Iruruputo 21:34 - BAṈARA KO VAIRU AMA LEVELEVEO

³⁴ Ni kake koa padopadoilo kale amu ta ke kasekake kama quli, ni kake ta edoloma quli ke kasekake seko ṉiṉoreo kale. Matu ṉiṉoreo keta evake so sole voa tanala ta niuniala ota evake ni pui o roveake taka kovo koko tuveano koko ereivako quli kio, so sole vota o bazuemake voko solodia madu tu ke vati zio vo Paula seko idi qara ko poro kale ama zaekale.

Iruruputo 21:34 교차 참조

Iruruputo 19:32

Ni koa padopadoilo kale kake ta kekai velavelaoke kama pado quli, ni kake ta kama edoloma quli kekai velavelaoke, ako kubo madu ta pui ke paqumukake se kekai padoivake quli sai sole.

Iruruputo 21:37

Ni so keru se solodia madu kebe vati zio kikelake keru vo Paula koa idi qara ko poro kale, vota eri kiolake voa tanala kasi, “Abe roveovou pesio ṉokasi kio?” Ni voa tanala ta o vati tiorikake ni eri kiolake, “Ṉota Quriki pesio laṉa inio kio?

Iruruputo 22:24

Nio se Romu ama solodia madu vo kuleto ala ta o soroemake voko maba poso tu kepa amaqivo vo Paula idi poro kale ama solodia madu ko zaekale, ni o soruemake se tu seta ke sisiparuevo vo tu kekai puratiko koko kio ni kalo se Jiu amu ko soama matuma upaupa kale tavai lupao vo kiolake sole.

Iruruputo 22:30

Ni vo solodia madu vo kuleto ala ta oka zariake taka vailiko koko tuveano se Jiu amu kuiripato saṉa kevai ikako vo Paula, so sole koko raneo kale vota o rupasivake vo Paula ni o bazuemake se raura kama siama madu ni Jiu amu ko Kauniseli madu tu seta ke padoilo. Ni vota o vati olake vo Paula ni o lojoevake seko kuleto.

Iruruputo 23:10

Ni ko zolizoliekinio ta matu ti matu naizato kota evake ni voa solodia madu ko kuleto ala ta ota ṉake tu vo Paula ta silosilo pala ke ivo. So sole vota o bazuemake voko solodia madu tu ke saqoro tu ke noqoevo vo Paula, tu ke vati zio sekasi azo idi qara ko poro kale solodia madu ko zaekale.

Iruruputo 23:16

Melai Paula vo apakora ta o viqake koa abamato ko bazu, so sole vota ota olake idi ko poro kale se solodia madu ko zaekale, ni opa vai bazuekake vo Paula.

Iruruputo 23:32

Ni koko raneo kale inio sea kiadama solodia madu se kiti kale ke taliovini ta keta vaitake Jerusalema, se hose topi ke zazini nio ke vati olake vo Paula.

Iruruputo 25:26

Melai aṉata pui aqai nianiia aṉa a rikieko ama quli koa voko tavai bazuto ko leta kale. So inio aṉata lula a vati kuela koi meko tanama kale—ni matuma quli ta ṉoa Aikovakova Aqiripa ṉa ko tanama kale! — nio so keru aṉa aqai nianiiovou keru voko vai kuiriziako quli, nio aṉata ada va rikiekou ko quli.