu padopadoilo kasi, “Aṉata pui ada va kea kama sarueko nea maba tu vota kuiripato saṉa o elo,” kiolake.

Luke 5:30

Nio kake Parese madu ni se Mosese ko Bazu kekai nianiiekatani maba poso ta ke ṉuruṉuruake vo Jisu ko disaipeli poso kasi ni eri kikelake, “Noi sole inio meta me qeazata ni me nozuta nia maba poso se takisi ke koani ni se ruqe amu sase?” kikelake.

Jone 12:29

Ni sea vaki se sai ke lojoani ta ke viqake koa kora, nio kake sea vaki ta au kalea paka ka kikelake, mata kake ta “Kala mateana inio o vati pesia vo!” kikelake.

Iruruputo 11:17

Zakaremu kio vo Baṉara ta lula o katima koa puaro se pui Jiu amu omadeuvo anime me duvevo pueve keru vo Jisu Karisito o katimelema jari ama; so sole aṉata pui aba roveovi dokolivo vo Baṉara!” kiolake vo Pita.

Iruruputo 22:6

“Ni aṉata sipole aqai baroake ko Damasikasi peuru aṉako talio kale, ni ṉadaṉadale inio matuma zakaremu aukale azo ama ta taukavole ko qoloelake lai kapito.

Iruruputo 22:7

Ni aṉata ada piake miduku kale ni a viqake kama pado kora ni kota eri kikolake aṉa kasi, ‘Saula! Saula! Noi sole inio ṉota ṉo naqunaquela aṉa?’ kikolake.

Iruruputo 23:29

Aṉata aqai potoake ta vota pulia quli opa ereke ko malezikako tu o vou ni pirito pade kale ivo, melai vo kuiripato saṉa kevai ikema ta ke ṉavi seko bazu ko kio kale avo ikio.

Iruruputo 23:8

Ako se Sadiusi madu ta eria tuvevo puto ke evani sole, se maba madu ta pui kepa saevou voukale azo ni puliama mateana poso ni auvana poso kikelani, melai se Parese madu ta ke tuvevo pueka koa kiadama zouke quli.

Iruruputo 25:25

Melai aṉata pui a rovea tava kelo kama quli vou ko male ama tu vota o vou. Vota lula o erekala voko paseto tu vota o ziovou Romu ala Matu Aikovakova kasi, ni aṉata lula a vatoeka tu a joroevo.

Iruruputo 26:31

Ni seke saqora keru seta keta pesipesitake ke ṉavio kude ni eri kikelake, “Nea maba ta pulia quli o ereka tu vota o vou ma vaevo pirito pade kale,” kikelake.

Iruruputo 27:23

Ako raisi ipu kale ta kala pado vo Baṉara vo mateana ta o kuela ana kasi. Aṉata voa Baṉara vo nabulu lala ni a ilusivani lala vo.

Iruruputo 5:39

melai ko kuevako Baṉara kasi azo tea, meta pui meba roveovou koqo imo se. Ni meta me roveo nio kelo meko vati kanaekinio vo Baṉara!” kiolake. Nio koa padopadoilo kale amu ta ke luluekake vo Qamelieli ko uri ama kerukeru sama pesio.

Iruruputo 9:4

Ni vota ota piake miduku kale ni o viqake ko kora ko eri kikovema vokasi, “Saula, Saula! Noi sole inio ṉota ṉo niumaniumaela aṉa?” kikolako.

1 Koriniti 10:22

Ma animeta meqa zaria tu vai konoilo vo Baṉara, kio? Ta animeta mevai paloasa vo animeko pizato kale, kio?