Iruruputo 20:35 - BAṈARA KO VAIRU AMA LEVELEVEO

³⁵ Aṉata a mela kasa pueke tu komia keve kale animeta me matu iruruputo tu me dauvemo se lekuleku amu, kerukerueko kale ko bazubazu o ṉavi vo Lekasa Jisu o rukuekema, ‘Matuma zoleilo katizato kale ama ta kota ka qulepa koazato kale ama,’ ka kiovema,” kiolake vo Paula.

Iruruputo 20:35 교차 참조

Matiu 10:8

So sole meta me urikimou seke verepani ni me jaevimou se voumu, ni me urikimou se pokupoku amu ni meta mema rerikou ko ziolo poso. Ni meta me ṉeamukani mela koa tauvezato utuakoi, so sole meta mata katimomo se koa tauvezato utuakoi.

Iruruputo 20:20

Meta meqai nianiia ta aṉata pui aba tamela kaitike kama tauvezato sama quli so keru aṉa a bazubazute keru ni a nianiiekate keru meko padoilo kale ni me ṉaviṉavi ko pade poso kasi.

Iruruputo 20:27

Ako aṉata pui aba lupaovi kaseko vo Baṉara ko pado ama vatolo mekasi sole.

Iruruputo 20:34

Ni meta lula meqai nianiia ko aṉata a irurupute komia aṉako ṉase kale tu a dabariko kiadama quli a baerebaere poso ni a ṉavi ṉeqa zarima quli.

Iruruputo 20:36

Ni so keru Paula o paika keru bazubazuto, inio vota o iqeiqeake se sate ni o vararaitake.

Romu 15:1

Anime lula pizaka mela oqu kale ta me dauvemo se lekuleku amu seko niuniala kale. Animeta pui me zoleilo me ṉavi pala.

1 Koriniti 9:12

Kake ta ke male tamela kovo soama tabara jaria kelo, so sole eṉeta maba matuvole ṉe male ṉela inio! Melai eṉeta pui ṉeba tamela koe koa tabara eṉe ṉe male ama. Eṉeta ṉeqa zariovi tapata elo, tu pui ṉe qorakoraemo kake eṉeko kovo kale ko tabara kai bazubazuto kale ko Uri ama Bazu.

2 Koriniti 11:12

Aṉata abeta ziovou pui tamela kovo kama tabara koko kilo ama taku kale omadeuvo vairutu jari. So inio aṉata ada ma kovou koko raki seko aikailo sea “apositolo” madu ma kimelani, se kekai raurarauraivani ko seta aṉa jaria iruruputo ke eva kio sama lipalipato.

2 Koriniti 11:9

Ni so keru koa taku kale aṉa a eve keru mekasi aṉata pui tapata aba melai ike me so keru aṉa seleni aqa zaria keru; ako animeko lotu tamania kale amu seke kuevini Masedonia azo ta ke lati kue kiadama quli ko aṉa aqa zariovima quli. Kobeta kavani ko paloasako taku kale jari, ti kobeta kalou koko kuevako taku kale; aṉata maba pui riteraite aba melai ikou me kama quli.

2 Koriniti 12:13

Meta eri kimela, ta aṉata a zaraemela me edoloma lotu qoqono poso kasi azo, ako aṉata pui riteraite aba melai ike me seleni ko ranama tauvezato sole, kio? Meta akoekato saṉa ilomo koa aṉako sarueko kale avo!

2 Koriniti 8:9

Meta me baqumuka animevo Lekasa Jisu Karisito pakiezato sama roquano; ako vota kiadama aukale ama batiro sala, melai vota ozaoza ota eve o ṉavi meko kio kale avo, tu vota o katimelou aukale ama batiro voko ozaoza elo kale.

Epesasi 4:28

So inio vo o kuileni voko lulama saevo kale ta o epezou kuilo ni o iruruputou voko ṉase kale tu o kovou saevo ko korotikako quli, ni omai tauvekou koa uri ama quli se ozaoza kamu.

1 Tesalonaika 4:11

Meta zuatikomo ko bule ama saevo, ni pui epoepoilo edolomu ko iruruputo kale melai erekomo me ṉaviko iruruputo, tu meta me uria tauveziovou meko elo kale, ko lula eṉe ṉe melai bazuekako me jari ama saevo kale.

1 Tesalonaika 5:14

Eṉeko visi ni kaka poso mela, eṉeta ṉe basemela me tu meta balauvimomo se utu elo ke evani, ni zuvarimomo seke ṉavani, ni tauvemomo se lekuleku amu seko oqu kale, ni inobe emo kiadama maba poso kasi.

Hiburu 13:16

Pui ukaka iko meko uri ereko edolomu kasi, ni meko tauvekinio, ako ko ikio koa siqasiqa vo Baṉara ko zolevako sole.

Hiburu 13:3

Kerukeruemomo tu tauvemomo se pirito pade kale ke evani maba poso; omadeuvo se jaria piripiri emo. Ni so jari meta kerukeruemomo se tapata ke evani, omadeuvo meta me lainika seko tola jari.

3 Jone 1:7

Ako seta lula ke taniekako ikio sole seko talio kale va nabuluputo vo Karisito, ni seta pui keta mai zaria se kutumana kamu ko tauvezato.