Iruruputo 20:28 - BAṈARA KO VAIRU AMA LEVELEVEO

²⁸ So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

Iruruputo 20:28 교차 참조

Matiu 16:18

“So sole aṉata a bazueṉa ṉo, Pita, ṉoko ṉi ko kio ni kalo ta lado ikio, ni omadeuvo kala ta o orumuka voko pade lado ko vola topi, so jari nio aṉata a orumukou aṉako lotu ṉo topi, ni vou melai pui kopa niumaekou.

Matiu 2:6

‘Me Betelihema peuru kalea mela, Jiudia rana mu mela, meko peuru ta maba qulepo ama koa kuleto ama Jiudia peuru poso kale azo, ako mekasi azo inio o puratou kala lekasa, vo kuleto oma elo ala aṉako qoqono se Izireli amu.’ ”

Maka 13:9

“Ni meta me ṉavi nio me balauvou. Ako seta ke noqoemelou, ni ke melati ziovou titizikinio kale ni seta ke pazomelou ilusato ko pade kale ni ke lojoemelou me se Lekasa poso ni Qavuna madu ko tanama kale, ni so inio meta meqai bazutou ko Uri ama Bazu sekasi.

Luke 12:32

Ni vo Jisu ta mata eri kiolake voko disaipeli madu kasi, “Meta pui ṉalo, mea silo ama rovaṉa sipi jaria mela, ako mevo Mama ta ota zoleiva tu o lekasa puemelou me o ṉaviko lekasa puo jari.

Luke 21:34

Ni Jisu ta mata eri kiolake, “Meta vailomo! Pui kai mumuasa puilo ko ṉojola ni nozueko ko piza kama ju ni tiṉoliṉoli kai elo komia taku ama saevo ko quli, ako pui uri tu koa matuma ṉaniu ta taukavole ko melai baro

Iruruputo 13:2

Ni so keru se kebe ilusiva keru vo Lekasa Jisu seko lotumato kale, ni kebeta tabutabua keru seko pui vuato kale, inio vo Tabu ala Auvana ta eri kiolake sekasi, “La edolikomo Banabasi ni Saula, tu nioqata qo ereko koa iruruputo ko lula aṉa aqai pitoekako nioqa,” kiolake vo Tabu ala Auvana.

Iruruputo 14:23

Ni nioqata qo pitoemake lotu qoqono poso kale se lotu tanatanamu se koko kuleto keta ka elo amu, ni nioqako vararaito ni tabutabuo kale nioqata qo vaemake vo Baṉara vo kevai oquini ko vailo kale.

Iruruputo 20:17

Ni Miletasi azo inio Paula ta o soroekake ko bazu Epesasi, tu saizama lotu tanatanamu ta ke toraevou vo.

Iruruputo 20:29

“Ni aṉata aqai nianiia ta aṉako tova, ta kade ama piru siele jari ama maba poso ta ke kilou mekasi tu ke madoeko ruvurimo meko rovaṉa.

Romu 16:16

Toraekiniomo muli tabu ama roquano kale. Kiadama vo Karisito ko lotu qoqono kale amu ta ke soroeka seko roquano mekasi.

1 Koriniti 1:2

mea Baṉara ko lotu qoqono me Koriniti peuru kale me evani mela kasi, mea kiada mela meko omadeu vati elo vo Karisito kale lula Baṉara ko tabu ama maba poso me evani mela, omadeuvo sea kiadamu komia peuru ma peuru kale amu seke ilusivani vo Jisu Karisito, animea kiada mela vo Lekasa.

1 Koriniti 10:32

Meta pui ereko kama quli koko odiemo ama maba poso tu ke ereko se sarueko ka kikelako quli, Jiu amu kebe elou, ma se kutumana kamu kebe elou, ma vo Baṉara ko lotu qoqono kale amu kebe elou melai.

1 Koriniti 11:22

Noi nio? Meta puliama me ṉaviko zae samela inio sai me vuatakoi ni me nozutakoi, kio? Ta so inio meta maba pui me mati koidipa vo Baṉara ko qoqono ni me quratima se olaquama maba poso, kio? Noni kiavou aṉako melati kaseko kale komi quli? Abe rauraemeloa lala inio ko me, kio? Komia meko kalo kale ta maba pui aba rauraemelou me!

1 Koriniti 15:9

Ako aṉata matu siloa lala sea apositolo madu kalea lala sea kiadamu kasi azo sole ni pui koko male aṉa tu apositolo ṉi lai nokaeko, ako aṉa inio a niumaekeni lala vo Baṉara ko lotu qoqono sole.

1 Koriniti 6:20

Ako meta lula o tatabaraemeleni mela vovo Meqora ko voukale. So sole meta vai ilusikomo vo Baṉara meko saevo.

Qelesia 1:13

Ni meta meda la viqe aṉako saevo koko paloasako taku keru ama, so keru aṉa Jiu mu ko lotu kale a eve keru. Aṉata a niumaniumaeke vo Baṉara ko lotu, ni a matu madoeke tu a ruvurimo vo Jisu ko lotu maba poso.

