Iruruputo 21:3 - BAṈARA KO VAIRU AMA LEVELEVEO

³ Ne baroake sai Saipirasi udu ṉebe roveakoi kelo, ti udu ko palo rana vasia pakeo ṉe evake Siria. Ni eṉeta ṉe vikuake Taea, sai voa vaka o saqoratakoi ko lomaloma.

Iruruputo 21:3 교차 참조

Matiu 11:21

“Matuma tapata kio ko melai barolou mea Korazini peuru kale amu mela! Ni mata me Betiseida mu mela ko melai barolou! Ako koa aqasiele ama iruruputo koko ereima mekasi ta ko erei pui Jiu amu kasi Taea ni Saidoni peuru kale tea, koa omuqa peuru kale ama maba poso ta lulavo inio keta papu ni ke kiako ko baeke sabosabo ni kekai raibizio ko pari ke tupu topi, tu kasa ke iko seko sarueko kale azo ama lilizio.

Matiu 4:24

So sole vo Jisu ko bazu ta ko aerake kiadama zae poso kale ti kobeta baroake Siria rana matu peuru kale. So sole seta ke mati olake Jisu kasi kiadama maba poso se azaazama vere samu. Kake ta matuma tola samu, ni kake ta ziolo komai onobatani, ni mata kake ta pireṉe vere samu, ni mata kake ta lepu amu, melai Jisu ta o urikimake sea kiadamu.

Luke 10:13

“Matuma tapata kio ko melai barolou mea Korazini peuru kale amu mela! Ni mata me Betiseida mu mela ko melai barolou! Ako koa aqasiele ama iruruputo koko ereima mekasi ta ko erei pui Jiu amu kasi Taea ni Saidoni peuru kale tea, koa omuqa peuru kale ama maba poso ta lulavo inio keta papu ni ke kiako ko baeke sabosabo ni kekai raibizio ko pari ke tupu topi, tu kasa ke iko seko sarueko kale azo ama lilizio.

Luke 2:2

Komi ta kuleto ama ataito, koko ereima Kuiriniasi Qavuna o eve keru Siria.

Iruruputo 11:19

Ni kake seke tuvevo putani se azama buara ke eveni Sitiveni ke vouvaeve keru ko ereima matuma niumaniumato kale ta ke keve vaṉama peuru ni udu poso kale omadeuvo Ponisia, Saipirasi ni Anitioko, ni seta kekai bazutake ko Uri ama Bazu se Jiu amu kasi pala.

Iruruputo 12:20

Ni vo Herodi ta omai matu korakoraivake se Taea ni Saidoni peuru kale amu, so sole seta ke padoekiniake tu kepa velo vo kikelake. Kuleto seta ke vati baerebaereake vo Balasitasi, vo o kati vailani vo Herodi ko matu pade, tu vota o tauvemou se. Koko tova inio seta kevai olake vo Herodi ni seta ke pasekake ko odouvikinio, ako seko peuru ta vo Aikovakova ko peuru poso kale azo inio ke koakoi ko sailao sole.

Iruruputo 13:4

Vo Tabu ala Auvana ta o soroekake Banabasi ni Saula so sole nioqata qo olake Seleusia ni qo pakeake Saipirasi udu kale kala tepe vaka kale.

Iruruputo 15:23

ni seta ke kati soroekake ko leta eri kikolako bazu sama: “Eṉe apositolo ṉela ni lotu tanatanamu ṉela, meko tamania kalea ṉela, ta ṉe joroeka eṉeko roquano kiadama eṉeko visi poso ni kaka poso mea maba poso pui Jiu amu mela Anitioko peuru kale me evani mela kasi, ni Siria ni Silisia.

Iruruputo 15:39

Nio matu zolizoliekinio qota evake, ni qota pitasiake. Banabasi ta o odievake vo Maka ni qota pakeake Saipirasi udu kale.

Iruruputo 15:41

Ni nioqata qo olake Siria ni Silisia saizama peuru poso kale, ni qo pizatimake se lotu qoqono poso.

Iruruputo 18:18

Ni Paula ta o evake seke tuvevo putani sase matu kubo ṉaniu Koriniti peuru kale, ni koko tova vota o vaemake se ni ota zazuake kala tepe vaka topi tu o vaito Siria. Ni Pirisila ni Akuila melai qo luluevake vo. Vo Paula ta lula ota tabutabui voko pui kobueko kale voko tou, ni kota kobeta okote voko tabutabuo ko taku, so sole puliako tadao vaka kale Senikeria azo vota mata o kobuekake ko.

Iruruputo 21:16

Ni kake seke tuvevo putani Sizaria mu ta ke lulueṉelake eṉe ni ke ṉelati olake kala maba ko pade kasi sai eṉe ṉe eloa koi—voa maba ta Nasoni Saipirasi ala, se kuleto ke tuvevo puteni kale ala.

Iruruputo 21:2

Sai nio eṉeta ṉe veake kala pado tepe vaka Ponisia obe zio kiolani, so sole ṉeda zazuke sai ni ṉeda tadaoke.

Iruruputo 21:7

Ni mata ṉebeta olake talio, ni ṉe daliake Taea azo ti Tolimaisi, sai eṉe ṉe doraemekoi seke tuvevo putani ni ṉe evake sai omadeu ṉaniu.

Iruruputo 27:4

Ni eṉeta ṉe dadaovake sai kazo ni kapea ururu ko ṉela loake so sole ṉeda babatake Saipirasi udu ko daipadaipa.

Iruruputo 4:36

Ni vo Josepa ta kala Livai toutou kale ala Saipirasi udu kale o alileni ni se apositolo madu Banabasi va kikeveni. Koa ṉi ko kio ni kalo ta “Vo o zuvaratani.”