Iruruputo 21:11 - BAṈARA KO VAIRU AMA LEVELEVEO

¹¹ Ni vota o ṉelai kuevake eṉe, ni ota va koake Paula ko beleti, ni vota o bibulikake o ṉaviko kiti ni ṉase topi, ni eri kiolake, “Eri nio vo Tabu ala Auvana kiolani: komia beleti sala ta soa pirievo inio ke elou se Jiu amu Jerusalema peuru kale, ni seta ke vaevou se pui Jiu amu ko pizato kale,” kiolake.

Iruruputo 21:11 교차 참조

Jone 18:1

Ni so keru Jisu lula o paika keru vararaito inio vo ni voko disaipeli madu ta ke saqorake pade kale azo ni ke pakekake ko Kidoroni patopeka orori. Sai ta ko epamatako ore bariki sakoi, nio Jisu ni voko disaipeli madu ta ke amaqeake sai.

Iruruputo 13:2

Ni so keru se kebe ilusiva keru vo Lekasa Jisu seko lotumato kale, ni kebeta tabutabua keru seko pui vuato kale, inio vo Tabu ala Auvana ta eri kiolake sekasi, “La edolikomo Banabasi ni Saula, tu nioqata qo ereko koa iruruputo ko lula aṉa aqai pitoekako nioqa,” kiolake vo Tabu ala Auvana.

Iruruputo 16:6

Ni seta keta olake koa Pirijia ni Qelesia ranama peuru poso kale kude, ako vo Tabu ala Auvana ta pui o zariemake se tu seta kekai bazubazuto ko Uri ama Bazu Eisia ranama peuru poso kale sole.

Iruruputo 20:23

Aṉa aqai nianiiako ta kiadama peuru kale ta olai bazueka vo Tabu ala Auvana ko piri ni tapata ta kobe tarela aṉa.

Iruruputo 21:33

Ni sea solodia madu vo tanala ta o alokatake Paula kasi, ni o noqoevake vo, ni vota o bazuemake voko solodia madu tu seta ke pirievo vo omuqa seini kale. Ni vota o kuimaemake sea vaki, “Lala inio vo nea maba, ni loma ikio vota o sarueka?” ma kiolake.

Iruruputo 21:4

Sai nio eṉeta ṉe meake kake seke tuvevo putani ni eṉeta ṉe evake sai sekasi sikeura ṉaniu. Ni Tabu ala Auvana ko pizato kale seta ke bazuevake vo Paula tu vota pui o ziovou Jerusalema va kikelake.

Iruruputo 22:25

Melai so keru se lula ke titieva keru vo tu ke sisiparuevo kikela keru, Paula ta eri kiolake vo sai obeta lojoani sirula kasi, “Ko Romu ama bazu ta ko zariemela me tu meta me jisiparuevo kala maba ko Romu ama bazu ko pizato sala vo ṉisa Romu ala jari ala, vo pui nio me vati olani titizato kale tu keta va kelo voko saruilo, kio?” kiolake.

Iruruputo 24:27

Ni omuqa sabere kota paloasake inio Pokiasi Fesitasi ta o besievake voa Qavuna Filekisi. Ni Filekisi ta oka zariake zolemo se Jiu amu so sole vota o vaevake vo Paula pirito pade kale.

Iruruputo 26:29

Ni Paula ta o opatake ni eri kiolake, “Rosi ama taku kale ma puju ama taku kale, aṉako vararaito kale vo Baṉara kasi ama ta ṉo ni mea kiada mela me meda la viqani mela aṉako pesio vairutu ta aṉa jari me elou, melai pui komia piri kale,” kiolake.

Iruruputo 28:17

Ni zouke ṉaniu ko tova inio Paula ta o nokaemake sai ke evani Jiu ama tanatanamu vatovatoito ko pesipesito kale, sai nio vota eri kiolake sekasi, “A baerebaere poso mela, aṉata pui aba ereke ruqe ama kalo animeko maba madu kasi ni so jari pui aba bikoirike animeko vikuvikula bazu. Melai seta ke vaelake Jerusalema pirito pade kale ni ke lati sorotake aṉa se Romu amu ko ṉase topi.