Epesasi 1:14

So sole voa Tabu ala Auvana ta leveleveo ko mamola anime kasi. Vo inio kasa o mela ikani ta animeta me qovou vo Baṉara leveleveo o ikema o ṉaviko mabamu kasi. Ni komi kale inio tuvevo me ikou vo Baṉara ta o maba rupasimou o ṉaviko maba madu. So sole animeta mevai ilusiko voko ṉaṉaidara!

Epesasi 1:7

Matu aqasiele ama vo Baṉara ko pakiezato sama roquano, ako vo Karisito ko voukale inio animeta me rupasiovi sole ni ota mela akoeke animeko boutare.

Epesasi 4:11

Ni vo inio o katimeni maba poso seko puaro. Kake ta apositolo, kake ta poropita, ni kake ta ke taliekani ko Uri ama Bazu, ni kake ta lotu qoqono ko odikato ni nianiiekato ko maba poso.

Pilipai 1:1

Aṉa Paula lala ta a rikieka komia riki Timoti sate, vo Jisu Karisito ko nabulu kidi qela, mea kiada mela kasi vo Baṉara ko maba poso mela me omadeu me vati evani mela vo Jisu Karisito meme evani mela Pilipai, ni so jari me lotu qoqono ko vilua pikopiko ni tauvezato ko maba poso mela kasi.

Kolosi 1:14

vo o rupasimeleni anime, voko tamela akoeko kale animeko sarueko poso.

Kolosi 4:17

Ni bazuevomo vo Akipasi, tu vota o tovoziko ereko koa iruruputo Jisu lula ova pitoekema vo tu vota o ereko.

1 Timoti 3:1

Komi ta tuvevo ama pesio: Voa maba vo oka zariani ko vilua pikopiko elo lotu qoqono kasi ta o pitoekani nio matu uri ama iruruputo.

1 Timoti 3:2

Lotu qoqono kale ala vilua pikopiko ta kuiripato pide o elou, vota o ṉeamukou omadeu pado reko, vota o balauvani, ni o kaitiziani, ni vota inobea elola; ni vota o baroekimou se edoloma maba madu voko pade kale; ni vota bokao saṉa o elou tu o ereko ko nianiiekato;

1 Timoti 3:5

Ako kala maba vo pui o roveani korotiko o ṉaviko saidi ta nonia roveo inio vota o kati vailou vo Baṉara ko lotu qoqono? Vo soala maba ta pui opa roveovou.

1 Timoti 4:14

Ṉota kai irurupute koa bokao vo Tabu ala Auvana o katiṉema ṉo, so keru se lotu tanatanamu ṉase keṉai ivike keru ama.

1 Timoti 4:16

Ṉota balauve ṉoko saevo ni nianiiekato kale. Ṉota vinai komi quli poso ko ereko kale, ako ṉota so ṉo qalou, inio ṉo ṉavi ni seke viqani ta meda pakiovou.

1 Timoti 5:17

Se lotu tanatanamu seke uria erekani seko odikato ko iruruputo ta ke male tu seta ke uria kerukeruilou ni ke kovou ko uri ama tabara. Ni kota ko matu suirima se kekai mumuasa puivani ko bazubazuto ni nianiiekato.

Taitasi 1:7

Ako vo lotu tanala ta o kati vaila vo Baṉara ko iruruputo sole, so inio vota maba kuiripato pide ala o elou. Vota pui o aikailou ni pui taukavole o korakorailou ni pui o vuatou ko piza kama ju tu kota sarube ko ivo vo, ni pui o niumaniumaemo se edoloma maba madu, ni pui oka zario voko koidi tu okai kovo ko takula.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Hiburu 12:15

Balauvomo tu puliala ta o liliziovou Baṉara ko pakiezato sama roquano kasi azo. Ni vailomo tu puliala ta o pasopasoilou, ako koko epamata keru ta ko pasopasoilo ta kubo tapata ko ereka seke tuvevo putani kasi ni ko niumaeka seko saevo.

Hiburu 13:17

Meta zorimomo meko lotu lekasa poso, ni erekomo ko quli seke melati soruekako me, ako se inio ke melati vailani me meko auvana ko saevo sole, ni se inio ko kilo ama ṉaniu kale ke lojo amu Baṉara ko tanama kale, tu ke kaseko seko iruruputo vokasi. Seta kevai bazuekou vo se lula ke erekako ni nonia ereko inio lula ke evani ko. So sole meta zorimomo se, tu seta ke zoleilou seko iruruputo kale, nio pui duki ke elou seko koidi kale, ako meko duki imo se ta pui kopa tauvemelou me sole.

1 Pita 2:25

Ni lula meta omadeuvo ko mumamuma kama sipi jaria mela, melai meta lula me vaita tu me luluevou vo Jisu, vo o melati vailani me omadeuvo vo vailo ko maba ta o kati vaila jari voko sipi poso.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.

1 Jone 1:7

Vo Baṉara ta zakaremu kale o evani nio. Ni animeta me elou zakaremu kale, nio animeta omadeu lolopareo me elou animeko vai nianiio kale vo. Ni animeta me elou zakaremu kale inio vo Jisu Karisito, Baṉara vo Meqora ko dara ta bulebule ko imelou kiadama animeko sarueko kale azo.

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.