Iruruputo 28:20

Sokale avo inio aṉata a odiemelala me tu aqai pesio komi mekasi. Ako koko tuveano ko aṉa eria pirizio aqai evako komia seini kale ta vo Izireli amu keta vai keruani voko kilo ko kio kale avo inio,” kiolake.

Iruruputo 28:25

So sole seta keta zolizoliekiniake, nio Paula ta o kasevake matu tovatovala quli sekasi, ni eri kiolake, “Vo Tabu ala Auvana ta uria kaseko o evake vo poropita Aisea ko riki kale ko tuveano meko taite poso kasi. Ako vota eri kiove sole, ‘Ola ni eri pa kive nia maba poso kasi: Meta viqo ti viqo me elou, melai pui meba paqumukou; ni meta kelo ti kelo me elou, melai pui meba patapataekou. Ako nia maba poso ko bulo ta zokele ke ikou sole, ni seta ke sutamukou seko taliṉa ni ke imadikou seko vilu tu seko vilu ta pui ko kelokelozatou, ni seko taliṉa ta pui ko viqaviqazatou, ni seko bulo ta zokele ko elou, melai pui so tea seta keta vaitou nio aṉa kasi, kiolake vo Baṉara, ni aṉata a urikimo inio se,’ ka kiovema.” Ni Paula ta o paikake pesio voko eri kio kale: “So sole meta paqumukomo ko eri; vo Baṉara ko pakiezato ko bazubazu ta lula ko soroiva pui Jiu amu kasi. Ni seta ke roveovou viqo ko!” kiolake. Ni voko so kio ko tova inio seta ke tanitake zio seko matuma zolizoliekinio kale ke ṉavio kude.

Iruruputo 8:29

Ni vo Tabu ala Auvana ta eri kiolake Pilipi kasi, “Ola ni pa taka kejoate koa totiaqolo ni sipole pa taka eve,” kiolake.

Iruruputo 9:16

Ni aṉa a ṉavi inio kasa ava ikou kiadama koa tola poso vo o kovo ama aṉako ṉi ko kio kale avo,” kiolake.

Epesasi 3:1

Ni komi ko kio kale inio aṉata a melati vararaita me, aṉa Paula a biriziani lala vo Jisu Karisito vai bazubazuto kale avo tu me pui Jiu amu mela kaqe.

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

Epesasi 6:20

Ako aṉata iruruputo salala tu aqai pesiovou ko Uri ama Bazu sole. Ni komia pirito pade kale melai ko ikio abe ereka erisaṉa. So sole meta me lati vararaitou aṉa so keru aṉa aqai bazubazutou keru ko Uri ama Bazu tu aṉata parani putole a qasekou, koko male avo.

1 Timoti 4:1

Tabu ala Auvana ta zakaremu o ika ko eri. Kake maba poso ta ke vaekou ko oqu koko kilo ama taku keru kio, ni seta ke zorikou koko lipalipatako auvana poso ni seta ke luluekou ko ziolo poso ko nianiiekato.

2 Timoti 2:9

Ni aṉako kai bazubazuto ko Uri ama Bazu kale avo inio aṉata tapata aqai eva ni aqai pirizia seini kale omadeuvo kala maba qavuna ko bazu o pazokani jari. Melai vo Baṉara ko bazu ta pui ko pirizia seini kale,

Hiburu 10:34

Meko tauvemo kale se, meta me lainike se piripiri amu ko tola ni so keru kiadama meko lomaloma keta mela rapeke melai meta me zolei, ako meta meqai nianiiake ta lula me qoa ko qulepo ama quli ko noqola ko elo ama aukale sole.

Hiburu 3:7

So sole animeta me viqou vo Baṉara vo Tabu ala Auvana ko pesio kikolani, “Meta me viqou vo Baṉara ko pesio vairutu,

1 Pita 1:12

Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.